30 Nov 2012

Van lal nau ang pian ni (Lal Vakvai kha/Van Lal Rengpui)

Van lal nau ang pian ni (Lal Vakvai kha/Van Lal Rengpui)

Phuahtu: Upa Lalhmingliana (East Phaileng)
Satu: Bawngkawn Pastor Bial Zaipawl, T Lalengzauva, H Lalthakima

Ngai teh, Van Lal nau ang pianni,
Zaitin thang vawrin ka hril dawn em ni?
Chhingkhual hringmi zaleng zingah,
Aw, ka Lal chun leh zua in riang chuang mang e.

A na lua e, ka tuar zo lo, Van Lal Rengpui,
Hmangaih vanga inngaitlawmin,
Kan tan lei sual thim hnuaiah ilo vakvai.

Bethlehem mual tlaitla enga'n,
Riahrun zawngin laitual an fang vel a;
An tawng si lo riahrun kaina,
Riakmaw sirva iangin kaina run an vai.

Lam ang letin an her vel a,
Khualbuk vengtu biahzainem an hlan e;
Hraite pian nan hmun min kian r'u,
Aw, riangvai chanhai chhingkhual an ding reng mai.

Laikhum chang lo ka Lal Riangvai,
Ran chaw pekna thlengah an zal tir mai;
Thinlairukah tuar har min siam,
Aw, thinlainain luaithli ka nul leh thin.

Hmanah Bethlehem ang khanin,
Van Lal fa chuan riahrun a rawn zawng a;
Thinlung tinin hmun lo kian r'u,
A vahvaih nan Judai ram kha tawk rawh se.

(He hla a chunga kan rawn tarlan hi a phuahtu Upa Lalhmingliana, East Phaileng amiin kum 1970 a phuah dan dik tak a ni a, he hla hi a phuah ang nilo deuha siam danglam hi mi tam zawkin kan lo hriat dan leh kan sak thin dan a ni a, a hnuaiah hian chumi chu ka dah tel bawk e. He hla a phuah dan hi Pu H Lalthakima Youtube Channel-a he hla a sak video awmnaah khan chhiar theihin a dah tel e.)

 

Ngai teh, Van Lal nau ang pianni,
Zaitin thangvawr in ka hril dawn em ni;
Chhingkhual hringmi zaleng zingah,
Aw, ka lal chun leh zua in riang mang e.
 
A na lua e, ka tuar zo lo, Vanlalrengpui,
Hmangaih vanga inngaitlawmin;
Kan tan lei sual thim hnuaiah i lo vakvai.


Lam ang letin an hawi vel a,
Khualbuk vengtu biahzainem an hlan e;
Hraite pian nan hmun min kian r'u,
Aw, riangvai chanhai chhingkhual a ding reng mai.

An rawn chhawn e khualbuk vengtu'n,
Hmun a awmlo tih biahzai an hlan e;
Riahrun chang lo chun riang Mari'n,
Aw, Bethlehem dai khawhar a hrut dawn maw?

Bethlehem mual tlaitla engah,
Riahrun zawngin laitual an fang vel a;
An tawng silo riahrun kaina,
Riakmaw sirva iangin kaina run an vai.

Khualbuk chang lo ka Lal Riangvai,
Ran chawpekna thlengah an zal tir maw?
Thinlung tinin hmun lo kian r'u,
Aw, thinlainain luaithli ka nul leh thin.


 
 
 - mizo krismas hla/mizo christmas song -
LEN KA ZUAM LO

LEN KA ZUAM LO

 Phuahtu: C Lalsangliana
Thluk siamtu: Lalremchhunga
Satu: Lalropuii, Lalrindiki Khiangte, Bungkawn Branch YMA Zaipawl

I lenna ram khi han thlir la,
Tlang tin an mawi hluan e;
Bawngvate biahthu han chah ila,
Lunglen a nem ngei ang.

Tlangtin chuan la khua thalin,
Romei leh meikhu an zel;
Huiva len thiam iang thlawkin leng la,
Fan nuam ing e partin vulna.
Mahleng phaikhuam a cham hianin,
Tudang ngailo te'n kan lenna tlang khi;
Ngaihlai a zual, lunglen a na lua e,
Kei zawng maw, mahten len ka zuam lo.

 
Tlangsam, dingdi chhawkhlei par leh,
Thintin lenbuang an vul;
Zotui thiang dawn sa tin leng nen,
Chawngtinler lenna ram daiah.

Tlaikhua lo ngui zankhua lo thim,
Tuanzai rel vala'n maw;
Chhermei chawiin di run a kai,
Zun ngaih perhkhuangin a awi e.


4 Sept 2012

Nang fak zel che ka duh

Nang fak zel che ka duh

Phuahtu: C.Lalzarmawia
Satu: Bangalore Mizo Christian Fellowship Zaipawl, R.Lalramchhana

Kan zin na he lei hi zawng lungngaihna hmun mai lo ni,
Hlim ni lo thleng thin mahse tah niin kan khar leh thin;
Lungngaihna leh mangannain min chimbuai lai hian,
Tu hringnun nge maw lungawi ngai le?

Hringmi nuna thleng thin hi kan rel leh ruat a ni lo,
Jakoba Pathian ngei chu ro min rel sak tu a ni;
Kan Puithiam Krista zarah a mah chu kan Pa a ni,
Hmangaih tawp lo va hmangaihtu chu.

Chibai ka buk a che, I hmaah ka lo kun e,
Fakna ka hlan a che, ka thiamna-theihna zawngin;
Lungngaih ni lo thleng mahse hlim lawmna kar pawh nise, 
Nang fak zel che hi ka duhsam ber a ni.

Nang fakna hlan lo chein chibai buk lo che ila,
He thlarau rethei tak hian khawi lam nge a hawi ang le?
Nang Pathian nung chu i ni, engkim chunga  roreltu,
I hnen loah hian thla a muang lo.

Aw unau, i dawn ngai em, hringmi kan lo pian chhan hi?
A siamtu chibai buk a, a ropuina tarlang a;
A ma tana inhlan a, a hnena inpumpekin,
A rawng chauh bawl tur kan lo ni e.



Angel Sak Theih Loh Hla Mawi

Angel Sak Theih Loh Hla Mawi

Lettu: Lianhrima
Satu : Lalsangzuali Sailo, Mission veng Pastor Bial Zaipawl, PBK Liankhuma


Van angel thianghlim sak ve theih loh hla mawi,
Khawngaihna mak, hla mawi ber chu;
Aw, van angel thianglim sak ve theih loh hla mawi,
Kei misual ber chhandamna hla.

Thisena tlan ve loh van angelte,
Hriat ve phak loh lawmna mak tak chu ka nei;
Tunah van hmun nuamah zai vawr mahse,
Khawngaihna mak zaia chawi hun chuan,
A ropui zual zawk ang.

Pathian lalthutphah ropui hual velin,
"A thianghlim e, a thianghlim e" tiin an zai;
Mahse, hmangaih a tlanna ropui,
Hla mawi kan rem hun chuan,
Angel var ten an hre phak lo'ng.


6 Aug 2012

I tel lo chuan

I tel lo chuan

Phuahtu: Henry MS Dawnga
Satu: Gnat Lalrinchhana

In vang khawpui laitualah,
Chhingkhual rawn changin, lungrunpui;
Karah ka lo dawn ngai lo,
Nang nen ti ema hmangaihna.

A rei lo em, kan hlimlai ni,
Tunah erawh lenna tlang a dang leh si;
Lung ka vai ruai e, i tel lo chuan,
Aw, tleitir lenmawi.

Zantiang chhawrthla eng hnuaiah,
Ka dawn vawng vawng thin hlimlai ni;
Duh te'n i tang bei lai za,
Nghilhni awm thei hian ka mawi lo.

Lenna tlang dang thin mahse,
Min nghilh bik lo'ng che, lungrun;
Nang nen biahthu kan hlan zawng,
Vawng dun zel ang aw, kumtluangin.



5 Aug 2012

Uire Nu (Mi nu kan deng dawn)

Uire Nu (Mi nu kan deng dawn)

Phuahtu: Rev. Chawisanga
Satu: ATC Male Voice (2011-2012), Zorema Khiangte

Mi tam tak authawm chu ka hria, en teh, mi tute nge ni ang?
Mi tha taka angaih mi leh mi sual bawlhhlawh hnu;
Mipui hmaah kan Lal Isua rilru rethei takin a ding,
An thinrimna authawm chuanin, "mi nu kan deng dawn".

Ka en ngam lo mi sual nu chu, sualna vanga hlau leh khurin,
Engmah sawi thei lo thihna chauh lungngaiin a nghak;
Sawi tur dang reng a nei tawh lo, puitu tu nei lo vin mi sual nu,
Engmah sawi thei lo, thihna chauh lungngaiin a nghak.

Lalpa, ka hlau, i tel lo chuan Setan ang chhungah,
Isua hmangaihna kawng zawh i duh chuan;
Isua'n a chhandam tawh mi sual nu kha va zawt la,
A hrilh ang che Pathian hmangaihna chu.


An zawt nawn thin sual hriat duhin hmangaihnaa khat Lalpa chu,
Mi sual lungin kan deng angem? nangin min hrilh rawh;
Sualna nei lo mi tha chuanin deng hmasa se mi sual nu chu,
Engmah sawi thei lo, thihna chauh lungngaiin a nghak.

Uire aia sual zawk kei hi, Lalpa, i hmaah ka ding ve,
Setan kut thihna hlauhawmah mi sual ber kei hi;
Lalpa, min hmangaihna vangin ka thihna aiin nang i thi ta,
Ka rul zo lo'ng ka dam chhungin Lalpa hmangaihna.


Aw Lalpa thatzia hi

Aw Lalpa thatzia hi

Phuahtu : Dr. Ramdinthara Sailo
Satu: Aizawl Theological College's Male Voice

Harsatna leh lungngaihna te,
Ka nun in a lo tawn pawhin;
Tahna ruam thih hlim kawrah pawh,
Lal Isua ka phaw a ni.

Aw Lalpa that zia hi,
Tem chhin ve teh reng u;
Sakeibaknei vanglai an riltam pawhin,
Tlakchham reng ka nei si lo.


Lalpaa an rinna nghat a,
Felna leh a ram zawng te chu;
Boralna sual tupuiah pawh,
Nun him takin an kai thin.

Nun tobul damchhan ber a chu,
Tlantu Lal Isua hi a ni;
Lei sum zawng zawng aia hlu zawk,
Lalpa hriatna hi a ni.



An chhinchhiah bik che

An chhinchhiah bik che

Phuahtu : Dr. L.N Tluanga
Satu: ATC Male Voice

Khawvel in Pathian kalsan,
Kawngdang a zawh a nundang a pawl a;
Chhandamtu kawng kei chu ka zawh a,
Mi zawng zawng in hria se Isua ta ka ni.

An chhinchhiah bik che i chetzia an thlir,
I sawi apiang an ngaithla;
Chhamdamtu chu nangmah ah enchhuah tir la,
A thu thu in nitin in awm rawh.


Ka nun kawng miten an en reng,
Ka tan lam an thlir, ka duhzawng an hria;
Ka chetzia ah ka Lalpa an hmu,
Lalpa chunglam thil te min hmuhtir fo rawh.

Thlemna ten min chimbuai laiin,
Sual min ti hnawk tu hlauhna thawm te nen;
Isua chakna in min chawi kang ang,
Chuti chuan amah angin ka awm ve ang.

4 Aug 2012

Hriatchian leh zual che ka va duh em

Hriatchian leh zual che ka va duh em

Phuahtu: C. Lalzarmawia
Satu: Vanlalsailova, Feli Thangluah, Ab-a, Johana & Jk-a

Nawmsakna te zawngin ka tlan thin,
Hausakna te zawngin ka tlan thin;
Mahse, hei hi ka duh ber nangmah hriat hi,
Ka tan hian a tha ber e.

Ka nunna hi i tan ka hlan e,
Ka thiamna hi i tan hlan e;
Ka neih rohlu leh ka hun hlu zawng te hi,
I tan ka hlan e, Lalpa.

Hriatchian leh zual che hi ka va duh em,
I hmangaihna leh khawngaihna te hi;
Hrechiang ila nang ka bo san tawh lawng che,
Hriatchian leh zual che hi ka va duh em.


I thisen hlu ka tan a luang chhuak,
A va mak in, aw, a ropui e;
Mihring finna hian a chhui phak lul lo ve,
Lalpa, ava ropui em.

Midang te tan damna a thlen a,
Mahse, a tan damna awm lo;
A va mak em i hmangaihna ropui hi.
Ka tan hian a sang lua e.


3 Aug 2012

Nazareth Tlangval hmeltha

Nazareth Tlangval hmeltha

Phuahtu: Rev.Dothanga
Satu: PBK Liankhuma


Nazareth khua tlangval hmeltha kha i hmu em?
Hmutu apiang lawm in an khat zel thin;
Kei pawh ka hmuh ve chinah chuan,
Lawmin ka khat ve ta a ni.

Ka Lalpa chu a mawi ber e.
Hlinglukhumin phuar vel mahse;
Khawvel mi ten hmusit mahse,
Ka Lal duhawm, ka lawmna ber a ni.

Patmos thliarkarah pawh Johana'n a hmu a,
A hmel chu nisat vanglai ang a ni;
Thi ang der in a lum ta a,
Ka Lalpa hmel engah chuanin.

Lei leh van palai intawkkhawm pawhin an hmu,
A hmel chu ni angin a lo eng a;
Apostolte'n an ning thei lo,
Bawkte khawh hial mai an duh e.

Retheite leh lungngaite hnemtu Lalpa chu,
I thinlungah hmun i chantir tawh chuan;
Thlamuanna reh thei tawh lo chu,
Chatuanin i chang ve tawh ang.


Ka chak loh apiangin  a ni ka chak thin

Ka chak loh apiangin a ni ka chak thin

Phuathu: J Zaihmingthanga
Satu: PBK Liankhuma

Ka damchhungin hei hi ka thupui ber nise,
Engkimah Lalpa a lawm zel hi;
Lungngaihna, beidawnna, a lo thlen lai te hian,
Ka inghahna lungpui a ni si.

Thlemna hriatthiam rual loh a lo thlen lai te hian,
Ka hringnun zawng a buai ngei thin a;
Ka chak loh naah ngei mi chak kha a lo che thin,
Ka chak loh apiangin a ni ka chak thin.

Khawvel ropuina leh a mawina ka thlirin,
Ka lei hringnun hi a nghing thin a;
Chhungrilah min hrihfiah thin avang chauh zawkin,
Thlemna lakah pawh ka him leh thin.

Damchhung ni chhiar tuma ka chhiar thiam loh laiin,
Amah zawkin min chhiar chhuak thin a;
Min zirtir, min zilhhau, ka fel lohna tarlangin,
A talhtum leh tiangin min thlamuan.

Hmangaihna, aw, hmangaihna thuk leh ropui ber,
Mi sual nung tlak lo min hmangaihtu;
Ka phu loh chawimawina, malsawmna leh van ro hlu,
Chanvo ropui min siamsak ta si.



1 Aug 2012

Lalpa chu chhuang rawh se

Lalpa chu chhuang rawh se

Phuahtu: Chris MS Dawngkima
Satu: Chris MS Dawngkima, Vanlalsailova

I thatna leh ngilneihnain,
Ka nunkawng a hruai thin a;
Beiseina tharin i tan ka nung,
He thinlung hian Lalpa chu chhuang rawh se.

Lungngaih mittui ka bianga luang kha,
Kumkhua atan a hrufai ta,
He thinlung hian Lalpa chu chhuang rawh se.


A rel thiam ngei hmangaihnain,
Nunnaah a hruai thin a;
Hnamtin pumkhata an luan za nan,
He thinlung hian Lalpa chu chhuang rawh se.

Hawh u, i dinthar leh ang u,
Krista tan do pui vein;
Lalpa ram zauh tura chhandamte,
Haleluiah, Lalpa chu chhuang rawh se.




-mizo_hla/lalpa_chu_chhuang_rawh_se/mizo_lyrics_gospel-

30 Jul 2012

I lam hnaih zel ka duh

I lam hnaih zel ka duh

Phuahtu : C.Lalzarmawia
Satu : Bethsy Lalrinsangi
 
Thinlung ngui leh chauva awm laiin,
Tanpuitu nang ka ngai che;
Sual vang emaw lungngaih lai te,
Lungduh kal ta ngaih changte,
Hmalam hun thlira lungngaih lai ni te,
Thinlung hah a awm laiin,
Lalpa, nangma lam lo hnaih zel hi,
Ka duhsam ber a ni.

Nitin Lalpa, i lam hnaih zel ka duh,
Nitinin Lalpa, i lam hnaih hi;
Nitin Lalpa, i lam hnaih zel ka duh,
Nitin Lalpa, i lam hnaih zel ka duh.


Hlim ni tawngin lawm ni kan tawng thin,
Thlarau malsawmna emaw;
Khuavel rohlu dawn chang niah te,
Ka hlim leh lawm lai ber paw'n,
I hriatpui tlak hlim lawmna nise,
I lam hnaih zel theih nan,
Ka hlim ni leh lawm ni te pawh hian,
I lam hnaih zel ka duh.

Hmalam hun thlirin rem kan ruat thin,
Hlim leh lawmna beiseiin;
Kan remruatna erawh thamral a,
Beidawnnain min chim vel,
Lungngai leh chauva ka rum laiin,
Hei hi ka thupui nise,
Ka duhaisam te neih aiin,
I lam lo hnaih zel hi.

Nitin ka zawh mek zelah hian,
Kham leh sual thlipuiin min nuai vel a;
I lam hnaih zel ka duh si, Lalpa,
I lam hnaih zel ka duh,
I lam hnaih zel ka duh.

-mizolyrics/mizo_gospel/zarmawia_hlate/bethy_lalrinsangi_new_song-
Chatuan khua var hunah

Chatuan khua var hunah

Phuahtu : C.Lalzarmawia
Satu : R. Lalramchhana

Kum tam liam tawh mahse zaiin ka chawi dawn e,
Kum tam vei mahse ngaih lai a bang si lo;
Zupa fam chan ni khan ti hian ka dawn vel a,
Khuarei in min la hnem ve ngei ang tiin;
Mahse kum tam liam tawh in ngaihlai ka bang thei lo,
Aw, engah fam min chansan le?

Hring lam hawi tawh lo mahla sakhmel tawn awm lo mahse,
Zuapa ngaih bang thei lo, fam ngaih banni awm si lo;
Mahse hei hian min hnem thin chatuan khua var hunah,
Ka tawng leh ngei ang thenni her tawh lo turin,


Tawng ve lo tan chuan dawn thiam a har ngei ang,
Hringmi fam ngai a kan kur leh thin hi;
Kan duhlai ten maw mual min liamsan a,
An duhlai dawn ve zai an rel silo;
Ngailo tu ngai a kur hi zawng thinlai a zing thlawn e,
Aw lung a awi thei mawlh lo.


-mizolyrics/mizo_gospel/zarmawia_hlate/r_lalramchhana-
Danglam lo Krista

Danglam lo Krista

Phuahtu: C. Lalzarmawia
Satu: Feli Thangluah
(Dr.Luke Vocalist)
 
Hahchawlhna an zawng, chawlhna an hmu lo,
Nun hlimna an zawng, hlimna reng an hmu lo;
He kan chenna khawvel hianin,
Rah tha reng a chhuah lo,
Reilote atana hlimna min thlen si thin.

Hringnun a ral thin, hlimthla a ral thin,
Hringmi mawina hi an chuai leh mai thin:
Kan rin Krista zawng a pangngai reng fo thin,
Chatuanin a danglam lo.


Krista nen chuanin he khawvel pawh hi,
Hlimna a chang thin, lawmna a chang thin;
Kan lungngaihna zawng zawng te leh,
Kan phurrit min chhawk thin kan himna lungpui,
Innghahna tlak a ni si.


-mizolyrics/mizo_gospel/zarmawia_hlate/feli_thangluah-

26 Jul 2012

Chhul khat kual, chun khat hrin

Chhul khat kual, chun khat hrin

Satu : Lalsangzuali Sailo, Lalrindiki Khiangte (Daduhi)

Dawn chiang ila leng zawng hian,
Kan hnam leh kan ram ti mawitu,
Lusei, Hmar, Paite, Kuki, Mara leh Lai,
Chhul khat kual, chun khat hrin kan lo ni e.

Lungrual tea leng zain,
I tangrual ang, unau za kan ni;
Hnam leh chibing inchemhar mai lovin aw,
Remna, hmangaihna parchhuang rawh se.


Unau hmel hai tawh lovin,
Insuihkhawm leh zai rel ila;
Chhinlung chhuak Zofa hnahthlak zaleng zawng te,
Zai khatah siktui ang luang zawk ang u.

Inpumkhata dingnghetin,
Min hneh lo'ng doral hrang mahse;
Thlamuang, hlimin hma kan sawn zel dawn e,
Van hnuaiah Zo hnam a ropui zel dawn.

Lungrual tea leng zain,
I tangrual ang, unau za kan ni;
Hnam leh chibing inchemhar mai lovin aw,
Remna, hmangaihna parchhuang rawh se.
Van hnuaiah Zo hnam a ropui zel dawn.




-mizo lyrics/chun khat hrin/zo hnahthlak/inpumkhatna/insuihkhawm-
Ka hmangaih che (Daduhi)

Ka hmangaih che (Daduhi)

Satu : Lalrindiki Khiangte (Daduhi)

Engtin ngai ve ang che maw?
Hlan che ila hmangaih biahthu;
Min dem lo'ng che, aw lungrun,
Ka hmangaih che.

Thinlai rukah engdang ka dawn ngailo;
Nang chauh ka vei, ka vei thin che.


I hmangaih anka nem lo chu,
Lung ti awitu an awm si lo;
Min zawt la, ka suih lungruk,
Ka hmangaih che.

A riang hi min nghilh lo la,
Suihlunglen perhkhuang rimawiin;
Duhaisam zai aw mawi nen,
Ka nghilh lo'ng che.

24 Jul 2012

Chhawrpial Run

Chhawrpial Run

Satu: Lalrindiki Khiangte (Daduhi)

Siamtu kutchhuak khawpui mawi chu,
A phai dung leh vang a mawi ngei e;
Tahchuan an leng thin Zofate,
Lungrual tea chen za laiin;
Unau hmelhaiin chengrang an chawi,
Fam kaina doral a lian e.

Unau kan indo vin tunge dingchhuak thei ang?
Suihlungrual te'n insuihkhawm ila,
Chutin khuavel kan chhing ngei ang.


Hmelma ianga doral lo lian,
Thisen chhuak van a nunau mangang;
Authawn chuan Pa chan chang Zoram,
Lairil zawng chu a fan chhuak a;
Chhulkhat chhuak unaute inhai chu,
Zoram thim a na ngei e.

Hringnun kan chhiar Zofa leng ten,
Kan ram leh hnam tan sir kan sawn e;
Daidanna piah ramah chuanin,
Unau te chu kan intawk ang;
Kut insuihin zai lai kan vawr za,
Nghilh theih hian kan mawi ne'maw.

Aw, a sakhming nghilh thei reng hian,
Ka mawi dawn lo;
A sakhming koh a mawi ngei e,
Lo vul zel la Zofate tan;
Aw Chhawrpial run, kan ngai che.
Nghilhlohna par lo ni la.


Min hruai leh rawh (Heiden rial Over lai)

Min hruai leh rawh (Heiden rial Over lai)

Phuahtu: Maena
Satu: Lalthansangi

Chaklo te tan chakna Lal Isu,
Kan thinlung ah lo cheng leh rawh;
Chhandam hlimna aw min pe leh la,
I tello chuan in aw kal dan kan thiam love.

Min hruai leh rawh ka Lal Isu,
A har ka ti mang e Lalpa;
Aw Haleluiah Amen, Haleluiah,
Kal dan kan thiam..kan thiam thei love,
Kan lo kal ve Lallunghnem, kan lo kal ve;
Ropuina chawimawina zawng zawng te ,
Lalpa tan aw i hlan zel ang u.


Thlarau a Pathian awmna tura,
A remkhawm te kan ni si a;
Fakna hla leh thlarau lam hla ten,
Lalpa i chawimawi..Lalpa i chawimawi zel ang u.

Hnunglama thil awmte theihnghilh in,
Tiam chin lam i pan thuai ang u;
Hreawmna leh lungngaihna kar ah pawh,
Aw hmangaihna nen Lalpa rawng i bawl zel ang u.

Min hruai leh rawh ka Lal Isu,
A har ka ti mang e OVER;
Aw Haleluiah Amen, Haleluiah,
Kal dan kan thiam..kan thiam thei love,
Kan lo kal ve Lallunghnem, kan lo kal ve;
HEIDEN RIAL, OVER LAI, HALELUIAH,
AMEN, AMEN, AMEN, AMEN, AMEN!



Ka tawrh hi Lalpan a phal

Ka tawrh hi Lalpan a phal

Phuahtu: El-Bethela
Satu: Bawngkawn Pastor Bial Zaipawl

Khawvel lungngaihnate leh buaina karahah hian,
Mangan leh harsatnate'n nitinin min bawm;
Beidawng leh chauvin ka rum, tanpuitu ka au,
I hmaah ka lo kun e, aw, ka Lal Isu.

Ka vahbo san tawh lo vang he khawvelah hian,
Chhandamtu Isua ka nei, ka tana thi kha;
Khawvelin min hmusitin min dem mah sela,
Ka chhuang zel fo dawn a ni ka chhandamtu.


Hreawmna ka tawrh zawng te hrethiam duh lo vin,
Ka nawmsakna tur zawngin ka tlan fo thin a;
Midang tana malsawmna a lo ni reng si,
Ka tawrh hi Lalpan a phal, vui thei ka ni lo.

Ka nawmsakna tur zawnga rawng ka bawl laiin,
Ka tana a tawrhna zawng ka lo hrechhuak a;
Ka tan eng hreawm te nge i lo tawrh ve le?
Sawi tur reng ka nei lo ve, misual mai ka ni.





Ka nung reng tawh ang

Ka nung reng tawh ang

Phuahtu : Upa C. Ropianga
Satu; TBC Zaithanpuia

Chau leh lungngai taka ka awmlai hian,
Ka thlarau a chawl ta Kristaah chuan;
Leihring nun hi chhum angin ral mahse,
Ka nung reng tawh ang Kristaah chuan.

Fak tawk thei che ila, Aw Lalpa,
Nang lo chu neih hlu eng dang ka nei lo;
Miten min chhiarin min zir thin a,
Keimahah i hmel duhawm langchhuak ve se.


Thinlungin ka duh a, Aman min hria,
Aw mawi tak fakna nei ila;
Min hmangaihtu Lalpa hnenah chauh chuan,
Hlim takin fakna hla mawi ka hlan ang.

Nunkawng chhuk chhohah hian beidawng lo vin,
I kal zel ang Krista hnen panin;
Hreawm lo thleng mahse min hruai dawn si,
Ka chawl ang, a angchhung daihlim hnuaiah.


20 Jul 2012

Khaw thianghlim Jerusalem

Khaw thianghlim Jerusalem

Phuahtu: Biakdika (BDa)
Satu: Rebecca Saimawii

Zan hi a ral ang a,
Chatuanin khua a vâr ang;
Hnehna puan var sinin,
La Isua a lo kal dâwn e.

Khaw Thianghlim Jerusalem-ah chuan,
Isua tlante kan châwl ang;
Nunna Lallukhum chu khumin,
Ní angin kan êng tawh ang.


Ni leh thlaah te khian,
Chhinchhiahnate kan hmu ang;
A hun a thleng dâwn ta,
Muhilte an tho leh dâwn e.

Hrehawm leh natna te,
Tâmte pawh lo tla mahse;
Chhûm zingah Isua nên,
Vân lam hawiin kan lêng tawh ang.


Duhthlana Sangber

Duhthlana Sangber

Phuathu: PC Liansailova
Thluak siamtu: C Lalthantluanga
Satu: Nancy Zothanmawii, Lalremruati (Naemi)

Dam lai lamtluang ka zawh laiin,
Doral a lian thlemna karah;
Thlarau zawngin peih mahse,
Tisa erawh a chak si lo,Ka hneh zo lo ka tlu leh si thin.
(Châng 2-na sak leh nghal tur)

Mi rethei ka va han ni em!
Tuin nge min chhanchhuak ang le?
Thihna taksa atang hian;
Tih theih dang reng ka nei si lo,
Duhthlanna sang ber hlan mai loh chu.

Aw, tunah lawmin ka khat,
Krista keimahah a nung zawk si;
Thiam loh chan reng a awm tawh lo,
Min tlantu nung anih vangin.


Thlemna thlipui a zual zel ang,
Doral lian Setan ramah hian;
Mahse, himna kulh Krista,
Chatuan nunna ka thlan vangin,
Kumkhuain ka him reng tawh ang a.





Ka hmaah luiral khawmawi

Ka hmaah luiral khawmawi

Phuahtu: Zumi
Satu: Lalruotmawi

Ka hmaah luirâl khaw mawi chu a awm,
Thlen ka nghakhlel khawpui mawi chu;
Lungduh zawng zawng an kimna hmun,
Hmuh châk hian ka thlir bâng thei lo.

Aw, kal lai kan ni i chawl lo vang,
Lalpa chakna ringin khawpui mawi i pan ang.


Chu khawpui mawi lam chu i pan zel ang,
Chau lovin i kal zel ang u;
Ralmuang hmun reng hi a awm lo,
Lalpa hnen kan thlen hma hi zawng.

Hre chiang teh ilan aw, ka fak ning lo'ng,
Raltitnaah leng mah ila;
Van hmun ropui thlen hunah chuan,
Fakna hla dai hian ka ring lo.

Aw, van Thlarau Thianghlim lo leng ang che,
Thinlung sual kalh hawng leh ang che;
I ram mawiah min hruai ang che,
Lawmna kin tawh lohnaah chuan.
Hunte an inherliam zel a

Hunte an inherliam zel a

Phuahtu: Rokunga


Hunte an inher liam zel a,
Lei pangpar mawite an chuai e;
Chutin kan hlim lai nite pawh,
Hma takin an ral leh thin.

Aw hun, aw hun, Chatuan khua varna chu,
Chatuan, chatuan, aw hun danglam tawh lohna chu;
Aw ka thlarau, tah chuan khawiahnge i awm ang.


Hunte an inher liam zel a,
Rethei leh hausa mi zawng zawng;
Boralna kawng lamtluang zawhte’n,
Chatuan hremhmun an chang ang.

Chatuan kawngkhar chu an hawng ta,
Ni tin sang tam tak an lut e;
Tupawh Isua ring apiangte’n,
Chatuan lawmna an chang ang.

Hunte an inher liam zel a,
Aw, ka thlarau inpeih thuai la;
Chu chatuan ral thei lovah chuan,
I tan hmun a la awm e
Zion hla mawi

Zion hla mawi

Phuahtu: Lalliansawma

Lal lenna Zion khawpui tual nuam,
Ka thlir a mawi ropui mang e;
Van mite'n chhun leh zan chawl lovin,
Zion hla mawi ropui an sa.

Lawng chawlhna, chung lam Jerusalem,
Lal hung chhung Beramno engah chuan,
“A thianghlim e, a thianghlim e,’ tiin,
Zion hla mawi ropui an sa.


A ta ka ni, van Lal ta ka ni,
Muangin a hnenah ka chawl ta;
Ka thuam pawh van Lal thuam a ni a,
Zion hla mawi ropui ka sa.

A mawi mang e, Lal lenna Zion,
A laiah nunna tui a luang;
Ni tla seng lo Beramno lenna,
Zion khawpui kan ram a ni


Min hruai la min kai rawh

Min hruai la min kai rawh

Phuahtu: Lalruali
Thluk siamtu: Dr. Ramdinthara Sailo
Satu: R.Lalbiaksanga

Hun kha leh chen min kaihruaitu,
Hre lo hian maw ka lo vakvai;
Sual thim zingah hlimna zawngin,
Ka thla tuihalin a chau va.

Aw, min hruai la, aw, min kai rawh,
Khawngaih thahrui, ka ngai em che;
Bo hmang ka ni, aw ka Lalpa,
Keimah mai chuan ka kal thiam lo.


Ka zinna ram kawng chhukchhovah,
Thlemna thlipui an hrang lua e;
Pen khat pawh ka kal thiam nemaw,
Thlaler ram ro ka pelh hma chuan.

Lungchhir mittui tla chung hianin,
Tunah Lalpa ka lo kir e;
Khawngaih banin min kuangkuah la,
Ka thla muangin min chawlhtir rawh.

Hmangaih aw nemin min chhem a,
Lalpa, nang ngei ka rochan chu;
A va hlu em, kei ka tan chuan,
Ka nun zawng hi i ta a ni.

Chhandamtu min hruai zel rawh

Chhandamtu min hruai zel rawh

Phuahtu: F.C Thanzawna

Dam lai khawvelah hian lungawina kim reng ka hmu lo va,
Manganna leh buaina, harsatnaten ni tin min bawm;
Mahse, min hmangaihtu’n ka manganna a hria,
Min thlahthlam ngai reng reng lo vang.

Chhandamtu, min hruai zel rawh,
Dam lai thlaler hmun khawharah;
Sual vanga hliam tuarin, chauh chang ni awm mah se,
I hnung zui zel hi ka duhsam ber a ni,
Ka thlahthlam phal tawh ngai lo vang.


Min hmangaihtu Lalpa, nang lo chu tu dang nge ka belh ang?
Lungngaihna zan thimah hruaitu i ni, eng lai pawhin;
I tan rinawm lovin, phatsan thin mah ila,
Min hnar mai bik suh ang che aw.

Krista hmangaihtuten lungawina leh muanna chu an chang,
Rinnain an kal zel, ramte an la kir an rel lo;
Kei pawh rinnaa dinga ral do thei turin,
Thlarauvin min hruai zel ang che.


Harsatna tinreng hnuaia leng kan ni

Harsatna tinreng hnuaia leng kan ni

Phuahtu : Lalhriata
Satu: Lalnunsiami, Nancy Zothanmawii, Liandingpuii

Harsatna tinreng hnuaia leng kan ni,
Krista rawngbawltu zawng zawngte;
Mahse, kan hmabak chanpual hlen zel hi,
Min kotu duhzawng a ni si.

Aw, a har ka ti mang e, Lalpa rawngbawl zel hi,
Min duhna hmun apianga kal zel hi;
Engtin nge ka tih ang le, Lal rawngbawltu kan ni si,
Harsatna hnuaia ding ngam turin?


Krista kohna dawngtu zawng zawngte hian,
Engtin nge kan chhân zel dawn le?
Harsatna tawk lo rawngbawltu awm maw?
Zion Lal tana beitute.

Krista sipai rual i kal zel ang aw,
Kan hmabak hlen tur a tam si;
Chawl hman kan ni lo, muang thei kan ni lo,
Chawlhna nuam khi kan thlen hma zawng.



Siamtu remruat

Siamtu remruat

Phuahtu: Charlie Lalkhawliana

Siamtu’n lei vân a siamin,
Lum, vawt, eng, thim, sur leh sa;
Hrehawm leh nuam engkim a rel fel.
A thil siam lei hringfaten,
Hre lovin Siamtu remruat;
Eng kan ti nge kan lo sêl fo?

Hun inher zelah lei hringnun pawn,
Fur leh thal, sik leh sâ inthlâk karah;
Chhiatni, thatni a awm, Chhungtin an hlim reng lo;
Par rimtui ber an chuai,
Kan inthen bâng lo.


Tichuan maw lunglai rilah,
Dawn changin hrethiam i maw;
Kan hringnun sakhmel hai ang chul tur,
Mahse maw, eng kan ti ang,
Engkim Siamtu remruata’n;
Nungin kan che mai a lo ni.

Kan beisei van Kanan

Kan beisei van Kanan

Phuahtu: T.Romama

Kan beisei Vân Kanan thar mawiah chuan,
Hmangaihna luipui luang cham delah;
Tlantu faka Angel-te zai vawr a,
Fakna hla mawi fâwn vêl hian ka ring thin.

Lalpa zara kan ram a ni,
Lungngaih dar ri a awm tawh lo;
Thihna lusunnate'n hmun an chang lo,
Rinnaa kan beisei ramah chuan.


Thihna leh natnate a thlen chângin,
Chu ram chu ngaih zual ni a awm thin;
Thawhrimna leh buainate tuam vel hi,
Engtik emaw kan la chhuahsan ngei ang.

Ringtu hawi kirte hmuh chang ni hianin,
Chu ram chu ngaih a zual leh thin e;
Hawikirte hmel awm tawh lohna ram chu,
Thlarau khawvel a ni, a eng reng a.

Tunah hian buaina ramah cheng rihin,
Hmangaihte nen kan inthen leh thin;
Lalpa Pathian rorelna hmun mawiah,
Inthenna biahthu reng kan sawi tawh lo’ng
Chhandamtu'n min hmangaihna chu / Thihna luiral ka lo kai ta

Chhandamtu'n min hmangaihna chu / Thihna luiral ka lo kai ta

Phuahtu:P.C Zoramliana
Satu: TBC Lalbiakzauva, Stacy Punte

Chhandamtu’n min hmangaihna chu,
Ni tin zan tin ka lo hre ta;
A thihnaa ka thih vangin,
Thawhlehnaa tihnun ka lo ni ta.

Thihna lui ral ka lo kai ta,
Khawvel mite'n an hrethiam lo;
He lei in hi ral mah sela,
Ka nunna chu Isua a ni.


Lei taksa ropuina a dang,
Van taksa ropuina a dang;
Lei taksa zawng boral mai tur,
Van taksa chu a ropui zual zel ang.

Ka thla a kal Lalpa hnenah,
Vansang mû angin a leng vel;
Tunah ka chawl ta Kristaah,
Ka chhuahsan dawn he lei hrehawm ram hi.

Lei taksa boral turah hian,
Isua hmel duhawm lang zel se;
Mite hnenah nunna pein,
Ka hun zawng hi ka hmang ral tawh ang a.

Thlaler tuivalawng

Thlaler tuivalawng

Phuahtu: F.Laltuaia
Satu: F Laltuaia, Joseph Zaihmingthanga

Thlaler tuivalawng ang, khawram chhimbuk ang hian,
Ka nun hian LALPA chu a ngai a;
Sakhi luite tui chak, thaw huam huam ang mai hian,
Ka nun hian LALPA chu a ngai em a ni.

Nun a kim lo, i tel lo chuan,
Khawngaih leh Hmangaihna i hnena awm kha,
Min neihtir Ieh ang che aw.


Sual vanga lungngaihna ka tuar nite hian aw,
Ka nun hian LALPA chu a ngai a;
Min hnemtu ka vai e, khawhar hian ka chau si,
Ka nun hian LALPA chu a ngai em a ni.

Hmangaihna par tlan za, kan hlim nite zawng kha,
Ka dawn hian lunglam ka vai ruai e;
Koh kir theih chang se, aw, auh ruai ruai ka nuam e,
Ka nun hian LALPA chu a ngai em a ni.


Ka duh ber Lalpa

Ka duh ber Lalpa

Phuahtu: Lalsangzuali Sailo
Thluk siamtu: Buonglienkung
Satu: ICI Central Choir, Chanmari Pastor Bial Zaipawl, Lalroutmawi, Zualbawihi

Hei leh chen kum tam min hruaitu,
Ka Lalpa, ka tan i va tha em;
Malsawm tin reng ka chhiar seng lo,
Hlim leh lawmna, chatuan nun nen.

I tel lo chuanin mitkhap kar pawh,
Ka nung zo lo, ka chau leh thin;
Nang chauh i ni ka duh ber leh,
Chatuan thlenga ka belh tur che.


Ka chhingmit khua fiah lo mahse,
Thlarau mitin a fiah, (ka) Chhandamtu;
Ka vui love eng pawh thleng se,
Chatuan Van khawvar min hruai thleng ang.

Ka hahchawlhna leh thlamuanna,
Innghahna, (leh) beisei dang ka nei lo;
Ka pumin nei rawh, ka inhlan e,
I angchhung muanna ka rawn pan e.

Natna leh hrehawmna khawvel,
Buai leh lungngaihna ramah hian;
Ka ngaizual ka Chhandamtu Lalpa,
I kianga len hlan ka nghakhlel e.





Mizo lyrics - Pathian fakna hla
Mitdel kan awm tawh lo'ng Jerusalem tharah

Mitdel kan awm tawh lo'ng Jerusalem tharah

Phuahtu : Roliana Ralte
Satu: C Luri

Hetah mitdelin leng mah ila,
Khawvel par mawite hmu lo mah ila;
Min chhandamtu hnen kan thlen hunah chuan,
Mitdel kan awm tawh lo’ng, Jerusalem tharah.

Hlim takin kan zai ang ‘Halleluiah’ tiin,
Aw, ka nghakhlel em mai, chu hmun nuam chu;
Lal Isua chawimawiin fak hla kan sa ang,
Mitdel kan awm tawh lo‘ng, Jerusalem tharah.


Kebai, tawng thei lote awmin,
Bengngawng, ban chhumte awm mah ila;
Lal Isua nen kan chen dun hun chuan,
Piangsual kan awm tawh lo’ng, Jerusalem tharah.

Hlim takin kan zai ang ‘Halleluiah’ tiin,
Aw, ka nghakhlel em mai, chu hmun nuam chu;
Lal Isua chawimawiin fak hla kan sa ang,
Piangsual kan awm tawh lo‘ng, Jerusalem tharah.


Famkim lo vin awm mah ila,
Kan hmel ni aiin a eng dawn si;
Kal hmasate nen kan intawk khâwm ang,
Famkim lohna khawvel kan ngai tawh ngai lo vang.

Hlim takin kan zai ang ‘Halleluiah’ tiin,
Aw, ka nghakhlel em mai, chu hmun nuam chu;
Lal Isua chawimawiin fak hla kan sa ang,
Famkim lohna khawvel kan ngai tawh ngai lo vang.


19 Jul 2012

Khawvel hrehawm i tan

Khawvel hrehawm i tan

Phuahtu : El -Bethela
Satu: Bawngkawn Pastor Bial Zaipawl, Melody For Christ


He lei hringnun zinkawngah hian,
Sualin min bei ka chau leh thin;
Krista tello hringnun zawng,
A rapthlak em, a kawng a thim.

Kan zalen hun a lo hnai ta,
Kan tan vannuam a in hawng mek;
Ni ropui a lo thleng thuai dawn,
A rei lo'ng, aw, a rei tawh lo'ng.

Nun beidawng leh lungngai mekte,
Ka tem ve, aw, i hring chan hi;
I lungngaih tahna zawng kha,
Thlen ve rawh, aw, i Lal kiangah.

He lei ka chhuahsan ka duh laiin,
Ka Lalpa thu a lo thleng ta;
Ka mite damna turin,
Khawvel hrehawm i tan min ti.

Aw, ka nghakhlel i rammawi chu,
Lungngaih tahna a awm tawh lo'ng;
Chatuanin hlim tawp lovin,
Kan leng ang, aw, i ram nuamah.



 
 
 
- mizo lyrics/ bawngkawn zaipawl/ mizo gospel lyrics

Lal nunnema kiangah

Lal nunnema kiangah

Satu: The Leprosy Mission Choir, Sihphir Pastor Bial Zaipawl, Sialsuk Pastor Bial Zaipawl


Khawvel hreawmna hnuaiah,
Lungngai tak leh chau vin kan rum;
Buaina te'n nitinin min bawm,
Thlemna chhumpui te a lo zing,
I awm nghenga min pawm loh chuan,
Min liampui dawn sual tuipuiin.

Aw, ka ngai zual thin thenlohna ram nuam,
Lungngaihna zawng zawng te;
Lawma kan chan hun chuan,
Inthen kan hlau tawh lo vang,
Lal nunnema kiangah,
Lawm takin kan zai tawh ang,
Lal nunnema kiangah.

Thihna te'n thla an zar lo,
Pialral ka Lal lennaah chuan;
Lungngaihna zawng zawng a bo vang,
Buaina chhumpui te a lo kiang,
Chak lo te thlain an thlawk ang,
Vakvai te'n in nuam an chang ang.

Damchhung mi hmuak apiangte,
Lalpa, i tirh ni zel rawh se;
Lungngaih ni leh lawm lai ni te,
Hreawm engpawh lo thleng mahse,
Hei hi ka dil, i thu nise,
Lalpa, ka tan malsawm ang che.

Van Kanan thar lamtluangah,
Min lo hmuak la, ka Lal lunghnem;
Tia awmhar ka dawn changin,
Ka tah nan khua a sei leh thin,
Zion ram ni lo eng mai rawh,
Thlen ka chak pialral khawpui chu.

Ka retheihna ka ngai lo'ng,
I buatsaih ram ka thlen hun chuan;
Damchhung buaina ka pel tawh ang,
Lungngaihna zawng hnutiang chhawnin,
Sualna/Setan vanga ka rumna hi,
Min hmangaihtu ka hrilh ang a .



-mizo lyrics/mizo gospel lyrics-
A thlawn mai maw?

A thlawn mai maw?

Phuahtu: Lalremruata
Satu: Lalremruata, David Lalzawmliana, Lalthuthaa, Sangtei Khuptong

Kha chen i tan rinawm takin,
Ka lo nghak che, mahse, ka rin phak loh rengin;
Kan vang khawpui lam ang i lo let leh ni hian,
Ka tan tahna min thlentu mai a lo ni si.

Ka tuarah vanpui lo chim,
Tuar zo hian ka in ring ne'maw....oh..o..;
I tan ka rinawmna a thlawn mai maw?

I thaikawi biahthu hnuhnung kha,
Ka chhiar nawn paw'n thenna thu reng reng a awm lo;
Kan vangkhawpui lam ang i lo let ni hian,
Hmelma anka i tawng sual nge, min lo der zawk?

Vawikhat chauh tal min ngaithla la,
Kha chen i tan ka hun leh nunpum ka phal thin;
Tunah ka nun khuaro thing iang uai leh mai tur,
Hmangaih tui nem, nang chauh lo chuan ka ding zo lo'ng.






- mizo lyrics/mizo lengzem hla -
A mak a na

A mak a na

Phuahtu: Dr. Zodingliana
Satu: Zosangliani, Tetei Ralte, Sumeon

Tawnmang si lo maw, lungrun,
Khiangawia mual min liam san tak mai le;
Biahthu kan tiam/hlan dun zawng te kha,
Aw..aw..aw..nghilh thei hian ka mawi si lo.

Hrilh thiam a har, a mak a na,
An sawi damlai thlan thim thlen meuh chu;
Mu leh mal reng a neih theih dawn nem le,
Aw..aw..aw...khuarei hian min hnem mahna.

Duhthuleng sam mai maw ka chan tawk,
Hlimtea kan lendun lai ni zawng te leh;
Kan tuanna tlang leh mual zawng te,
Vawng reng nang e, lairila'n.

Aw le, i lungdumtu nen chuan,
Fanau maltluan chawiin va leng ta la;
Kei pawh chhai thar di zawng ve turin,
Aw..aw..aw...tuan ve zai ka rel ta'nge.







-mizo lyrics/mizo lengzem hla-

Lungrukah min vei ve rawh

Lungrukah min vei ve rawh

Phuatu; K.C Lalvunga (Zikpuii Pa)
Satu: H.Lalchawimawii


Tawnmang silo maw, Lungrunpui,
Khiangawia mual min liam san;
Hal lo te'n kan lenlai dawnin,
Thlang khuan dim a'n ka phal lo che.

Aw, kumtluang hrui ang sei mahse,
Ka nghilh lo'ng hmana kan nunhlui;
Zantian chhawrthla a en changin,
Lungrukah min vei ve rawh.

Mi tawnah nau ang nui mahla,
Min nghilh bik suh annem te;
Nunhlui mual liam i thlir changin.
A riang hi min dawn ve rawh.

Ka nghilh lawng hmana kan nunhlui,
Hal lo ten kan lenlai ni;
"Ka hmangaih ber mai che, Lungrun,"
Ti a biahthu min tiam kha.

Van hnuai hnamtin zaleng zingah,
Kei ang rairah awm ve maw;
Riakmaw valeng iangin kei zawng,
Kaina run ka lo vai e.

Ka tah khua sei mahse, Parte,
Nang zawng damte'n mualliam la;
Par ang kan lawm thin chhawrthla eng khi,
Mahte'n ka tah pui ta'ng e.


-Mizo lengzem hla/mizo lyrics-
Van hnuai khuavel sakhming chhiarin

Van hnuai khuavel sakhming chhiarin

Phuahtu: Rokunga
Phuah kum:1939
Satu: The Leprosy Mission Choir, Aizawl, Rebecca Saimawii, H. Vanlalhlana

Van hnuai khuavel sakhming chhiarin,
Lalber Kaisara chuan,
A sawm vel e, hnam tin naufa,
Khua rei an chang zo ta.

Aw, Bethlehem, ka ngai a che,
Berampute ram tuanna;
Serafim-ten zai an vawrna chu,
Ka Lal pianna i lo ni

A riang ngei e, Van Lal Fa chu,
A zalna ranthlengan;
A lo piang e, Mari hrai chawi,
Bawng in tlawm zar hnuaiah.

Chungnung berah ropui rawh se,
Van hnuai mi zawng zawng tan;
Leiah kumkhuain rem leng rawh se,
Remna Lal a piang ta

Isu, kan hnenah lo cheng rawh,
Zantlai khua rei pawhin;
Lawmin tlai khua min varpui rawh,
I hming chawimawi turin.



-mizo christmas song/mizo krismas hla/mizo lyrics-
Pari Zun

Pari Zun

Phuahtu: Ruata Zote
Satu: Ruata Zote, Vanlalruati, Mimi Lalzamliani, Michael M. Sailo

Ka hrilh tam ta che, biahthu di leh hla pawhin,
Engtin lo ngai che maw, Di Ngaihzual;
Sirah hnawlin hnutiang min chhawn dawn em ni le?
(Aw) min hrilh rawh i dawn lungruk.

Dawnin thinlai a dam thei dawn nem maw,
Phu loh leng Pari zuna uai chu;
Dam hian ka ring lo, lunglen hi,
Bawihte,  a zual zel, i zun leng ngaih.

Biahthu hlan vangin lung min her san lo la,
Ka ngen che, aw Bawihte, min hrilh rawh;
Biahthu hlan vanga lung i her mai chuan e,
Hlan ma na'ng e, i lungdam nan.

Lengdang pawma di thianga leng i nih chuan e,
Sirtiang sawn relin ka kiang na'ng;
I tawnah ka hmangaihna i pawm a nih chuan e,
Lawm te'n hlim zai ka vawr na'ng e.


 
- mizo lyrics -
Pipu chhuahtlang hlui

Pipu chhuahtlang hlui


Phuahtu : Liandala
Satu: H.Lalchawimawii

Pipu chhuahtlang hlui a mawi mang e,
Thar khaw chhuahtlangah dawnlung an rem;
Sehran sahrang lu a tlar bung e,
Thanlai siamtu mihrangleng fam awih nan.

Thingte talhkuang chawm iang an khawng ri,
Kulva mei changsei bel lian an tar;
Mangpuan an zar dawnlung tlaitlanah,
Zawh zazopa thanlai puan diartial nen.

Lengin chhawng an hnawt, chun, hraileng nen,
Sa leh buhchangrum, bawhartui nen;
Zua tin an hlim vangkhawpui an lawm,
Tlaini nem duai lenkawl thiang karah hian.

Tlaini tla sensiar sul lo an hmuak,
Hrai tin an ngir e dai lungrawnah;
Chun an haw, zua haw, zaleng an haw,
Sultum chalngeng hnutiangan sul an haw.

Pipu chhuahtlang hlui hi thlir ve u!
Thuvate, lailen tluanglam zawhna;
Changsial an ngir dai phulleng an mawi,
Sawmfang lawr tur tuan rel an her liamna.


-mizo lyrics-

14 Jul 2012

Jordan lui kam lehlamah hian

Jordan lui kam lehlamah hian

Phuahtu: R.L Kamlala
Satu: Biakchhawni, Lalvarzing Thiek, Chhiahtlang Hmar Veng Kohhran Zaipawl, Lalenkawli Changsan

Jordan lui kam lehlamah hian,
Kanan ram nuam lam ka thlir a;
Hmana ka lungduh ka thente,
Van mi nen lengzain ka hmu.

Chhandamtu hmangaihna ropui,
Fakin a thisena tlante;
Lawmna par mawi vulna ramah,
Angel var nen kan la leng ang.


Aw, enteh, an nun a dang ta,
Chu ram ropui han thlengte zawng;
An lungngaihna lawmah a chang,
Thihna, chatuan nunnaah nen.

Lei hrehawm liamah an leng ta,
Lungngaih, lusun, tahna an pel;
Hmana mittui nena inthen,
Lawmin chutah an intawk leh.

Damlai hrehawm zawng zawng tuara,
Chhandamtu hming vanga riangte'n;
Thlarau chawlhna nuam an chang ta,
Kumkhuain an chawl hlen tawh ang.



Mizo lyrics / mizo hlathu / khawhar hla
Tlawmve lo Lalnu Ropuiliani

Tlawmve lo Lalnu Ropuiliani

Phuahtu: Lalsangzuali Sailo

Hmartiang ngurpui hraichawi dawntuai vangkhaw mawiin,
Chhimtiang rengpui chhuihthang valpui lal nuthaia'n;
A lo lawi e, ni leh thla kara leng lanu,
Khuanu samsuih in an leng e, chhimtlang mawiin.

A tlawm ve lo Ropuiliani, sappui tawnah,
A zam ngai lo pheisen darfeng doral hmaah;
Thlangkawr vaiah anpai jail run nghaka fam hnu,
Kan chawi zel dawn a sakhmingmawi Ropuiliani
.

Kum za hlei sulin a liampui rengtin chhing zo tu,
Sappui miril thaikawi zia tial amawi tin ngei;
Laisuih tuah rem khawnge thiamsang  Zofa leng te?
Mihrang ram chhan Lalnu ropui a vul leh ta.

Ngurzawng saiin vailian tawna'n ding zo awm lo,
An hran ana, tlangtin khuatin tui ang nem zo;
An hrilh laldang Lungliani zawng a nem ngai lo,
Hrenthir an ban ta maw lungduh hnutiang chhawnin.

Famchan a huam anpai bawiha kuna ai chuan,
Thingserh sata lam ang letlo hnam martar kha;
Chawimawi nopui i hlan ang u, thang leh thar hian,
A ram leh hnam tarpuiin a fam pui ta e.




Lentupui kai vel leh romei chhumin

Lentupui kai vel leh romei chhumin

Phuahtu: Rokunga

Lentupui kai vel leh romei chhumin,
A bawm kan Zoram nuam leh duhawm;
Awmhar tinkim dawna han thlir velin,
A mawi zual Zofate kan lenna.

  Chung Pathianin min hualhim zel rawh se,
  Hawihkawm lenrual zawngte nen hianin;
  Suihlung rual tea kan lenna par mawi,
  Vul reng rawh, kan pianna Zoram nuam.


Suihlung rual tea kan lenna hun mawi,
Cham reng rawh, zamual chu liam lul suh;
Engtik nge Sappui nun ngai lo rengin,
Kan nghakhlel - kan lenna hun tur chu.

Tunah doral lian chhum ang zing mahse,
A la kiang ang hnam tin rumna hi;
Hnam tin lung rual dar ang lenna tur ni,
A her chhuak ang chung Pathian zarah.

Doral lian chhum pui zing a kian hun chuan,
Rualduh kan then takte nen khanin;
Hlim leh lawmin kan insuih khawm leh ang,
Zoram nuam, kan pianna ram ngeiah.
Tlawmngaihna hlu

Tlawmngaihna hlu

Phuahtu: Rokunga

Kan tlang kan ram a hring a mawi,
Tlawmngaihna pangpar mawi a vul;
Rangkachak leh lunghlu aiin,
Chu pangpar chu a mawi zawk e.

  Aw, tlawmngaihna hlu, aw nunna par,
  Kan tlang ram nuam hmun sangah hian;
  Kum sang tam tak pawh ral mahse,
  Zamual liam lovin ding reng rawh.


Ka chawi ang che sakhming hluanin,
‘Zonun parmawi’ ka ti ang che;
I mawina rimtui leng velin,
Ram tin, kil tin a fang del del.

Hmanah pipu len lai ni khan,
I hmel ni ang a eng thin a;
Kan ram, kan hnam timawitu kha,
Thliah hnu chhawl ang a chul zo ta.

Tun lai khawvel hun tharah hian,
Tharin par ang lo vul leh la;
Kan thiam, kan fin timawi turin,
Kan thinlungah lo cheng leh rawh.

5 Jul 2012

Suihlunglen

Suihlunglen

Satu: Mami Varte, Benjamin Sum

Nang nen buan ang pawma hlimlaini,
Nghilh a har, aw, ka enchim loh;
Enga'n nang kher ka lo tawn che, ngaih lungrunpui, 
Mahse, sam ang then zai i rel si maw.

Aw, ka suihlunglen ka tuara'n a na chuang ngei e;
Lung ka chhir ngei e, Bawihte, nang vang hian.
Sut leh tur hian ka mawi ve si lo rinawm kan tiam zawng kha;
Kumsul ang liamin khuarei chang se, ka suihlunglen.


A na em e, puan ang min hnawl,
I zun ngaih lunglen ka bang thei lo;
Sulhnu, nunhlui leh kan tuanna leh mual zawng te;
Fan leh ka nuam ngei e, lungrunpui.

Nuihiau sakhmel leh chhingmittui nen lam ang let leh se,
Chutin duhte'n buan ang ka pawm vawng vawng nang che.



Hmangaihna vanduai maw?

Hmangaihna vanduai maw?

Phuahtu : John Mawitea  & Mapuii Fanai
Satu : Mami Varte

Hmangaih biahthu kan tiam zawng te
Tawnmang an chang zo ta maw?
Ka tan chelh loh turin,
Khuanu'n a lo ruat reng che em ni le?
Dawnin lung a awi thei lo

Nang vang hian e, ka thinlai na,
Dam thei teh reng pawh hian e;
Ka ring mawlh lo asin, mi u,
Ka chan hmangaihna vanduai;
Phu loh leng helin ka chan,
Hmangaihna vanduai maw lo ni le?


A na e, ka tuara'n zawng,
Ka tan nghilh i har lua e;
Duh luat vangin lung ka chhir ngei,
I tan lam ang let leh ka zuam e;
Zatlang rel thang pawh phur huamin.

Dawn chiang la, lung i chhir leh mai hian,
Aw, kei zawng ka ring si;
Piang nawn leh mah la,
Kei ang reng a hmangaihtu;
I tawng tawh lo'ng.

A her si lo

A her si lo

Phuahtu : John Mawitea & Mapuii Fanai
Satu: Mimi Lalzamliani

Thal khaw romei chhun ni sen sa,
Khua chuanin thlir vel ka nuam ngei e;
A saw raltiang zobawm cham duai,
Hmana lenrual te nen ram kan tuanna;
Awi maw, lung min len e.

Ngaiin ka au chulhnu nunhlui,
Thinlaia'n hlui mawlh si lo;
Ngaiin ka au lenrual lungduh te,
In dawn ve thin em le?
Kan nunhlui zawng kha;
Kar a hla, tuanna a dang ta si maw,
Tawn leh ni kawla'n a her si lo.


Nunhlui ngaiin tah khua sei se,
Tu'n min han dem bik hian ka ring lo;
Kan lenna tlang leh mual zawng te,
A dang chuang si lo;
Lung a leng e, luaithli ka nul leh thin.


Lelte nunnem

Lelte nunnem

Phuahtu: Valzotea
Satu: C Vansanga, Joseph Zaihmingthanga

Hlimte a lenlai nite,
Khuarei an chang tur hi;
Dawn changin lung a awi ne'm,
Kan chan hi.

Hlimtein va leng ta la e,
Lenna tlang mawi zelin;
Khuanu lengin min hual zel se aw,
Tawn ni zawng a her leh ngei ang.


Tuanna tlang a dang tur hi,
Kan ngaithiam dawn nem le;
Damtein Khuanu zarah,
Hmatiang hun thlirin.

Zoawitu lelte nunnem,
Dam takin mangtha mai le;
Nghilhni reng kan nei lo'ng che,
I lungduh zawng te'n.


Buannel ramdai

Buannel ramdai

Phuahtu: Ch.Malsawma
Satu: C. Vansanga

Romei zamin tlangtin mualtin,
A bawm chiai e, lunglen an;
Rairah riang val khawchuan nuam an,
Tlangtin mawi ten a dumdur e.

A saw raltiang lentu zobawm saw,
Chhingmit titlai tu tukloh ram chhah kar saw;
Mi ngeng pasaltha lung ti leng tu,
Buannel ramdai lungdum tu.


Chhuihthang vala ramtuan ni chuan,
Ka dawn kir thin kan vanglai;
Hnuchhui thiam an sahrang chhuiin,
Kawi tin ruam tin a hrut vel thin.

Ka lungdamna tukloh ramdai,
Fangleh thei hian ka mawi lo;
Theihzawng nise hrut leh in maw,
Chengrang chawi a fan ka nuam e.

Tunah zawng maw hai ang tar in,
Vanglaini te an chuai ta;
Buannel ramdai kawlvalenchham,
Lai fei chulin ka thlir vawng vawng.



4 Jul 2012

Hmeltha

Hmeltha

Phuahtu: C Vanlalsawma
Satu: Vanlalsailova

Mahte'n e, tinkim dawna ka len laiin,
Hriatloh sakhming hmeltha ka lo tawng che a;
Ka vei reng thin che thinlaiah,
Nang ang renga hmangaih hi,
Ka tawng ngai lo he lei chinah,
I zunzamah dartui angin ka luangral ta.

Khawilam lanu nge maw i nih le?
Tu hrai leng chawi nge maw i nih le?
Tiang renga ka dawn lungruk min ti buai tu;
Ka tawng ngai lo nang lo chu,
Aw hmeltha, aw hmeltha, i zunleng ngaih reng a na e.


I sakhmel tawnni lo her thin mahse,
Mitkhap kar lek chhungin mual i liam leh thin;
I par mawina hi ka tan hian,
Lungngaihna leh beidawnna;
Tahna ruama min thlen tir tu,
Nihtir suh aw, hawilopar ka en chim loh.

Aw le, hawilopar mawi, nang tawn leh ni,
Lo her chhuak leh thuai se; 
Kan chung thanvang sangah hian,
Chutin ka lei ro hluber i sakhmel mawi leh i sakruang;
Hmangaihnain lungchim tein,
Hawilopar mawi, duhte'n ka kuangkuah nang che.



Lung a leng em mai

Lung a leng em mai

Phuahtu: F. Thanliana
Satu: F. Laldinmawii


Lenkawl eng no ruai ka thlir ning thei lo,
A lang, tlang dum dur saw, raltiang khumin;
Lenrual hlimthla leh vanglaini liam hnu,
Thinlai tina an chang zo ta si maw.

Hawihkawm lenrual duh leng zawngte kha,
A then an liam piallei thuahriat karah;
Nau ang tah ka bang lo...lung a leng em mai.


Iang zo awm ang maw, tleitir vanglaini,
An ngai ve ngei ang, hai ang tar hun chuan;
Nau ang nui zaa kan hlimlai nite,
An ngai ve ngei ang, runthim ruai hnuaiah.

Famta lo chu e, tawn leh ni herin,
Annem biahthu hlanin "I dam thin maw?
Nang ngaia kumsul hman ral chhung khan e,
A leng vawng vawng," tiin chawnban vuan e.


Intawng leh ngei ang aw

Intawng leh ngei ang aw

Phuahtu: CFL Hmingthanga
Satu: CFL Hmingthanga, Zualbawihi & Biakmuana, Pca & Rebecca

Hmeichhia:
Kan vang khawpui bela chhingkhual i rawn chan lai khan e,
Kar pawh awm hman lovin ka lo hmangaih reng che a maw;
Mahse, tuantul vang hian min liamsan leh ta si,
Kan intawng leh ang tih tal min tiam rawh.

Mipa:
Tuar i har dawn ngei ka di, i sakhmel mawi ka thlirin,
Hmangaihna chhingmit ngeia min thlir vang hian;
Ka tiam nang che, rinawmin lo awm reng la,
Duhluat vangin lam ang ka lo let ngei ang.

Ka tuar nem thei dawn lo sam ang kan inthen chuan,
Sakhmel mawi leh ka di Lalnunnemte aw;
Kumpui sul vei hma hian intawng leh ngei ang aw,
Thlafam chan hma loh chuan ka tangah bei hle hle.


Hmeichhia:
Hmangaih dang nei reng chung chuan biahthu di min hlan lo la,
Ka thianghlimna parmawi thliaka min liam san leh si chuan;
Riakmaw ianga vaiin dairial ka chang ngei ang,
Ka dawn sei ngam lo, aw, ka chan tur hi.

Mipa:
Siktui luan kir hma loh chuan rinawmin awm reng nang e,
Ka nunna chhalin ka tiam nawn leh nang che;
Ka hmangaih che, duhlai di enchim loh;
Min hriatpui turin Khuanu ka thlang nang e.

Hmeichhia:
Suihlung muangte'n hmangaihnain ka lo nghak reng ang che,
Kumtluang i thai ka chan thlengin ka hmangaih reng ang che.

Mipa:
Suihlung muangte'n zanmu lo chhing tawh la,
Kan tiam thu di zawng kha i vawng dun zel ang aw.


Hmangaih Jasmine

Hmangaih Jasmine

Phuahtu : Lalrintluanga Varte
Satu: Lalrintluanga Varte, TBC Lalsanglura, Sumeon

Suihlung kan rual laiin tuanna tlang dang a,
Kan leng tur hi ka ngai thiam lo;
Mahse, Khuanu zarah dam te'n leng zel la,
Ngai chung zelin mangtha.

Ka va'n ngai dawn che em, Hmangaih Jasmine,
I bahsam lengsiau nui mawi nen;
Buan ang kan pawm lai zan ngaihlai bang lo tur,
Mahse, i tuan a tul si maw?
Dar ang kan tawng leh ang runhmun len ve nan,
Rinawmin aw, Jasmine.


I chun leh zua lunglawm ka tlin loh vang nge,
Tlangdang tuan tura'n an tih che;
Mahse, kan tiam tawh sa hmangaihna rinawm,
Vawng zel ang aw, Jasmine.

I pian a tlai hleihluan runhmun leng tur chuan,
A rem hrih lo, a rem mawlh lo;
Kum leh thar nghak zelin, hmatiang thlir zelin,
Rinawmin aw, Jasmine.


29 Jun 2012

Lung ka chhir

Lung ka chhir

Phuahtu: John Mawitea
Satu: Mimi Renthlei


Aw, enga'n nang nen rem lova biathu kan hlan,
Ka dawn lungruk lairil ber ka hlan che a;
Karah selna anka zawng pawh sir ka hnawl thin,
Mahse, tunah suihlung i her si maw.

Aw, enga'n nge maw khuanu pawh hian riang tur a duan bik le?
Ka chan tawk khuarel ka tuar thiam lo, suihlung ka chhir ngei e;
I dawn lungruk ka luah zo lo, ka hai mawlh lo,
Aw, enga'n nang kher ka lo tawn che, suihlung ka chhir ngei e.


I chun leh zua lung ka dum zo lo, ka hai mawlh si lo,
Der thiam lengin i lung a dum si maw;
I chinlai zawng te selna pawh na ka tih lai a,
Tang dang i bel hi, aw, ka riang hluan e.

Aw, theih nise la nang nghilh zai rel ka nuam e,
Ka thinlai lungril a dam thei mawlh si lo;
Lungdam te'n zan mu ka chhing thei mawlh lo,
Tawn mangah tal tawn leh che ka nuam si maw.


28 Jun 2012

Lenmawii

Lenmawii

Satu: Dreamhunter

* Thinlai khamtu lenghermawi,
Thlir ka nuam i sakhmel mawi;
Rem thei si lo, biahthu hlan  che,
Thamrala'n zawng ka phal si lo.

** Zawlkhaw lenmawi, lem ang der thiam,
Ka dawn lungruk biahthu hlan zawng;
Tawnmang mawl an chang zo ta,
Ar ang ka vai, i zun leng ngaiin, i zun leng ngaiin.

*** Dawn kir ve thin che maw,
Kan lenlai ni te;
Lam ang lo let la nem te'n ka tawnah,
A dam ngei ang ka thinlaina.

Repeat *
Repeat ***
Repeat **
Repeat ***

27 Jun 2012

Di hmeltha

Di hmeltha

Phuahtu: Buangi Sailo
Satu: Tracy Zorinsangi

Ka di, ka duat, ka parmawi te,
Hmanaah khanin kan intawn mai loh le;
Vullai a vul rual ta si lo,
Sakhmelmawi, hawk tui iang a luang ral mai tur hi.

Aw, runah zal dun ila nang nen,
Sawi leh tur dang a awm tawh lo'ng;
Ih maw, Bawihte, hmangaihna hian,
Ramri a kham thei lo, Khuanu ruat.

Nang zawng duhlai, a tha mampui,
Tleitir tha leng an tuai thar dawntuai;
Duh leng i thlan, di, ka hlan che,
Hmangaih di, aw duhlai, duhluat vang che hian aw.

En nin theih loh di hmeltha,
Ka ngai em che, aw, ka ngai em che;
Parlai a par rual ta si lo,
Pialralah tal in e, vul nang ka di bawihte.

Lungdumtu, Di hmeltha, aw, hmeltha...
 

26 Jun 2012

Zan tin mangtha

Zan tin mangtha

Phuahtu : Lalnunzama
Satu: Annie Lalthankimi, Hard Ray, Rachel Lalnunkimi, Lalenkawli Pautu,

Ka hmangaihna biahthu han hlan ta ila,
Engtin min chhang ang maw, Tleitir Lenmawii'n?
Min hmangaih hian kei zawng ka ring si lo,
Len thiam a har ka ti, Nuimawi Hmeltha.

Mahse e, ka hmangaih, min nghilh bik suh aw,
Nangmah ngai a damchhung hun hmang tur hian;
Mal ka sawm che khiangawi i chan thlengin,
Dam te'n leng la, zan tin mangtha.


Hun leh ni te lo inher danglam zelin,
Kumpui sul eng zat pawh lo liam mahse la;
Ka hmangaihna a chuai dawn chuang si lo,
Ai ang i cham reng dawn thinlai rukah.

Ka hmangaihna thamral a'n ka phal ne'maw,
Mahse, i rem thei si lo maw, Lalnunnem;
Engtin tuar zel ang maw i zunleng ngaih,
Khuanu ruat loh di tawn a har ngei mai.



Ka hmangaih che

Ka hmangaih che

Phuahtu : Ronald Sangtea
Satu; C. Sanga, Emily Khawlhring

Hun kha leh chen lungchim te  ka lo nghah thin,
Ka lungdumtu ngei chu ka tawng ta e; 
Chung Khuanu venhimna zarah ngei chuan maw,
Nang ngei hi i ni, ka lungdumtu.

Lungrun, nang nen hun leh ni chhiar dun ka nuam,
Zaleng dang reng ka thlang chuang lo'ng, bawihte;
I sakhmel ka tawn ni khan e, ka chhing mitthlaa'n i cham reng si,
Ka hmangaih che, bawihte, ka hmangaih che.


Lungruka kim tea ka han dawnkir chang hian,
Lenlai rual lo hi a pawi ngei e;
Hmangaihna min hlan zawng kha kumtluang atan nise,
Lungrunpui, ka tan i hlu ngei e.

Aw, kan tuanna mual a dang si maw
Lunglen a na...
 



Maphasy

Maphasy

Phuahtu: Runrosiama (Vulmawi)
Satu: Vulmawi, Lalpanliani

Nghilh a har dawn mang e,
Hlim te'n kan nuih dun lai kha;
Hmangaih biahzai nem te,
Dam te'n mi hlan maw?

Maphasy, Maphasy.

Suihlung ti leng zual mengmawi i anka,
Dar ang tawn ni her leh se;
Chhimtuipui ral ka kai thlengin,
A cham reng thin ka thinlaiah;
Nghilh rual loh i anka nem te.

Maphasy, Maphasy.

Dar ang tawn leh ni tur,
Ka dawn vel mittui nen;
I hlim thla mai maw ka chan,
Ka ngai thiam ne'maw.

Maphasy, Maphasy.


Tuar hram hram ang

Tuar hram hram ang

Phuahtu : Lalzidinga
Satu : Lalpanliani


Tuantul vangin lenrual lungduh te sam ang kan inthen a,
Mualzapui dan kar hla atang hianin;
Dar ang tawn leh ni her thuai se tia nghakhlel tak a,
Duhthu ai ang ka sam changin luaithli ka nul leh thin.

Aw..haw..lenrual lungduh zawng te u,
Tuar hram hram ang aw, suih lunglen hi;
Hmatiang kawl eng tur thlirin,
Chhel takin thawk zel ang aw.


Thaikhawi hmanga biahthu kim tea kan hlan thin zawng te khan,
Tizual si thin lenrual ngaia lunglen hi;
Biakfung chawiin anka nem dam te'n inchhawn thin mah ila,
Aw, a nem thei mawlh si lo sakhmel intawn loh chuan.

Lam ang let a kir leh zai reng hian an mawi si lo,
Chhingkhual an chan chhung a rei dawn mang e;
Dan rual anni si lo, raltiang an kai zel e,
Dar ang tawn ni herchhuak leh ang maw?

Kar hla lenrual lungduh zawng te u,
Tuar hram ang hreawm leh lunglen chu;
Hmatiang kawl engtur thlirin,
Chhel takin thawk zel ang aw.
Hmatiang kawl eng tur thlirin,
Chhel takin, aw, chhel takin.