19 Jul 2012

Lal nunnema kiangah

Satu: The Leprosy Mission Choir, Sihphir Pastor Bial Zaipawl, Sialsuk Pastor Bial Zaipawl


Khawvel hreawmna hnuaiah,
Lungngai tak leh chau vin kan rum;
Buaina te'n nitinin min bawm,
Thlemna chhumpui te a lo zing,
I awm nghenga min pawm loh chuan,
Min liampui dawn sual tuipuiin.

Aw, ka ngai zual thin thenlohna ram nuam,
Lungngaihna zawng zawng te;
Lawma kan chan hun chuan,
Inthen kan hlau tawh lo vang,
Lal nunnema kiangah,
Lawm takin kan zai tawh ang,
Lal nunnema kiangah.

Thihna te'n thla an zar lo,
Pialral ka Lal lennaah chuan;
Lungngaihna zawng zawng a bo vang,
Buaina chhumpui te a lo kiang,
Chak lo te thlain an thlawk ang,
Vakvai te'n in nuam an chang ang.

Damchhung mi hmuak apiangte,
Lalpa, i tirh ni zel rawh se;
Lungngaih ni leh lawm lai ni te,
Hreawm engpawh lo thleng mahse,
Hei hi ka dil, i thu nise,
Lalpa, ka tan malsawm ang che.

Van Kanan thar lamtluangah,
Min lo hmuak la, ka Lal lunghnem;
Tia awmhar ka dawn changin,
Ka tah nan khua a sei leh thin,
Zion ram ni lo eng mai rawh,
Thlen ka chak pialral khawpui chu.

Ka retheihna ka ngai lo'ng,
I buatsaih ram ka thlen hun chuan;
Damchhung buaina ka pel tawh ang,
Lungngaihna zawng hnutiang chhawnin,
Sualna/Setan vanga ka rumna hi,
Min hmangaihtu ka hrilh ang a .



-mizo lyrics/mizo gospel lyrics-
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

2 comments:

  1. Kan local PYD ten 2014khan he hla hi sunna hla kan sak naah kan hmanga,2016 pawh hian kan hmang leh dawn, hla leh a thu a lo awm hi a lawmawm

    ReplyDelete
  2. Solfa notes awm zaipawl satur kaduh e

    ReplyDelete