23 Dec 2013

Krismas leh Kumhlui zun

Krismas leh Kumhlui zun

Phuahtu: Jonathan Hmingthantluanga
Satu: Tetei Ralte

Kumpui sul pawh a her liam leh dawn ta,
Sikni eng mawi ngai te'n a her chhuak e;
Van Lal pianni champha damte'n kan thleng leh ta,
Zaleng zawng te'n hranglu iang an lawm e;
Fam ngai te tan suihlung ti lengtu mai.

Hmatiangah kan thlir hun leh kum lo thar tur,
Suihlung erawh a leng, a hnim ruai e;
Kei zawng ka ngai hmanah lenrual lungduh zawng nen,
Krismas lawmin hlimte'n zai kan vawr kha;
Tunah erawh suihlung tilengtu mai.

Hnemtu ngaiin ka vai ruai e,
Ngaih loh ang hian an liam zel si;
Hringmi mawina par ang chulin,
Kumsul erawh a thar zel si;
Siamtu remruat dan lo ni e,
Lal pian ni champha kan thleng leh ta.

Aw le, kumhlui, damte'n mual liam ta la,
Nunhlui ngaia suihlunglen hruai ve la;
Hun leh kum lo thar tur hringmi tan malsawmin,
Min hlan ta che duhsak chibai buk nan;
I zun ngaih zawng suihlung a leng em mai.



22 Dec 2013

Lal pian hun pangpar a vul leh ta

Lal pian hun pangpar a vul leh ta

Phuahtu: Patea
Satu: Bawngkawn Pastor Bial Zaipawl

Lal pian hun pangpar a vul leh ta,
Thinlai mu hnu lunglen a kai thove;
Vanhnuai mihril Bethlehem tlang chungah,
Rinin thla in mi an thlawk kai.

Aw ka Lal nunnem, 
Nangin min hruai zel la,
I chun leh zua karah senlai nau ang, 
I tahna hmun tual ka ngai.

Ngaih a na e Bethlehem tlangpui,
Tlaini tla eng lenkawl a khum riai e;
Bawng in tlawm ah ka lal riangvai tak saw,
A chung riang Marin a chawi e.

Bethlehem arsi a eng leh ta,
Eden thlan kawngkhar chhung a rawn en;
Harhin tho ru Eden khua a var ta,
Kan tum ram chu i pan zel ang.

A va mawi em lalna ram thing chu,
Kan tan Bethlehem tlang a lo vul ta;
Hmanah pi leh pu ten an hmuh phak loh,
Saron par tlan in kan leng e

19 Dec 2013

I pianna ramah kir leh rawh

I pianna ramah kir leh rawh

Phuahtu: Zira Hnamte
Satu: Bethlehem Pastor Bial Zaipawl

Pathian mihriat kan lo nih hnu pawh hian,
Nunkawng a lo buai leh si thin;
Khawvel mi hip thei thildang umin,
Lalpa chu kan phatsan fo thin.

Unau enge i dinhmun le?
Lalpa lokal ni a hnai ta;
Phatsan fo ringtu nun i neih phawt chuan,
I pianna ramah kir leh rawh.

I pianna ram chu khawnge i hmuh ang,
I aia nun petu thihna hmun;
Krista thisen luanna kraws chu,
I tan hmun him ber a ni.

Krista hmangaihtu dik tak te chuanin,
A thupekte an zawm fo thin;
Thupek te i zawm siloh chuanin,
I dinhmun enfiah thuai ang che.

Nun chawllo ringtu i nih phawt chuanin,
Thinlung thlerin a mah pan la;
Zep ruk leh sinruk i neih zawng te,
Lalpa hmaah puang chhuak thuai rawh.

Ramhlun ka sawi nin theih loh chu,

Ramhlun ka sawi nin theih loh chu,

Phuahtu: Khaizadala
Satu: Bethlehem Pastor Bial Zaipawl

Ramhlun ka sawi nin theih loh chu,
Lalpan a siam ramnuam tak chu;
Chhun leh zan a awm tawh lovang,
Zion khawpui nuam tak ah chuan.

Van Jerusalem khawpui ah,
Riltam tuihal a awm tawh lovang;
Ni leh thla eng reng a ngai tawh lo,
Beramno ni ang a eng reng e.

Lalpa, i ram thianghlim ah chuan,
Thihna a awm leh tawh lovang;
Luaithli nula a inthen lehna
A awm lovang, i ramah chuan.

He lei hreawma na ramah hian,
Thihna ram pana ka penin;
Lungngai a ka awm lai hianin,
Lalpa min thlamuan zel ang che.

Lalpa, i ram thianghlim ah chuan,
Thihna a awm leh tawh lovang;
Luaithli nula inthen lehna,
A awm lovang i ram ah chuan.

7 Dec 2013

Kan chatuan Pa lenna runah

Kan chatuan Pa lenna runah

Phuahtu: Rokunga
Satu: Liandingpuii

Kan chatuan Pa lenna runah,
Van mipui te inkhawmin;
He thu ropui an zawt vel a,
Khawpui chhung hmun tin a mi.

"Tunge lehkhabu hi hawng a,
A chhinchhiah te phelh tlak awm le?"
Tiin an han zawt vel chiam a,
Tuma'n an chhang thei lo ve.

Van mipui chhiarsen loh zingah,
Pakhat tal in awm lo'm ni?
Ngaiteh, Davida kulhpui khan,
A hnehta, ropui takin.

An lawm hla thawm thangkhawk riin,
Van khawpui a nghawr nghing ta a;
Van angel ten thla an khawng ri,
Khawpui chhung an hual vel a.

Pathian thuruk eng ropui chu,
A puakdarh lei thim zingah;
Bethlehem tlang a rawn en a,
A zau zel hnam tin zingah.

Ngaiteh, van mi chhiarsen loh te,
An thawm ri chu a va mawi em;
Chungnungberah ropui rawh se,
Lei chungah rem leng rawh se.

I lawm ang u, Van Lal ropui,
Lal Imanuela chu;
Khawvel a hmangaih avangin,
Lei sual thimah vakvaiin.

Khawvel tan a nun a pe ta,
Tunah vanah ro a rel ta;
Khitah kan inkhawm hunin,
A hmel ropui kan hmu ang.




# Mizo Krismas (Christmas) hla (song) - hlathu (lyric)

20 Oct 2013

Lal lungawi kum hun lawmawm chu

Lal lungawi kum hun lawmawm chu

Phuathu: Patea (1894-1950)
Satu: Bawngkawn Pastor Bial Zaipawl

Lal lungawi kum hun lawmawm chu,
Tunah kan thleng leh ta;
Chuan zel ila Bethlehem dai hmun saw,
Vanmi te zairem na.

Aw nang Bethlehem, ka va ngai tak che em,
I tlang chung a hruaitu arsi eng chu;
Tapin ka rawn zawng zel ang che,
Ka lal pianna lei hmun tlawm ber chu.

Ngailo awm ang maw chu hmun chu,
Ka lal siang a lawi na;
Kaisar lallai nitla zam vel hnuai ah,
Ka lal nau ang tap e.

Han thlir teh u angel te u,
In lawmlai Lal Isua;
A lo thleng ta rethei fate hlim nan,
Par ang kan lawm ve ang.

Cham rih ula berampute,
Hmunkhawhar kalsan suh u;
Lungngaih lohna arsi piah ram nuam ah,
Tual kan lengza tawh ang.

Zan tlai khaw thiang karah

Zan tlai khaw thiang karah

Phuahtu: Rokunga
Satu: H.Lalmuankimi, Mizo Cardinal Choir,  F. Lalsanglura

Zan tlai khaw thiang karah,
Muang te'n zan mu an chhing;
Beramputen thawm an hriat chu,
Bethlehem tlang chungah.

 "Chungnung berah ropui rawh se,
Lei chungah remthu leng rawh se," an ti;
"Chungnung berah ropui rawh se,
Remna leng se," tiin an zai.

Hmangaih tuipui a fawn,
A kuang a fawn liam e;
A liam in piallei a bualin,
Van miten zai an rem.

An lenthlain min zem,
Thinlai a zing riai e;
Chatuan Rem Lal ropui fakin,
Van miten zai an rem.

Nangni van mite u,
Piallei thim zingah hian;
"Leiah rem leng rawh se," tiin,
In zai leh dawn lo'm ni?



Kumpui sul a lo vei chang hian

Kumpui sul a lo vei chang hian

Phuahtu: Rokunga
Satu: H Lalmuankimi, Zoramchhani, Bawngkawn Pastor Bial Zaipawl, Mizoram Synod Choir

Kumpui sul a lo vei chang hian lunglen a tho leh thin,
Ngai lo leh lawm lo reng awm hlei lo;
Kan ngaih Krismas nieng a lo zam thar leh ta,
A mawi tizuala'n Bethlehem par nen,
A lo vul ta e, par ang kan lawm.

Aw, a va mawi em, he ni lawmawm hun tawite hi,
Kan vannei em em, lawmna ni kan tawng leh ta;
Lungrual takin hlim zai i vawr ang u,
I lungngaihna chu puan ang hlip rawh.

Awmlai vei leh lusun fate chan tawk hi dawn ve teh,
Hnutiang mualliam hnu ngaiin an tap e;
Par ang an lawm hnu he ni ropui lo thlen hian,
Chhungkim dar ang len lai kha ngai zualin,
Tapin luaithlipui an nul ngei ang.

Kar hla a leng rualduh zawngte, in dam lai em ni le?
Krismas ni lawmawm a lo eng leh e;
Chung Pathianin damte'n min veng tawn zel rawh se,
Dam takin, aw, kan intawn leh hma zawng,
Hlimin zai ang che, muttui, mangtha.

Chung Khuanu lengin min hual se lawmin i zai ang u,
A then thinlaina pawh hi dam rawh se;
Kan nghah ni lawmawm tak chu a lo thleng leh ta,
I phurrit zawng zawngte chu kalsan la,
Hlim la, huntha i neih chhung hianin.


Krismas chibai

Krismas chibai

Lettu/Siamremtu: Rev. C.Remlalfaka
Satu: Belinda L.Sailo & Mary L.Sailo, Zoramchhani, RK Duhkima

Krismas hun lawmawm a lo thleng leh ta,
Vengtu chung Khuanu malsawmna a ni;
Hlim zai kan vawr lenrual lungduh zawng nen,
Lalpa, kan lawm em e, he hun min pek hi.

Krismas a lo thleng ta, hlimin lawm la,
Remna Lal lo piang chu fakin i chawimawi ang;
Krismas ni ropui tak a lo thlen hian,
Lawmna duhsakna chibai i tan kan hlan e.

Thlir vel ila tlang tin leh mual tin te,
An va mawi em! Lalpa thilsiam tinreng te hi;
Aw, suihlung dumtu sikni eng no riai nen,
Lalpa, kan lawm em e, he hun min pek hi.

Lamtluang chhuiin kil tin hrut vel ila,
Hraitin an hlim, lanu val rual an vul;
Thlir nin loh vandumpawl leh romei zam nen,
Lalpa, kan lawm em e, he hun min pek hi.


Khawvel lawm nan

Khawvel lawm nan

Satu: Rebecca Saimawii, Zoramchhani

Khawvel lawm nan a lo kal a,
Leiin a Lal lawm se;
Thinglung tinin hmun lo kian se,
Lei leh van zai rawh se, (2)
Van leh khawvel zai rawh se.

Khawvel lawm nan ro a rel a,
Miten zaiin fak se;
Tlang leh phai leh luite pawhin,
An lawm hla nawn rawh se, (2)
Nawn rawh se, an lawmna hla chu.

Khawngaih leh thutakin a rel,
Hnamte an lo ding chhuak;
A felna ropui tak mai chu,
A hmangaihna hlu chu, (2)
Mak an ti, a hmangaihna chu.

Kum sul liam hnu (Lalpa kan thinlungah lal ber ang che)

Kum sul liam hnu (Lalpa kan thinlungah lal ber ang che)

Phuahtu: C Lalkhawliana
Satu: Zoramchhani, Mizoram Synod Choir, Bawngkawn Pastor Bial Zaipawl, The Leprosy Mission Choir, Liandinpuii

Kum sul liam hnu kan nun ngaih lai tho leh thin,
Rem Lal pian hun champha hmatiangah kan thlir;
Sik ni eng mawi leh zan boruak thiang leng vel,
Ngaih lai ti zual tur renga'n maw.

Aw, thlir zel ila ,Bethlehem tlangpui,
Ran in tlawm a Chhandamtu piang chu;
Hmana mi te'n lawm lo mah sela,
Lalpa, kan thinlungah lal ber ang che.

Leng zawng thinlai dam te'n lawm kim tak ang maw?
Rual duh kal ta suihlung rualpui te zawng kha;
Ngai mah ila, koh kir leh theih awm si lo,
Rem Lal piang chuan thinlai hnem rawh.

Chhung tin lawm lai par ang vul ni leh hun te,
Engtin hmang maw, kar hla a leng rual duh te'n;
Thinlai dam te'n hmang la, he hun lawmawm hi,
Hlimin lawm la, Lal lo piang chu.

Keini pawhin lawmna zai hla i rem ang,
Tu mah thinna leh lunglen pawh sawi lo vin;
Bethlehem-a nau lo piang Imanuela,
Chibai bukin i kal ang u.
 
(He hla hi a phuahtu Pu C Lalkhawliana hian a thupuiah 'Lalpa kan thinlungah lal ber ang che' tiin a dah a ni)
 
 
   - mizo krismas hla thu -
Bethlehem arsi chu a lo eng

Bethlehem arsi chu a lo eng

Phuahtu: Vanmawia
Satu: Zoramchhani

Bethlehem arsi chu a lo eng,
Thangvang sangah khianin;
Khawchhak mi fingte a hruai thleng a,
Nausen Isua hnenah.

Aw, Bethlehem arsi eng mawi chu,
Tunah hian kan chungah lo eng leh la;
Chutin khawvel Chhamdamtu hnen,
Min hruai thleng ngei ang che.

Mi fingte chu an lawm em em a,
Arsi eng an hmuh chuan;
An ro hlu berte an la chhuak a,
Lal thar chibai buk nan.

Keini pawhin arsi chu enin,
Kan ro hlu ber te nen;
Kan tana Lal ber thar lo piang chu,
Chibai i buk ve ang.


- mizo krismas hla thu-

7 Oct 2013

Vanram tlafual

Vanram tlafual

Phuahtu: Biakkima
Satu: Pachhunga, Mathlenga

Thiana, lo hnai la tawngtui nan um khat  han dawm dun ila,
Vanglaini chen in chun leh zua te chu dawn lovin;
Lungkham reng nei lo zu lo chu,
Lengzawng te hlimna ber;
Perhkhuang tingtang nen,
Suihlung kan rual e vanram tlafual ah;
Rock and roll in sir i sawn dun ang,
Ka damchhan chu hei ngei hi a ni.

Zai ru, zai ru, lenrual zawng te zai ru,  zai ru,
Lam ru, lam ru, suihlungrual a vanram tlafual chen in;
Zai ru, zai ru, lengrual zawng te zai ang u,
Lam ru, lam ru, suihlungrual a vanram tlafual chen in;
Chawlhtui ningzu dawnpuar ila hnaptla purin,
Uluk takin bawkkhup chungin i luak dun ang; 
Vanram tlafualah hian.

Zirna run min kai tir, by-heart ka thei silo,
Pasarih hmun thum chhan theih loh vang hian;
Chun leh zua te lunglai rem lo,
Zirna run chu ka tan chuan mangtha;
Nupui nei rawh min ti thlunglu a hai ngei,
Ka neihchhun tingtang leh chawlhtui ningzu;
Bansan thei reng hian ka mawi lo,
Engdang reng ka tan a ngai lo.


Home (Boomarang)

Home (Boomarang)

Lyrics: Boomarang 
Band: Boomarang, Aizawl, Mizoram

Hoo..ome! Hoo..ome!
Hoo..ome! Ohhhh x2 [Hoo oh?]

Hello my friend
I'm glad to see that life treats you kind
It's been so long
But our past I'm sure it's all left behind
Tomorrow will come
After the end of this night
And all the years gone by
Will be nothing but flashes of light

Chorus:
Hoo..ome!
Hoo..ome!
Hoo..ome! Ohhhh x2

We came this far
Let's look back on where we have been
We're all trying to reach the stars
 But somehow end up right where we start

Where do we go
We'll get to the end of this road
I sure that when this life terminates
My soul will find a final resting place

Chorus*

Tomorrow will come
After the end of this night
And all the years gone by
Will be nothing but flashes of light

Chorus*


Lyrics© Boomarang Band, Aizawl, Mizoram, India.
----------------------------------------
The lyrics posted here is based on hearing from their music video and not to be considered as their original lyrics as some words may be misspelled or mistaken.
-----------------------
Fan may search # Boomarang home # Boomarang lyrics # home boomarang lyrics # boomarang home lyrics # home lyrics boomarang # boomarang mizoram home # boomarang lyrics home # Boomarang Aizawl home lyrics # home boomarang # boomerang home

6 Oct 2013

I tel lova Krismas ka hmang tur hi

I tel lova Krismas ka hmang tur hi

Phuahtu: R Lalduhawma
Satu: Henry Lalmalsawma Renthlei

Tuantul vangin lenna tlang a dang si a,
I zunphur tan zankhua a reilua em e;
Favang ni kawla'n a lo herchhuak a,
Khua chuanin ka hawi vel a, i awm si lo;
A riang lunglen ti zual mai thlawn e.

Mi te zawng kawplai di nena leng dunin,
Chhandamtu pian lawmin lenlai an chen a;
Keizawng mahriak te'n kan run ka bel a,
Ka riang hluan e, min hnemthiam reng an awm si lo;
Duhlai, min han dawn ve thin ang che aw.

I tel lo va Krismas ka hmang tur hi, 
Tlei a har, lung a leng em e;
Ran in tlawma van nau thar pian zan hian,
Nang ngaih vangin luaithli ka nul leh thin;
Hei erawh ka di, vawng reng la, ka hmangaih reng che asin.

Ka hlan che, hmangaihna, Krismas lo thleng hian,
I tan Khuanu malsawmna dil zel nang e;
I tuanna mual atangin Remna Lal chu,
Fak hla saa chawimawiin lo lawm la;
Kan chantawk Khuanu ruat lo ni e.

Kar lam hla mahse lengdang chhai ka tum lo,
Rinawmna kan tiam Khuanu leng hming chawiin;
Nang paw'n kan tiam biahthu di vawng reng la,
Hal lo te'n kumsul a lo vei ang a;
Tawn leh ni zawng a la herchhuak ngei ang.



I tel lo chuan Krismas

I tel lo chuan Krismas

Phuahtu: Kima Chhangte
Satu: Malsawmtluangi Fanai (Ms-i)

Hun leh nite lo her zelin,
Kan nghah Krismas kan thleng leh ta;
Mahse, dawn lungruk a kim thei lo,
I tel lo chuan ka tlei zo lo'ng;
Theichangse nang nena hman dun hi ka nuam thin e,
Mahse maw,  kar a hla, min nghilh bik lul suh, aw duhlai...

Krismas, oh..oh.. Krismas, 
Lengzawng te'n chhailai di nen; 
Lungrun sakhmel intawng lo mah ila,
Duhsakna i tan ka hlan;
I rauthla tal rawn tir mai la e,
Aw, hlim te'n ka hmang mai tura'n.

Duatlai ka di ka enchim loh,
Khuanu'n min tuahrem thuai mai se;
Thiang te'n lengin nau lo piang hi,
Duhsakna hlan dun zai relin;
Chhawrthlapui leh siar zawng paw'n,
Min sel bik lo'ng ka chan hi;
Theih nise nangnen chuan,
Perhkhuang chawiin zantlai nema'n...

Kir leh zai i rel ve lo'm ni?
Duhlai, i tel lova Krismas hman,
Aw, ka zuam mawlh lo, lungrun.

Krismas, oh..oh.. Krismas,
Hman ve hi ka nuam thin e;
Lungrun, kan vangkhua rawn lawi ta la,
Nau ang piang min lawmpui ve r'u;
Enteh, lengdang zawng pawh chhailai di nen,
Aw, hlim te'n an in di rial e. (2)


Krismas chibai (Hard Ray)

Krismas chibai (Hard Ray)

Satu: Hard ray

Sikni eng mawi te'n a lo herchhuak leh ta,
Kei zawng lung min len ngei e;
Kar hla a leng zawng te paw'n kirzai an rel,
Khawnge i awm bawihte, hawn zai lo rel ve la;
Lenrual te chu Krismas lawmnan hlimzai an vawr asin.

Engpawh nise Krismas chibai, bawihte...

Lalpian ni lawmawm lo herchhuakah hian,
Duhsak chibai ka hlan a che;
Krismas hlimte'n hmang ve turin,
He hun lawmawm leh zan thianghlimah hian;
Min han hrechhuak ve thin rawh aw, bawihte.

Kei ka zuam lul lo i tel lo chuan,
Krismas mahte'n ka hmang tur hi.

Krismas nang nen

Krismas nang nen

Satu: Blue Corn

Kumpui sul lo her zelin,
Sikni eng a lo her chhuak a;
Kan nghah Krismas ni a lo thleng leh ta,
Mahse, tuanna tlang a dang si

Lenrual zawng te'n chhailai di tang belin,
Hlimzai a'n vawr, zantiang reh hnuaia'n maw;
Kei zawng bawihte, ka tlei thei mawlh si lo,
Theih chang ve se, nang nena hman dun ka nuam a sin;
Krismas nang nen.

Min nghilh bik lo la, bawihte,
Rinawmna i vawng zel ang aw;
Hlan leh che ka nuam ngei ka hmangaihna,
He hun nuam leh thianghlimah hian.

Lal pian ni champhaah hian,
Sakhmel dar ang tawng lo mah ila;
Duhsakna sang ber ka hlan a che,
Dam te'n leng la, hlim te'n hmang la.

Min hruai la ka zui ang che

Min hruai la ka zui ang che

Phuahtu: Rev. Dr. R. Lalthanmawia
Satu: Dintluanga Tochhawng, Khatla Pastor Bial Zaipawl

Min hruai la ka zui ang che,
Min tirhna ah ka kal ang;
Ka nunna hi nangmah tan chauh,
Ka hlan tawh che aw Lal Isu.

Ka zingkawng te chhuk chho mahse,
Harsat buaina kar pawh nise;
Isua nen kan nih vangin,
Engmah reng ka hlau tawh lawng.

Lal Isua hnungzui zel turin,
Nitin mahni inphat zelin;
Ka duhthlanna zawng zawng nen,
Ka inpe, aw Lal Isu.

Aw thlarau thianghlim, lo leng la,
I chaknain min thuam ang che;
Chaklo leh tanpui ngai hi,
Chakna thar min pe ang che.


Aw Isua a ni

Aw Isua a ni

Satu: Mizoram Synod Choir

Aw Isua a ni, Lal Isua a ni,
Ka thlarau damna chu;
A puan hmawr chauh pawh damna  a ni a,
A thisen in min tlan ta.

Aw Isua a ni, Lal Isua a ni,
Ka thlarau damna chu;
A puan hmawr chauh pawh damna a ni a, 
Ka thlarau tan damna a ni a.

He khawvelah hian,
Hlimna lawmna kim reng a awm lo;
Lal Isuan min sawm amah pan turin,
Kawng leh thutak leh nunna a ni.

Aw Lal Isu, ka damna Lal Isu,
Ka hreawm laiin min hmangaih a.

Lal Isuan min tlan ta,
A thisen in min tlan ta.



- mizo zaipawl sak mi - zaipawl hla -
En teh van khawpui

En teh van khawpui

Satu: Mizoram Synod Choir

Enteh, van khawpui laitual lai khi,
Mi huaisen martar te an leng e;
Sakawlh leh ring lo an hlau ngai lo,
Hnehin an leng van khawpui tualah.

Aw, Kalvari tlang kraws,
I chakna ringtu te chuan;
Hnehin an ngam ta,
Sual thihna hnehna kraun nen;
An leng Salem tuallaiah.

Tingtang leh phaiphuleng remin,
Tlantu an fak an rimawi zawng nen;
Khawvel hreawm zawng hi an ngai tawh lo,
Hnehna fakin hnehtu te zai.

Lalpa, i ram ngaiin kan rum,
I tlansate lei hreawmah hian;
Hruaichhuak la khawvel buaina pelin,
Lungngaih buaina ram thlen ang che.

Hei hi ka lawmna ber a ni,
Ka tan chatuan khaw nuam a siam hi;
Tlantu hmaa ka din ve hun chuan,
Hnehna fakin hnehtu kan zai ang.




- mizo zaipawl sak mi - zaipawl hla -

4 Oct 2013

Zoram ngaih hla

Zoram ngaih hla

Phuahtu: Rosangliana (Zorock)
Satu: Rosangliana (Zorock)

Zanin chu ka lunglen min hnem turin,
Ram chhung leh pawn telephone bu te ka han tlir a;
US unaute ka ngai, Jampui tlangdung, aw Manipur,
Rangoon pawh zali kan chuang e.

Aw Zoram, min nghilh bik suh ang che,
Dawn changin Zoram kan ngai vawng vawng;
Hmangaih biahthu inhlan bang lo'ng aw.


Zanin Shillong tlang chhawrthlapui eng hnuaiah,
Pianna Zoram, hmangaih berte lenna Kolasib ngaih a zual;
Lenrual lungduh zawngte kan ram ngeiah hlimin an leng,
Len ve hun, aw ka nghakhlel,
Mi ramah zawng lunglen a na e,
Lam ang lo let ka nuam e,
A rei tawh lo'ng e, min lo nghak la;
Inthen tawh lo'ng aw.

Zanin chu ka lunglen min hnem turin,
Rual hlui zawngte autograph address ka thlir a;
Hmana rual hlui fam ta te ka ka ngai,
Hranghlui zaimi fam ta te ka dawn changin;
Luaithlipui ka nul leh thin.


Kan Zo tlang ram nuam

Kan Zo tlang ram nuam

Phuahtu: Rokunga
Satu: Venghnuai Branch YMA Aizawl

Kan Zo tlang ram nuam hi chhawrpial run i iang e,
Hal lo te'n lungrual dar ang kan lenna;
Perkhuang tingtang zaia kan chawi lai i mawi e,
Parmawi tinreng leh thlifim lenna kan Zoram nuam.

I mawi em e, kan Zoram hmun sang,
Fiara tui thiang kan dawnna;
Tlang tin, thing tin zar mawi leh romei a zam karah,
Tlang tin zaleng zawngte lungrual kan insuihkhawm;
Aw, i mawi chuang mang e ,kan lenna Zo tlang ram nuam.


Hmanah pi-pu, lasi, khuavang leng tin kaiin,
Doral hlau reng renga ram tuan i relna;
Thinlai lungmawl vanga tlang tin, rau tin zawlin,
Tunah erawh thimna te'n zamual an liam zo ta.

Zaiin chawi vel ila perhkhuang tingtang remin,
Hei ang ram nuam hi ramdang awm ve maw?
Auvin hril vel ila, khuavel hnamtin zawtin,
Hei ai ram nuam zawk hi awm chuangin ka ring nem maw.

Kan ram mawi, chul lo la, parin vul leh zual la,
Thangthar hmatiang sawnna tur khua sei leh se;
Tin, lo varin, lo thangin, lo sangzel ila,
Chung Pathian malsawmna pawh khumkhuain awm zel rawh se.

Ngaihzual

Ngaihzual

Satu: Gnat Lalrinchhana

Bawihte, i zun leng ngaiin,
Laikhum zawlah tlaikhua ka var thrin;
Mualzapui kar danah lengin,
Sakhmel tawng lo vin;
Chhingmitthla an i cham reng thin e,
Thinlai ruk an i cham reng mai.

Dawnin a na ngei e!
Di ngaih lunglen ka tuar thiam lo;
Suihlung a phang thin e,
Lengdang min chhai san lul suh aw, ngaihzual;
I zun leng ngaiin eng dang ka dawn thei lo,
Sakhmel tawn nan, ka tuanna tlang atang hian e;
Ka lo haw thuai dawn.


Engtin min ngai ve che maw?
I thinlai rukah ka cham ve thin em?
Kei zawng i zunah chhawl iangin,
Aw, ka uai reng si;
Nghilh ni reng i awm thei mawlh si lo,
Thinlai ruka'n i cham reng mai.

I tawnah biahthu ka hlan zawngte nghilh lo la,
Lengdang tang bel mai lo vin min nghak hram rawh aw.


21 Sept 2013

Ram ropuia angel te u

Ram ropuia angel te u

Satu: Rebecca Saimawii

Ram ropuia angelte u,
Khawvel ramtinah thlawk r'u;
Pa thilsiam zai a chawite u,
Messia pianthu chu puang r'u.

Chawimawi.... rawh u,
Krista,  Lal thar piang chu;
Chawimawi..... rawh u,
Krista, Lal thar chawimawi r'u.

Beramte zan a enkawl a,
Phul a berampu te u;
Mihring zingah Pathian a cheng,
Nausen eng chu a lang ta.

Mithianghlim maicham a kun a,
Hlau leh beisei thin te u;
Lalpa chu a lo kal thuai dawn,
A templeah a lang ang.

Misual sim leh inchhir te u,
Kumkhaw hrem bak tawh kha;
Lalpa'n a ngaidam ta che u,
Phuar a phelh, a ko che u.

(This song is Mizo version of Angels from the realms of glory)
 
Kumsul lo vei khua a lo thalin

Kumsul lo vei khua a lo thalin

Phuahtu: Lalzuithanga
Satu: Rebecca Saimawii, Zoramchhani

Kumsul lo vei khua a lo thalin Vanlal nau ang a pian ni,
A herchhuak thin lengzawng te lawm a'n;
Hlimin i lawm theuh ang u, zaitin rema tlangtin chuanin,
Kan lawm hla thangri vanhnuai khat rawh se.

Tlawm mahse a pianna run chu Vanlal ropui ber a ni,
A faktu angel lengrual te chuan ;
"Chungnungberah ropui rawh se, lei chungah remna leng se,"
Tia fakin an zai thangvansangah.

Keini pawhin lenrual kimte'n zaiin i fak ve ang u,
"Halleluiah, chungnungber," tiin;
Amah chu sual bawih ata min tlantu Lal lian a ni a,
A fak hla thangri vanhnuai khat rawh se.



- mizo krismas hla, mizo christmas hla, mizo christmas song -
Hmanah Kaisar lal lian rengpui

Hmanah Kaisar lal lian rengpui

Phuahtu: Rokunga
Satu: The Leprosy Mission Choir, Rebecca Saimawii, Zoramchhani

Hmanah Kaisar lal lian rengpui lallai nieng hnuaiah,
An hril vanhnuai khuavel chhiarpui hmingthang;
Chhingkhual mipui pungkhawm zingah Marin riahrun a chang ve lo,
Bawng in runpui a bel (3).

Khualbuk vengtu i ui lo'm ni, tlantu mualliam tur chu?
Amah vanga khuavel dam theih na kha;
Khualbuk vengtu suihlung mawlin Van Lal rengpui, ka lungdamna,
Puan ang a hnawl ta e (3).

A liam si lo khar dan hliapa'n, chhingkhual a ding reng e,
"Ngai teh, kawngkhar bulah ka lo ding e;
I chhungah ka lo lut ang e, i thinlung kawng min lo hawn rawh,"
Tiin min dil fo thin (3).

Khualbuk vengtu ang mai ka ni sualin min bawm reng e,
Ka thinlung ram Kaisar lal naah hian;
Bethlehem tlangpui rawn din la, i tan ranthleng rawn hung leh la,
Tah chuang lo cheng ang che (3).
--------------------------------
- Mizo Krismas hla, Mizo Christmas hla, Mizo christmas song -
 



15 Sept 2013

Bethlehem arsi engmawi ber

Bethlehem arsi engmawi ber

Satu: H.Lalmuankimi (Mamuani)

Bethlehem arsi engmawi ber,
Kawlkil thimah a lo eng a;
Kawngbo te tan enna a rawn pe a,
Khawchhak mifingte rawn hruaiin;
Isua pianna a rawn thlen a,
Bethlehem arsi engmawi, eng reng rawh.

Aw, Bethlehem arsi engmawi,
Kan chungah ropui takin lo eng la;
Kan kawng atan eng min pe la,
Chatuan ram nuam kan thlen thlengin;
Bethlehem arsi engmawi, eng reng rawh.

Chawlhna beisei arsi engmawi,
Tlansa mifel malsawmte tan;
Ropui taka lallukhum khum hun chuan,
Isua Pathian arsi mawi chu,
A lo eng zual deuh deuh ang a;
Bethlehem arsi engmawi, eng reng rawh.

Bethlehem arsi engmawi ber,
Aw, tunah hian lo eng leh la;
Khawvel sual thima kan vahvaih lai hian,
Mifingte kawng i en ang khan;
Kan thinlung sual thim chhun eng la,
Bethlehem arsi engmawi, eng reng rawh.

Chhandamtu piancham kan thleng leh ta

Chhandamtu piancham kan thleng leh ta

Satu: Daduhi Khiangte, H.Lalmuankimi

Chhandamtu piancham kan thleng leh ta,
Kumthar lawmawm hnai bawk si;
Sikni eng hmun nuam a vul mawi e,
Zaleng zawng te kan lawm nan.

Hlim takin i chawimawi ang,
Remna Lal lo piang lawmin;
Perhkhuang tingtang rimawi nen,
Zaitin thang i vawr ang u.

A chung riang Mari'n a chawilian a,
Bethlehem bawng in tlawmah;
A tlawm lua em ni ka Lalpa chu,
Ran thlengah an zalh mai maw?

A tlawmlai hmel kha a mawi lai ber,
Lei leh van Lal a ni si;
Chhandamtu a ni ka chawimawi ang,
A hnenah thinlung hlanin.

Chhandamtu Isu, Imanuel,
I chun leh zua chan ka nuam;
Kan thinlung chhungah lo piang leh la,
Nem te'n kan chawi leh nang che.

21 Aug 2013

Kur Diam Diam

Kur Diam Diam

Phuahtu: Kapmawia
Satu: Lalpanliani (Pantei)

Hringnun khawvel ka dawn changin,
Ni leh thla te an her zel a;
Hun leh kumte an liam zel a,
Ka chun leh zua hai ang tarin;
Dawn changin thinlai ka phang thin.

Maw..ka nu kur diam diam, kur diam diam,
Aw ka pa, tang fan fan, tang fan fan;
In partlana len hi in hrai riangin,
Ka kham thei lo a ni.

Saisen ka tet atang rengin,
Inhlimna leh lawmna ber chu;
Keimah ah hian a awm thin a,
Cho rualloh hmangaihna chu e;
Ka chun leh zua min hmangaihna.

Chhak leh thlang, chhim leh hmar ah pawh leng mah ila,
Rauthla leng in min awm tlei thin;
Senhri parmawi ka hawn hma zawng,
Ka chun leh zua lo tang fan fan.

Ka chun leh zua tang fan fan,
Tang fan fan...


15 Aug 2013

Aw Vala Vala I rui zel dawn maw?

Aw Vala Vala I rui zel dawn maw?

Phuahtu: Roliana Ralte
Satu: Blue Corn

Aw, Vala, Vala, i rui zel dawn maw?
I chun leh zua, unau dawn lovin;
Daikil kawm tin hrutin chawltui ningzu runah,
Tangka rosum hawktui ang i luantir zel maw?

Lanu tleitir dawntawi, thuiherh hnawih tin nen,
I lengvel maw tlangrel dawn lovin;
Biahthuder dawn lovin, Hlukva nun iang rengin,
Lanu rohlu hawktui ang i luantir zel maw?

Sakhmel sertawk iang, awmfek dulkiarin,
I hersawi maw zahna khawiah nge?
Hraileng leh thainu chan dawnlo rengin,
I hrang thin maw, in runin sum tualah.

I chen zel dawn maw, damchhung tawite hi?
Suihlung chhirin ban a la pel ang;
Lungchhir a sawt lo ang, Eden sual zawng nen,
Chatuan hremhmun i la thleng ngei dawn.

Min tiharh leh rawh Lalpa

Min tiharh leh rawh Lalpa

Satu: Pensy B.Lalthangliani

Aw Lalpa, hei hi kan ngen che,
Kan Zoram hi i kuta hlan chungin;
I hnen ata vakbo in sual kawngah kan peng bo,
Aw, i hmangaih he kan Zoram hi.
Mi ramdang leng pawn min sel zo ta,
Hmangaih a i zawnchhuah Zoram hi min hawisan lul suh.

I khawngaih kut in min chelh tlat la,
Kan zingah lo cheng renga ang che;
Ram leh hnam chu phun tha in,
Kan khawloh na vangin thimin min chim mek si;
I chite kan lo hawikir leh nan, 
I thlarau in min tiharh leh rawh Lalpa.

Kan Zoram hi aw, i hmangaih si,
I hnen ata kan bo hi phal suh la;
Suahsualna lo pungin lo hrang zel mahse,
Kan thatna tur ro min rel sak ang che.
I chungah kan bawhchhiatna min hriattir la,
Chutin i hma a tawngtaiin hei hi kan ngen che.

Min hlen sak ang che kan hmabak kawng hi,
I duhzawng a rawng bawl in;
Kan ram hi chhun eng rawh,
I hnen ata vakbo te hruaikir in.

10 Aug 2013

Piallei hmun rem kan bel

Piallei hmun rem kan bel

Phuahtu: Dozinga (Phulpui)
Satu: Lalsangzuali Sailo

Aw, kan Zoram nuam, suihlung phang lo la,
Thlang kawrvai bawih atan ka phal lo che;
Chung Pathian ruatsa i zalenna tur,
Theihtawpin kan bei zel ang.

Tlaitlain lenkawl khua a lo thim hian,
Riakmaw sirva leng iangin;
Riahna run kan vai, tukloh ram daiah,
Piallei hmun rem kan bel e.


Tukloh ramhnuai siahthing zar hnuai hmunrem,
Kei ka tan lunglai min hnemtu anni;
Silhpuan zial phelh a pialleia zalin,
Muangte'n zanmu kan chhing thin.

Kan ngai bil lo'ng e vangkhaw laitual nuam,
Ram leh hnam hmangaih mihrang valrual te'n,
Thinlai muangtea ka len ve nan e,
Ka thlang thin chhawlbuk run nuam.

Lenna tlang a dang doral lian vangin,
Doral lian tui ang anla nem ngei ang;
Chung Pathian zarah hnehna ni nghakin,
Dam takin aw, mangtha le.

6 Aug 2013

Lung min len ka thlir ning dawn lo

Lung min len ka thlir ning dawn lo

Phuahtu: L.Kamlova
Satu: Kanan Pastor Bial Zaipawl (Champhai)

Lung min len ka thlir ning dawn lo,
Lei lungngaih piah ram saw;
Damlai lungngaih chhumpui zing hi,
Ka pel ang tahna ram.

Lei lungngaih mittui a hul ang,
Ka tahlai ni a ral ang;
Aw, Lalpa hmel hmuh ka nghakhlel,
Aw, ral mai rawh, lei ninawm.

Kalvaria ka hreng ropuia'n,
Vanram kawngkhar a hawng;
Va chuan ta la, aw, ka thlarau,
I ramhlun tur a lang.

Ka tahlai zanthim a ral ang,
Jordan luiralah sawn;
Aw, ka ngaih, ka lawmna ber te,
An lenna ramah khian.

Aw, engtik nge ka thlen ve ang,
Ka chung khua nuamah khian;
Luikawr thim ka daikai hunah,
Tahna ram ka ngai lo'ng.

30 Jul 2013

Aw Zoram

Aw Zoram

Phuahtu: Rev. Killuaia
Satu: Temi Sailo, CR. Laldingliani, Thangzela & R.Lalhmangaiha 

Hnam ding chhuak tur nge boral tur,
Khaw in hal sak tuartirtu nunrawng;
Eitur silhfen pek khaptute,
In tih ang zelin rulh in ni ang.

Aw Zoram, i dawn chiang lo,
I ram hmabak i thlir tawi lua;
Ding chhuak tur nge boral tur zawk,
I thiltihin a hril ang.

Rethei rapbeta zuah lo tu,
Zuam zawng apiang nghaisatute u;
Mi hausa leh Sorkar eng pawh,
A zuah bik lawng Revolution chuan.

Tam leh hausakna chhuangtute,
Chak zawk lalna ram din tum te u;
Dan leh thupek hnuaiah kun ru,
Dan petu chu Pathian a ni si.

Kristian ramah hmangaih a dai,
Patmos thliarkar a au nawn leh ta;
Hmangaihna dai trah chantu aw,
Aw, Zoram, chu aw chu i hria em?

17 Jul 2013

Lungrunpui

Lungrunpui

Phuahtu: John Mawitea & Mapuii Fanai
Satu: Lawmi Khiangte

Lungdumtu ka tawng a, mahse maw,
Ka tan hian hmangaihna hmelma a chang si;
Hrilh ka hai lua engtin nge ni ang,
Ka hmangaihna che hian kian zai rel si lo.

Leng dang tawnah herchungin biahthu min hlan si maw
Ka tan hmangaih hmasa ber i ni si
Leng dang tang bei tur chuan ka phal lo che
I tan damchhung rinawmna ka hlan che asin, Lungrunpui.

Laikhum zalin zanmu chhin a har,
Suangtuah mitthlaa'n i cham reng mai asin;
Sawi tam tlangrel hlawh zawng pawh huamin,
Ka thlang che kumtluang lenpui di tura'n.

Duhlai, hmangaihna chhang let leh la,
Hei lo duhthlan tur ka nei lo;
Tum loh leng tawnah min her tir i tum lo ni zawk si maw?
Nang nen khuanu'n min tuahrem zawk se ka duhthlan hi a lo ni zawk si.

Damlai par

Damlai par

Phuatu: Mapuii Fanai
Satu: Mami Varte, J.H Peka

Lungrun nang nen kan ingaih leng zun,
Puan ang a chul dawn lo, hmangaih vang chein;
Nang lo chu lungkham dang reng ka nei lo,
Ka suihlungruk hnemtu nang ka thlang tawh che.

Kumtluangin lenna tlang hi dang tawh lo se,
Suihlung lam ang her tir lo la, mi tawnah;
Dam lai par chu i hmang chul dun ang,
Bawihte, lungtin rualin biahthu di chu in hrilh dunin;
Tah lai bangin nang ka vuan tawh nang che.

Kei ka lawmna awmhar di i ni e,
Nang ang lung min dumtu ka tawng si lo;
Sakhmelmawi, ka di bang tawh lo'ng che,
Tanglaiah duhte'n pawm ni her ta maw.

Bawihte, nang pawn i hmangaihna par chuai lo tur,
Min hlan ve la, lunglawm a kim ang;
Dam chhung sam ang inthen tawh lo turin,
I hmangaihna ngei chu min hlan ve rawh aw.


Mangtha

Mangtha

Satu: Mami Varte

Suihlung ruka ka dawn chang hian,
Chantawk khuarel na ka ti mang e;
Kumtluang atan ka tiam pui khan,
Par dang tawnah lung min her san si.

Kir zai rel tawh mawlh si lo,
Fam loa dairial min chan santu;
Dawn hian thinlai a na mang e,
Dawnkir thin maw nunhlui zawng zawng te kha?

Hlim leh lawmin hmangaih parzu,
Kan tlan dun lai hun zawng te kha aw;
Nghilh thei hian ka mawi lo, lungrun,
Leng dang belin her tawh mah la.

Khuanu hualin damte'n leng la,
Min nghilh bik suh ang che, aw bawihte;
I damchhung hrui angin sei se,
Hlim te'n leng la, zantin atan mangtha.


Ka phallo che

Ka phallo che

Phuahtu: C. Lalngaihzuali (Ngaihtei)
Satu: Ruatsangi

Tlaikhua a lo ngui hian,
Mahten ka thlir thangvan zawl khi;
Siar zawng te kawp ten an leng,
Kei zawng chhawrthlapui iang ka riang lua e.

Thinlai ah i chamreng thin asin,
Min dawn ve hian i mawi silo maw?
Leng dang tawn a vul tur chuan, 
Ka phallo che a sin.

I zunleng ngai hian e,
Zanmu chhin reng a har thin e;
Luahloh tur di engan kher nge,
A riang thinlai tina an i lo pian le?

Lohluah tur mah nila,
Ka nghilh lawng che khuarei ah pawh;
Ariang chan tawk i hlimthla hi,
Mahten ka tahpui nang e, kei ariang ve hian.

Lenrual an kim ta lo

Lenrual an kim ta lo

Phuahtu: Zirsangzela Hnamte
Satu: Zira Hnamte, TBC Zaithanpuia

Lam ang ka lo let leh ta e Vala,
Min lo hmuak dawn lawm ni chhuahtlang a'n?
In sakhmel vaiin ka hawi ruai e,
Khawnge maw in awm lenrualte u?

Dawn a sei lenrual an kim ta lo,
Ngai ve maw lungruala lenlaini?
Mittui nen ka fang in run chul hnu,
Tleidang leng ten zai lo sa e.

Aw khawnge in awm ka lenrualte?
Mahriak te'n engah min lo siam le;
Chham ang in zalna laikhum tal hi,
In hlan lo em ni ka tan biahthu?

Chungmu ianga thlawkin hrut vel i,
Vangkhawpui kan suli hnu zawng te;
Mahse lunglen mittui bual chung hian,
Thangvansang kai zawh ka zuam si lo.

Bang ziak ina

Bang ziak ina

Phuahtu: Zirsangzela Hnamte
Satu: Zosangliani

Hun kha leh chen sial ang ka zui,
Chhunni leh zanrei hnem tu;
Kumtluang rinawm min tiamtu kha,
Khawia'n nge maw i awm tak?

Hawn hil in, hawn gel in,
Bang ziak ina, ziak ina;
Min hrilh ve la,
Engvang nge maw suilung i her tak le?

Leng zawng zingah nang chauh ti a,
Muang te'n ka lo len laiin;
Samang then nan biahthu min hlan,
Tuar thiam hian min ring suh aw.

Lungmawl tuara'n a na lua e,
Ti mai a then chu, lungrun;
Hun her zel hian min hnem ve se,
Zun ngai khua ka tlai hma hian.

14 Jul 2013

Chanchin lawmawm hnamtin tana damna

Chanchin lawmawm hnamtin tana damna

Satu: Besy Choir (2009-2010)

Hringfa te min tlan turin Lal Isua  a lo kal a,
Mitin tana chanchin lawmawm angel ten an rawn puang a;
Nausen thianghlim puana tuam ranchaw pekna thleng a mu,
Khawvel tana damna tur chu hnamtin chitin tan a ni.

Aw, chanchin lawmawm hnamtin tan a damna chu,
Aw, i hril ang u tlanna hre lo an tam e;
Thimhnuaia thuten enna ropui an neih nan,
Aw, tlanna hre lo te hnenah chanchintha i hril ang u.

Krista hmangaihna chuanin min zawngchhuak Zofate hi,
A hmangaihna par chu tlanin hlim leh muangin kan awm a;
Mahse tlanna hre loin sang tamtak an boral e,
Thlaraubo te chu hruai turin kan Lal Isuan min ko e.

Chanchintha hril mah ila chhuan tur reng ka nei lo e,
He chanvo ropui min pek hi khawngaihna vang zawk a ni;
A hmangaih thu hril loin muangin kan awm zel ang maw?
Thlarau pakhat mah hruai loin Lal i tawk ngam dawn em ni?

Aw, rorelna niropui tlanna ni a hnai ta e,
Lalpa hmangaihte harh ang u, muang thei kan ni tawh lo e;
Sualna thimhnuaia thuten "Min chhan r'u" tiin min au,
An manganna authawm chuanin chhanchhuak turin min ko e.

zaipawl hla sak mi
Thilmak ropui tak

Thilmak ropui tak

Satu: Besy Choir (2009-2010)

Nula thianghlim chuan a hring a,
Hmun hreawm nuamlo tak ah;
Lalpa ropuina lanchhuah nan,
Bawng in tlawm ah an zalh a;
Khawngaihna inpuang chhuak a ni,
Mak ti ru he thilmak hi;
Nula thianghlim chuan a pawm a,
Thilmak ropui taka chu.

Halleluiah, Halleluiah, Halleluiah
Thilmak ropui taka chu;
Halleluiah, Halleluiah, Halleluiah,
Thilmak ropui taka chu.

Tuichungah te rawn inlar in,
Tui uain a chantirin;
Phar ti dam in malsawm zelin,
Mitin reng a hmangaih a;
Pa Pathian finna chu fak ru,
Kan hnena inpuang a chu;
Inpuang zelin min hnaih tir a,
Thilmak ropui taka chu.

Kan sual vangin hliam a tuar a,
Vuak leh hmusit in a awm;
Thihna hnehin min chhandam ta,
A dikna kan tan a ni;
Fak ru, fak ru,
A khawngaihna ropui tak kan chan vangin;
Thinlung hawngin lo hmuak rawh u,
Thilmak ropui taka chu.


zaipawl hla sak mi

13 Jul 2013

Mi Pa te chhingkhual kal an hawng

Mi Pa te chhingkhual kal an hawng

Satu: Lalsangzuali Sailo, Zoramchhani

Bawihte, i zuapa chhingkhual kal a rei lua e,
Ka ngaithiam lo, ti em em zawng a rei lua e;
Tu vang khawpuia'n nge lungchim te'n tual a len,
Chung Pathian vangkhua em lo ni?

Aw, a na e, tuarhar min hnem zo an awmlo,
I hraileng leh chun lungmawl hrilh a hai lua e;
Mi Pate chhingkhual kal an hawng,
An hraileng te'n par ang an lawm;
Hrilh an hai lua e, kan hrai ve hi.

Aw, i zalna laikhum an rem i awm si lo,
Ar ang an vaih khua sei tur hi i dawn lo'm ni?
Kei zawng chun lungmawl mai ka ni,
Ka dawn ngam lo, kan vaih khua reng a sei tur hi.

I tel lo chuan chhunni reng hi a sei lua e,
Tlai nitlain a liampui lo, a leng zual thin;
Zanmu chhing lo te'n ka dawn thin kan hlim lai ni,
Tah ruai ruai chauh ka hmachhuan e.

Zingtian bawhar thang lul suh la ka hrai riang te,
Zua ngai tap in "Ka Pa hnenah" tiin a au;
Thinlai rukah min kam lian si ka tuar zo lo,
Tah ruai ruai chauh ka hmachhuan e.



Audio: Mi Pate Chhingkhual Kal An Haw - Lalsangzuali [Fam Ngaih Hla Thlan Khawm]
Aw Zoram lungphang suh aw

Aw Zoram lungphang suh aw

Satu: Lalrindiki Khiangte (Daduhi)

Zoram dung leh vang hrutin,
Perhkhuang tingtang buan ang pawm a;
Hun kha leh chen suihlung phang lo rengin,
Lenlai chenin, hlim zai vawr a;
Zoram kalsiam dawn zai rel lo te'n maw,
Aw Zoram, min ngaihdam rawh.

Tunah zawng hai ang thangin,
Perhkhuang zai tin thiam buan ang pawm a;
Kan ram, kan hnam damna insuhihkhawm hi,
Venghim tura pheikhai vawrin;
Eiruk, hlemhletna thuam ang do zel nang e,
Aw Zoram, lungphang suh aw.

Hmatiang sawn zel Zofa leng te,
I zam lo'ng aw, ringtu zawng zawng te;
Harhin tho r'u, hmelma doral a lian e,
Siamtu Pathian rawn chung zelin;
Riangvai, chanhai, rethei chawikang turin aw,
Hal lo te'n insuihkhawm ang.


11 Jul 2013

Tuahrem loh di

Tuahrem loh di

Satu: Lalrindiki Khiangte (Daduhi)

I tawnah hmangaih biahthu tinkim ka hlan zawng kha,
Sirah i lo hnawl ta maw?
Laitual len ka zuam lo, i zun ngaih lunglen chu bawihte.

Aw,..aw..a na ngei!
Sam ang min then mai hi
Aw,..aw..a pawi ngei!
Tuahrem loh tur di mai maw ka tawn che?


Enga'n hmanah biahthu ruk pawn min lo hrilh loh?
I dawn lungruk ngei chu kimte'n;
Thinlai na pawh hi a dam ngei ang min hrilh ve la.

Lenrual zawng te kawplai di nen an leng,
Kei chu e, ka vai ruai e mahte'n.

Awle, mangtha mai le, kumtluang atan, bawihte,
A rem ve si lo maw lendun;
Lungdam tein lengdang tawnah khiang chu awi ang che.

Min dem lo la

Min dem lo la

Satu: Lalrindiki Khiangte (Daduhi)

Nang anga thinlai luah zo tawng leh hian ka mawi lo,
Engtin nge ni dawn, lungrun, kan kar biahthu?
Runhmunah kan len ve nan chun leh zua an hrang si,
Sam ang then che hi ka zuam si lo.

Min dem lo la, ka dawn lungruk chu e,
Chun leh zua te chu doral iang hrang mahse;
Runhmun lendun zai i rel vang in,
Inghak zel ang aw rinawmin khuarei pawh nise, Lungrun.

Han dawnin thinlai a phang phuloh di nang chhai chu,
Chun leh zua suihlung ka dum zo ve si lo;
Cho loh leng an tam sia thinlairuka'n lungrun,
Suihlung min her san ka hlau si thin.

Lungchim te'n han dawn ve la, lungrun, i hmangaihna,
Derna anka zawng min hlan bik lo'ng che aw;
Leng zawng te'n min lo selin minlo dem thin mahse,
I tum lo'ng aw sam ang inthen.

Kar a hla di bawihte

Kar a hla di bawihte

Phuahtu: C. Lalrinmawia
Satu: C. Lalrinmawia, Mathlenga, Sumeon

A saw raltiang Leitlangpui tual nuamah sawn e,
Tleitir dawnthar tuaite a leng an ti;
Theih chang se thuva nunnem leng thiam tirin,
Thaikawi bawngte palai va hlan ang hmiang.

Za lamlian tluang phei, aw, a thui vawng vawng,
Thaikawi biahthu hlan nan chuan in e;
Khuarei turnipui lenkawl a liampui leh thin,
Kar a hla di bawihte, aw, ka lung a leng vawng vawng.

Zantiang daifim chhawrthla engno riai hnuaiah hian,
Ka han thlir, aw, ka lung a leng vawng vawng;
Aw, damten zanmu lo va chhing ta la,
Tawnmang lamah tal intawng ang aw.

Zobawm siahthing par an lo vul siu siau e,
Kei ka dawnthar tuaite bahsam thlah mawi;
An iangzo ne' maw ka tawnah hian e,
Thuva siahthing zar lawi lo iang e.

10 Jul 2013

Bawihte lo lungphang suh

Bawihte lo lungphang suh

Satu: H. Lalthakima

Tuantual vangin maw in runan,
Kai zai ka rel thei lo;
Mahse, rinawm ten lo awm la,
Lo lungphang reng reng suh.

Rinawm te hian mi lo nghak la,
Chutin kei pawn i tan tiin;
Ka hmangaihna ka hlan tawh che,
Bawihte, lo lungphang suh.

I tan chauhva nung tawh turin,
Ka lo intiam tawh si;
Lo vawng reng la ka hmangaihna,
I thinlung thianghliman.

Hmelma dawtthu i hriat chang pawn,
Bawihte, lo lungphang suh;
Ka hmangaihna ka hlan che hi,
Lengdang tan zawng ka phal lo.



Mangtha mai le

Mangtha mai le

Satu: H. Lalthakima

An sawi zantiang chhawrthla eng hnuaian,
Ka rawn fang leh in run sang;
Hmanah duh tin sama kan zalna,
A chang zo ta nau ang ka tahna.

Aw, eng'an Khua tuahloh di ka lo tawn che?
A rem tawh silo buan ang pawm leh;
Ngai chung zelin mangtha mai le.

Thang vanzawl chhawrthla kai chang hian e,
Biahthu kan tiamna sumtual leh;
Tlaikhua vara suihlung kan rualna,
Mahten ka fang liai liai sulhmun hlui.

Tleidang tawnah thlangkhuan chu dim la,
Bel nang che i lungdum vala;
Chutin leng la kumtluang nuthaian,
Ka theih tawk lawmpui nan chhingmittui.



An phal lo

An phal lo

Satu: H. Lalthakima

In run chhungah chunnu a ang buan buan,
Ka sakhming sawichhiain a hau thin che;
Chhantu neilo tea i thinlai phang tur chu,
Ka dawnin di bawihte, ka khawngaih che.

I chun leh zua te an hrang si a,
I chinlai u leh nau zawngte nen;
Nang nena nau ang kan nuih dun hi an phal lo,
Sam ang min then tir an tum reng mai.

Theihtawpin lo tuar hram hram ang che,
I thinlai siahthing ang nghing lo se;
A thlawna i tuar hi ka phal thei dawn hleinem,
Ka thai chang tur atan ka duh che.

A pawi ber chu hei hi a ni e,
Duhluat vang che hian e, ka di bawihte;
Awmdan tawk ka lo thiam zo thin lo a ni e,
Min ngaidam la, awmdan min hrilh rawh.



Kar a hla

Kar a hla

Phuahtu: Lalhmingthanga
Thluk siamtu: Lalsangzuali Sailo
Satu: Zosangliani, B. Malsawmtluangi (SP-i)

Thal khaw romei tlangtin bawmtu,
Zolentu lelthang zai leh;
Tuangtuah partlan sirva lengrual,
Chung muvanlai di tawng lo nen;
Min ban di zun ka tang laiah.

Aw, kar a hla, duhlai mi u, 
Min dang tu lamtluang a sei lua e;
Lunglen biahthu thaikawi bawngte,
Thleng zo ang maw, ka di runah.

Thuva indi lamtluang mawitu,
Phengphe leng leh vahkhuai partlan;
Siahthing zar bel zaitin remthiam,
Uleuh, dawlrem, thlang kawrnu nen;
Di ngaih lunglen zai kan lo sa.

Tlaitla lenkawla  sen ruai e,
Riakmaw run dil nau ang tap a;
Zantiang chhawrthla a lo kai hian,
Ka rau i thla tlang tin pelin;
A lawi mi u, i run ngeiah.

Zankhua tlaiah runsang kaiin,
Laikhum thlehnem mahte'n ka bel;
Thangril zan mu ka chhing ne'maw,
Awmhar zantiang zaitin ka chhiar;
Awi, a leng e, a leng vawng vawng.


I dam thin maw, ka thianpa?

I dam thin maw, ka thianpa?

Satu: H.L. Biakmawia (BM-a)

Rualduh tawn ni a lo herin,
Tlang tin mual tin a leng hnu;
Suihlung ruala len leh nan,
Khuanu'n a lo duan teh mial le.

I dam thin maw, ka thianpa?..(pa..pa..pa)
Hlim zai vawrin lam ila.. (sala..la..la)
I dam thin maw, ka thianpa?..(pa..pa..pa)

Hlim te'n lenlai chen dun ila,
Rual dang, lengdang pawm zelin;
Kan damchhung ni tawi te hi,
Am te'n i hmang dun zel ang aw.


Engan ka lo tawn che?

Engan ka lo tawn che?

Satu: Siamthangi Hauhnar

Aw, enga'n nge ka lo tawn che?
Suihlung ka chhir ngei mai i tawnah;
Lem ang min der mai hi ka tuar thiam lo,
Aw, enga'n nge ka lo tawn che?

I sul i hnu zawng zawng te kha,
Thamrala'n kei zawng ka phal lo;
Enga'n nge hetiang leh tur hian maw,
Biahthu di mi lo hlan le?

Then nan biahthu mi hlan lai khan,
I dawn chiang lo em ni, Valmawi?
Enga'n nge hetiang leh tur hian maw,
Biahthu mi lo hlan le?


La-i zun

La-i zun

Satu: Lalhungchhungi Pachuau, C.Vansanga, Mimi Renthlei

Ami iang in hril thiamlo mah i,
Hril nang e La-i zun leng ngaih hi;
Kawlvalenchham karah leng mah la,
A chamreng thinlai ah i rauthla.

Mualzapui i liam ni khan e lungrun, 
Vangkhua zawng a ngui ruai a sin;
Zatlang rel thang pawh dawn lo hian,
I ngai in lunglen zai ka lo sa.

Lamtluang a thui kar a hla lua e,
Biahthu di hlan chhung ni a rei sin;
Tiang hi maw lo ni zunngaih lunglen,
I ngai hian zanmu reng ka chhing lo.

I sakhmel sensiar vullaini leh,
Leng zawng chhing a nem chuang i anka;
Nghilhni a awm dawn lo ka tan hian,
Lairilah ai angin i cham reng e.

Khuanu zarah tawnni her thuai se,
Chutin nangnen hlimten lengturin;
Hril nang e tawn loh kar lunglen thu,
Duhthuleng sam zawng a kim ngei ang.

Ka pianna Zawlkhawpui

Ka pianna Zawlkhawpui

Phuahtu: Rokunga
Satu: H. Lalchawimawii

Ka pianna Zawlkhawpui,
Hawihte'n i mawi mang e;
Chul hian i mawi lo,
I tlang lal chhipah siktui tling khawmin;
Tiah tanga'n zaithiam rimawi a fawn vel,
I sira'n tlang lian hmar tlangah Laipuitlang;
Chhimhlei Tlangnuam tlang te'n an hual che.

Dar ang lenna khawpui,
Tlangkimah mawi mah la;
I nun a mawilo,
I chhungah sualna doral ang a lian;
Dikna a fam ta, felna a tlawm ta, nun suar ang a chim,
Tham leh bawlhhlawhna te'n tual an leng;
Awi maw! a pawi emai!

Tual kan lenna khawpui,
Tlawma'n ka phal lo che;
Tho leh ta che maw!
Chhinlung chhuakah chuan Vanlal nau i ni;
Chham ang i zalna sual khurpui laichhuat,
Aw! a pawi emai!
Felna silhpuan sinin tho leh la, hlimte'n leng zawk ang.


Chunnu lungmawl ka di Parte

Chunnu lungmawl ka di Parte

Satu: H. Lalchawimawii, F. Lalthangmawii

Chunnu lungmawl, ka di parte ka then dawn nang vangin,
Khuarei suihlunglen i dawn lawm ni?
I hrai chawi chhawl ang hian ka uai reng e.

Inthen ang zankhua a rei ta e,
Tlaimah var ila kan inning chuang lo'ng e;
Suihlung a leng sei thlawn e.

Chung muvanlai a lo leng duai duai,
A lungdi au inA her zel a, a her sang zel a;
A lungdi a au dawn e thangvan ah.

Chun leh zua hal vanga Parte kan inthen mai tur hi,
Senlai nau ang tlei a har emai;
I ngai hian chhawl ang ka uai nileng e.




Bawihte kan nun hmanlai an chang tur hi

Bawihte kan nun hmanlai an chang tur hi

Satu: Siampuii Sailo, F. Lalthangmawii

Engahnge Parte zailem a riang hi lem ang min der,
Hmana kan nunhlui ka dawnsei ngam lo;
Suihlung mi tawnah i her mai tur hi.

Bawihte kan nun hmanlai an chang tur hi,
Ka tap chhawlthing hnuai thalfavang ni ah;
Dawn lungruk ah nghilhni i awm dawn lo.

Min dawnpui ve la rai ka rah lalngo ka phu lo che,
Kan run nuthai ah chan ka ring silo;
Ngai chung a lunglen ka bang mai tur hi.

Lelte a kiu e mikhaw chhuahtlang ah lunglam ka vai,
Tuanzai ka rello kei ka suihlunglen ka tap e;
Tlang rawn thing te chhawl hnuai ah.

Fur leh thal then nan thalfavang kawl eng kei ka tahna,
Lungrual te a siahthing tang kan lawrna;
Zarva lungrual ten duhleng an awi e.

Lelte di ngai a thingtin leh mual ah di a au e,
Kian zai a rello kei ka suihlunglen;
Aitenawn par zun leng ka ngai vawng vawng.


Chunnu bang tawh rawh

Chunnu bang tawh rawh

Satu: K. Lalchamliana

Ka zuapa a famta he lei khawhar ah,
Ka chunnu leh unau te hrilh a hai ngei;
Hnem ka thiam bik silo lung ka vai ruai e,
Luaithli an nul aw tlai nitin in.

Tap suh u ka u leh nau te u,
Bang tawh rawh ka chunnu bang tawh rawh;
Zuapa zawng a leng ta fam khawpui tual nuam ah,
Luaithli nul ban zai rel tawh rawh u.

Chunnu leh unau te luaithli nul meuh chu,
Zuapa tello chuan hnemzai ka rel thiam lo;
Hnemtu tur pawh awmchuang silo hian in maw,
Zua ngaiin luaithli kan nul leh thin.


Tap chungin kraws kawng ka zawh zel ang

Tap chungin kraws kawng ka zawh zel ang

Phuahtu: P.C Lalhmachhuana
Satu: Davida te unau, H. Lalremruati (Maruati)

Ka khualzin kawng ka vahvaihna,
Ka Pa Lalram a ni silo;
Amah ngei vahvaihna a nih vangin,
Tap chungin kraws kawng ka zawh zel ang.

Tahna ruam ka zawh hi ka Pa in panna lamlian a ni,
Mittui nen ka zin kawng zawh mah ila;
Ka pelh hunin ka chhandamtu hmel duhawm hliam hnu kha,
Hmu in hlim in hlamawi ka rem tawh ang;
Tap chungin Kraws kawng ka zawh zel ang.

Tuarna pumpelh kawng zawh tuten,
Kraws nunna hnar an hloh si thin;
Ka zinkawng a hrang ngei e, kham leh suar,
A hming pawh 'luruh hmun' a ni si.

Ka tan kawng dang a awm lo'm ni?
Ka tan Zion panna lamlian;
Mahse, ka Lal hnen min thlen dawn vangin,
Tap chungin kraws kawng ka zawh zel ang.

Ka Pa hnen ka thlen hunah chuan,
Ka khualzin kawng ka hrilh ang a;
Ka mittui min hrukfai sak tawh ang a,
Ka Pa, i hnen lo haw ka nghakhlel.

Tap chungin Kraws kawng ka zawh zel ang,
Tahna ruam ka zawh hi, ka Pa in panna lamlian a ni;
Mittui nen ka zin kawng zawh mah ila,
Ka pelh hunin ka chhandamtu hmel duhawm hliam hnu kha;
Hmu in hlim in hlamawi ka rem tawh ang,
Ka Pa i hnen lo haw ka nghakhlel;
Tap chungin Kraws kawng ka zawh zel ang.



Kristian chhungkaw hla

Kristian chhungkaw hla

Satu: Davida te unau

Aw Lalpa, chhungkua min siamsak avangin,
Nangmah hnenah lawmthu kan rawn sawi e;
Chhungkaw tin hnenah malsawmna tinreng,
Min vur te hi aw a man chhiar sen rual a ni lo.

Lalpa lak a kan rochan fanau te,
An taksa leh thlarau nunkawng hruaidik turin;
Kohhran nute hian mawhphurna kan nei.

Aw Lalpa, i malsawmna fanau te hi,
I chatuan ram chu hruai thleng ngei turin;
I chakna, finna, thiamna, leh nunnemna te nen in,
I thlarauin min hruai zel ang che.

He khawvel a ral hunah,
Lalpa nangnen inhmatawn a kan in hmuh hunah chuan,
Khawnge malsawmna fanau ka laka i rochan te?
Ti a min zawh hun a awm ngei dawn.

Chumi hunah chuan, Lalpa,
Enteh, kei leh kan Chhungkim,I hmaah kan lo kal e;
Kan tana i thisen chhuak vangin lawmthu kan sawi e,
Tiin kan chhang thei ngei dawn lawm ni?

Kristian Chhungkaw Hla - Davida te Unau [Thenna Ram]
Thenna ram

Thenna ram

Phuahtu: Malsawmdawngzuali
Satu: Davida te unau

Thenna ram khawvel ka pelh hun chuan,
Lungduh zawng zawng nen kan intawk ang;
Mu angin thlawkin luiralah chuan,
Ram eng mawi angelte lennaah.

Aw, chu ram ka thlen hun chuan hlimin,
Lei lungngaihna te ka kalsan ang;
Hlimna chhimbal ang a zamna ramah,
Lungduh te nen muangte'n kan leng tawh ang.

He lei thim atang hian chu ram chu,
Ka thlir thin, aw, engtik nge ka thlen ang;
Lungngaih tah inthen lohna ramah,
Ka nghah chhung hi rei ka ti thin.

Aw Lalpa, i ram ngaiin ka tap thin,
Lungduh zawng zawng te kan kimna tur;
Rangkachak kawtthlerah ka Lalpa'n,
Nghakhlel takin min ko, ka kal dawn.

Thenna Ram - Davida te Unau [Thenna Ram]
Siamtu kutchhuak

Siamtu kutchhuak

Phuahtu: Hmingthansanga (Mate-a)
Satu: Davida te unau, Seraphic Choir

I thlir ang u, Lalpa thilsiam te hi,
Sawisen rual anni lo;
Vandumpawl karah te khian siar rual te,
Lungrual te'n tual an leng.

Aw, a va mawi tak em,
Lalpa thilsiam ropui tak te hi;
An mawi zia hi sawisen anni lo,
Aw, kei zawng ka thlir bang thei lo ve.

Partin leh thingtin te pawh an vul e,
Siamtu ti mawi turin;
Sirva, vahkhuai, phengphe leng te'n an bel e,
Hringmi tan lunglawm nan.

Fur khaw thiang lenkawl a sen ruai mai aw,
Thlir nin har kei ka tan;
Thalah pawh romei zam,
Heng zawng zawng hi siamtu kutchhuak anni.



Ka dai zel dawn

Ka dai zel dawn

Phuahtu: Roma
Satu: Debbie Lalnunhlui

Ka hringnun hi ka theihna zawng leh,
Khawvel mawina ten min hip thin mahse;
Buai manganna ten min eiral tum mahse,
Ka tan chuan chawtui ber an lo ni zawk ang.

Engpawh tawk ila ka lawm zel ang,
Ka chhandamna kulhpui a nghing ngai love;
Sual ral in a hneh lawng ka Lal remruat hi,
Ka hma ah ngei hian khawdur thleng mahse;
A phenah malsawmna a awm tih min hrilh kha,
Manna thuhruk chang ngei turin;
Ka dai zel dawn e harsatna zawng te.

Sualral lian te an lo pung zel a,
Min lakbo sak rawh tiin ka ngen fo;
Luang sawp paih lovin lakhu pawh a mit lo,
Ka chhiatna tur reng a ngaihtuah ngai love.

Khawvel zawng leh keimah nun ngei hi,
Kalsan rawh tiin min lo ko reng si;
He lei danah chuan hreawm ve thin mahse,
Ka chungah i lawm chuan ka tan a tawk e.

Ka ropuina Lalpa

Ka ropuina Lalpa

Phuahtu: Roma
Satu: Debbie Lalnunhlui

Ka zinkawng ah lungngaihna tawkin,
Zan thim te lo lang thin mahse;
Ka nun hruaitu Krista angai reng,
Mei leh chhumdingin ka kawng min en thin.

Ka tan ni leh thla eng lo mahse,
Lalpa ka kumkhaw entu a ni;
Hmusit, elrelna lo thleng mahse,
Lalpa ka ropuina a ni.

Ka hringnun hian ropuina zawng leh,
Chawimawina chan dawn mah ila;
Hmuhtheih ram tha ka thlang ngai lo vang,
Engkim a engkim Isua ka nei si.

Khawvelah hian thimna lo thlengin,
Beidawnna chhumpui lo lang se;
Hlimna hian min hnuchhawn mahsela,
Ka enna Krista ka tan a tawk e.



Fak zel che ka nuam

Fak zel che ka nuam

Satu: Pensy B. Lalthangliani

Lal Isu i hming ka fak zel ang,
Ka Lal i ni si a;
Khawi hmunah pawh awm mah ila,
Nang ka kiangah i awm si;
Ka zam lovang khawi hmunah pawh,
Sualna hlauhawm karah pawh.

I ta ka ni e,aw, Isu,
Ka Lal i ni e,aw, Isu;
Khawi hmunah pawh,
Fak zel che ka nuam.

Fak lo thei lo che ka lo ni lo,
Ka tan i thatna zawng hi;
Thlemna hlauhawm pawn min bei mahse,
Ka inhumhimna i ni;
Hnehna nun ka lo neih theih na hi,
Nang ka rinchhan i nih vangin.

Lalpa tunah ka awm angin,
I hming thianghlim ka fak zel ang;
Khawvel mawina aiin,
Ka thlang zawk che aw, Isu;
Ka vahbosan tawh lawng.


I'm sorry

I'm sorry

Artist/Band: DrLUKE (Aizawl, Mizoram)

You came as a stranger,
You knocked on my door;
You asked me to stay here for the night.

There's no place for strangers,
I didn't know who You were;
So i let you down to stay out in the cold.
I'm SORRY..I'm SORRY,
Forgive me;
I didn't know who You were,
I'm SORRY..I'm SORRY;
Now, I kneel down before You and I pray.

It's so cold and lonely,
You laid down so innocent;
The night with snow falling from the sky.

I'm SORRY..I'm SORRY,
Forgive me;
I didn't know who You were,
I'm SORRY..I'm SORRY;
Now, I kneel down before You and I pray.

I'm SORRY..I'm SORRY,
Forgive me;
I didn't know who You were,
I'm SORRY..I'm SORRY;
Now, I kneel down before You and I pray.

I'm SORRY..I'm SORRY,
Now, I kneel down before You and I pray.

I'm SORRY..I'm SORRY,
Forgive me;
I didn't know who You were,
I'm SORRY..I'm SORRY;
Now, I kneel down before You and I pray.


Fans may like DrLUKE Band on facebook https://www.facebook.com/pages/DrLUKE/128911543788094
Ka vui lo'ng e

Ka vui lo'ng e

Satu: DrLuke

Krista ka lungpui, ka thlamuanna,
Ka chakna leh ka ropuina;
Ka retheihna min nghilh zo tir tu,
Ka chhandamtu ka hmangaih che.

Malsawmna ka dil thin te leh,
Rosum leh pai nawmchenna;
I ropuinan chan mah ila,
Ka vui lo'ng e, ka lawm zel ang.

I chanchintha ropui tak hi,
Miten nuihsan thin mahse;
Ka neih chhun rohlu Isua,
Ka chhandamtu ka chhuang ber che.


Kan thinlung kan hlan che

Kan thinlung kan hlan che

Phuahtu: C. Lalzarmawia
Satu: Feli Thangluah

He khawvel zawng leh a ropuina te,
Vana arsi zawng zawng te leh;
Mita hmuh theih leh hmuh phak loh te nen,
A kut chhuak an lo ni vek si.
Tui thuk tak chhungah te,
Lei hnuai ril berah a ropuina a in phum si!
Engvang hian nge maw, aw, hringmi hmangaih a,
Kan tan a nun a rawn hlan le?

Aw, i hmaah kan lo kun e,
Kan rawn hlan a che;
Kan thiamna zawng zawng te hi,
Aw, i hnenah, i hnenah chauh;
Kan thinlung hi kan rawn hlan a che,
Kan thinlung hi kan rawn hlan a che.

Hringmi'n ropuina a tih zawng te leh,
A ngaihhlut thil tinrengte hi;
Thil hlu a tih leh a ngaihsan thil te,
Mawina leh sanna zawng zawng te;
Kan Pathian hmangaihna chhanletna turin,
Thil hlu tawk reng a awm love;
Kan thiam, kan theihna leh kan nunna zawng pawh,
Hlan zo ila a hen si lo.


Rangkachak hmun ropui

Rangkachak hmun ropui

Phuahtu: Lalhmingmawii Rawihte
Satu: Vanlalzapi, K. Vanlallawmi, H Zosangliani, Ramthar Veng Pastor Bial Zaipawl (2022 - 2024)

Khawvelah hian Lalpa ngaiin kan au che,
Manganna ten min hual vel he lei hreawmah;
Kan hmelma Setan ral hneh theih loh chuan,
Thihna thim hnuaiah milian leh mite min tlawh.

Aw, chu rangkachak hmun ropui takah chuan,
Lalnunnema chuan kan mittui a hru hul ang a;
Isua chhinchhiahna neitu te zawng chu,
Aw, chatuanin Beram no fakin kan zai tawh ang.

Hmangaih khawpui thleng turin, 
Lalpa Isu, keimahniin theihna leh finna kan nei si lo;
Van hmun nuama lengte ngaiin kan la rum,
Ropuina nen i en hun tur kan thlir nitin.

Lalpa, hmun min buatsaih chu rinin kan thlir thin,
I chatuan ram thleng zo lo sangtam an awm si;
Lalpa, min pui la i ram mawi panin,
Lungduh kal hmasa te nen kan kim theih nan.

9 Jul 2013

Di hlui

Di hlui

Satu: Blue Corn

Di hlui sam ang then tawh hnu kha,
Nghilh zai rel a ka len laiin;
Tawnmangah dar ang ka tawng che,
Suihlung rualin hlimten kan leng dun.

Hai ang thangin i awm silo,
Ka ngai emai che, aw lungrun;
I hlimthla leng tahna tamtu mai,
Lam ang let an ka ring silo che.

Aw, tawnmang mawl, lunglen zual tu,
Thinlai a zing riai e, nang ngaih vang hian;
Thinlai tina zual tur an maw,
Tawnmang mawlah dar ang ka lo tawn che.
(Engan bawihte, dar ang ka lo tawn che?)

Aw, tawnmang, min dawnpui si lo,
Lungdi ngaia ka vai tur hi;
Engan thinlai ti thar tur an maw,
Luah zawh loh lungdi mi tawn tir le.

Aw, tawnmang mawl, min dawnpui silo,
Lungdi ngaiin luaithli ka nul;
Ban zai ka rel silo.

Lunglawm a kim

Lunglawm a kim

Satu: Blue Corn

Suihlung her lo ten aw lengdun ang aw,
Suihlung rual pui tura tlaini lenpui tur a;
Nang ka tawng che hi lunglawm a kim,
Suihlung her lo ten aw lengdun ang aw.

Nang ka tawn hma che khan,
Mahten tlaini ka leng, ka riang chuang e;
Chhawrthlapui eng hnuai an,
Duhthuleng ka sam thin nang tawn nan.

Suihlung rual pui tura tlaini lenpui tur a,
Nang ka tawng che hi lunglawm a kim;
Suihlung her lo ten aw lengdun ang aw.

Biahthu di kan hlan zawng,
Chuailo ten lo parvul zual se;
Nang ang reng thinlai hnemzo reng an awmlo,
Ka ngai thin che.

Lenna tlang lo dang in,
Hmelma anka leng vel thin mahse;
Thenzai rel lo'ng aw,
Runhmun len dun pui an ka thlang ber che.

Hrilh ka hai ngei e (Blue corn)

Hrilh ka hai ngei e (Blue corn)

Satu: Blue Corn

Zankhua a lo tlai in ka thlir reng thin che,
Mahse sakhmel tawnni reng i awm silo;
Thennan biahthu hlan silo maw,
Sam ang min then mai hi ka tuar thiam lo.

I dawn lungruk kimten min hlan la,
Engan suihlung i her le?
Thennan biahthu hlan silo maw kian zai i rel, 
Hrilh ka hai ngei e, Hrilh ka hai ngei.

I dawn ve silo maw a riang ka chan hi,
Tawrh thiam a har engan suihlung i her le?
I lung ka dum zo lo nge?
Dawtthu leng vang em ni, suihlung i her le?



A dam ngei ang

A dam ngei ang

Satu: Albatross

Dam takin aw, tawn leh hma zawng,
Theih chang se I tawnah;
Hmangaih biahthu kimte'n han hril ta ila,
Engtin lo ngai ve maw ka di ve hian?

Tawn leh ni her se kan tawnah,
Thinlai zo chhum ang zing riai hi, a kiang mahna,
Thinlai na zawng a dam ngei ang.

Dam takin aw tih mai lo zawng,
A awm nem maw ka ring lungrun;
Mahse vawikhat tal duhthu leng ka sam leh dawn,
Tu dang ngai lo ten len dun ka nghakhlel.


Dolma

Dolma

Phuahtu: OP-a (Tribal Power)
Satu: OP-a (Tribal Power), Chama

Kawlvalenchham ram maw i tuanna?
Aw, tuan ve theih zawng ka nuam ngei e;
Chutin i sakhmel mawi leh anka nem tawn ka nuam ngei e,
Hriatngai loh ramnuam a tleitir zawng nimahla, aw lungrun,
Suihlung zawng i len ngei e, engtin hian lo ngai che maw?
Suihlung ti leng thlawn mai tur a'n zawng, aw, ka phallo che;
Dar ang tawn ve ni te zawng, aw, a her mahna.

Dolma, i sakhmel anka nem tawng lo mah ila,
Dolma, i sakhming sawireng kan bang thei silo;
Dolma, i sakhmel anka nem tawng lo mah ila,
Dolma, i sakhming sawireng kan bang thei silo, aw Dolma!

Hriat ngailoh chhingkhual ram hla a tleitir,
Mittla a'n, aw, i cham reng mai;
Kan vangkhua a'n lo lawiin lendun zawng ka nuam ngei e,
Chutin kan vangkhua lo mawiin Zothlifim han dawng ve in;
Mahse, ka ring thei mawlh lo tuanna tlang a sei emai,
Ka demlo che, aw, mengmawii tawn i rem loh pawn;
Mahse, nang ka dawn reng hi i tisei dawn ngei.


 
Herchhuak leh se / Herchhuak ve se

Herchhuak leh se / Herchhuak ve se

Phuahtu: Nonoa
Satu: Jenny, C. Awma & Didini

Nang chauh ti a kan lenlai,
Thinlai puan ang a thar leh thin;
Samang then ni zawng hian,
Herchhuak leh se ka nuam e.

Hmanah chhawrthla van kaiin,
Kumtluang in aw kan tiam kha;
Biahthu di tinkim hril a,
Lenlaipar kan tlan kha.

Zochhum reng a zing lawng e,
Kumtluang par hmangaih vulmawi;
Lungchim a kan thliah dun, 
Chuailopar iangin vul reng se,
Chul mai an ka phallo. 

Lengdang tang belin,
Thenzai chu rel mah ila;
Thinlai damni awmsilo,
Engtin tuar bik che maw.

Theihchang hian a mawilo maw,
Mahse nghilh hian ka mawi silo;
Turnipui herchhuak lul rawh,
Hmangaihpar tlan len ve nan.


Save me (Version 2.0) (Magdalene)

Save me (Version 2.0) (Magdalene)

Lyrics: Magdalene Band
Artist/Band: Magdalene Band (Aizawl, Mizoram) feat Atea (Boomarang)

Staring into the world what do you see?
Life seems so cold it's hard,
This world is weeping,
As far as the eye can see - 'Ocean of Tears',
No light to shine on earth,
Something's wrong, so wrong.

Deadly war breaks out we're dying,
Nation breaks down we're crying,
Blood of innocents flowing why Oh! Why?
Millions of soldiers dying,
Leaving their family crying,
This world breaks down to pieces why Oh! Why?

Save me. Here I am Lord, I'm lying helpless,
Save me, Here I'm down Lord I'm calling out Your name.

Deadly war breaks out we're dying,
Nation breaks down we're crying,
Blood of innocents flowing why Oh! Why?
Millions of soldiers dying,
Leaving their family crying,
This world breaks down to pieces why Oh! Why?

Here I am waiting for you Lord,
Now I'm in fear to stand alone.


Fans may like Magdalene on facebook page  https://www.facebook.com/MagdaleneAizawl