Wednesday, 26 June 2013

Raltiang ram

Satu: Hlimen Pastor Bial Zaipawl (2004-2005)

Lalpa i ram ka thlen hma zawng,
Kei ka hringnun zaleng zingah;
Hlimlai ni reng a nei love,
Hringnun piah ram ngaiin.

Aw ka ngai par ang an vulna,
Nunthing zar hnuai a lungduh an liamna;
Raltiang ram khian,
Awi kei ka lung min len.

I ram ngaituten hmangaihna,
Enchimloh par a mawi an ti;
Hringmi in hmangaihna hi zawng,
Doral an chang leh thin.

Aw lo kalla ka chhamdamtu,
Lawmlai ni hian leiram hi zawng;
Lungngaih chhum a lo zing leh thin,
I ram ka ngai mang e.

Aw fam rihtlang mualliam hnu te,
Tawn leh ni awm thei ngai ang maw?
Lalpa lokal leh ni ah chuan,
Kan lawm a kim tawh ang.


No comments:

Post a Comment