20 Jun 2013

Vau thla

Phuahtu: Lalsangzuali Sailo
Satu: Lalsangzuali Sailo, Zosangliani, Dam Veng Branch YMA Zaipawl

Ka hawi vel turnipui sensa hnuaiah,
Tuangtuah leh vau par tin an vul chiai e;
Thlirin mualtin romei a kai chiai e,
Enchim loh, aw, vau thla engah.

Aw, Siamtu kutchhuak reng lo ni e,
An fak ning lo hramthiam awmawi zawng te'n;
Thlir ve teh u, khuatin an mawi hluan e,
Enchim loh, aw, vau thla eng nuam.

Sik, nipui tuar hnu thing lenbuang zawng pawh,
Chawrtin duatin hnahnem chhuah hring nghial e;
Zaitin remthiam - lelthang, ngirtling chenin
Vau thla ni eng an awi bang lo.

Tlainema'n hringfa zaleng naunawi te'n,
Van dumpawl riai boruak thiang leng kara'n;
Lengtin kaina sumtuala'n nui hiau e,
Thlang tlai liam hnu kawleng hnuaiah.

Aw, partin, nungcha leh hringnun chen hian,
An ral leh thin, ni rei leng thei lo hian;
Mahse, vau thla hun mawi ber leh duhawm,
Chamreng mai la, pialleiah hian.





SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

1 comment:

  1. A phuahtu Lalsangzuali Sailo-in a sak dan leh Zosangliani sak dan, a thu a nia ka sawi, a chang tin tlar tawp ber thluk pawh tiamin a in ang lo nual a. Heta a lyric-in dah dan hi Zosangliani sak dan in lâk niin a lang a. Lalsangzuali phuah dan tak hriat a chakawm hle mai.

    ReplyDelete