Tuesday, 9 July 2013

Di hlui

Satu: Blue Corn

Di hlui sam ang then tawh hnu kha,
Nghilh zai rel a ka len laiin;
Tawnmang ah dar ang ka tawng che,
Suihlung rual in hlimten kan leng dun.

Hai ang thang in i awm silo,
Ka ngai emai che, aw, lungrun;
I hlimthla leng tahna ti tamtu mai,
Lam ang let an ka ring silo che.

Aw, tawnmang mawl, lunglen zual tu,
Thinlai a zing riai e, nang ngaih vang hian;
Thinlai tina zual tur an maw,
Tawnmang mawl ah dar ang ka lo tawn che.

Aw, tawnmang, min dawnpui silo,
Lungdi ngaia ka vai tur hi;
Engan thinlai ti thar tur an maw,
Luah zawh loh lungdi mi tawn tir le.

Aw, tawnmang mawl, min dawnpui silo,
Lungdi ngaiin luaithli ka nul;
Ban zai ka rel silo.


No comments:

Post a Comment