Thursday, 11 July 2013

Kar a hla di bawihte

Satu: C. Lalrinmawia, Mathlenga

A saw raltiang Leitlangpui tual nuam ah sawn e,
Tleitir dawnthar tuaite a leng an ti;
Theih chang se thuva nunnem leng thiam tirin,
Thaikawi bawngte palai va hlan ang hmiang.

Za lamlian tluang phei aw a thui vawng vawng,
Thaikawi biahthu hlan nan chuan in e;
Khuarei turnipui lenkawl a liampui leh thin,
Kar a hla di bawihte, aw ka lung a leng vawng vawng.

Zantiang daifim chhawrthla engno riai hnuai ah hian,
Ka han thlir aw ka lung a leng vawng vawng;
Aw damten zanmu lo va chhing ta la,
Tawnmang lamah tal intawng ang aw.

Zobawm siahthing par an lo vul siu siau e,
Kei ka dawnthar tuaite bahsam thlah mawi;
An iangzo nem maw ka tawnah hian e,
Thuva siahthing lawi lo iang e.


2 comments:

  1. He hla thu kan hmuha,zai ka ngaihthlak hian ka lung ati leng zual thin..ani..ka ngai ngawih2 thin,kha tleitiri kha..khuahmun loha awm hi zawng di zun ngaih alo na ani e.

    ReplyDelete
  2. He blog buaipuitute in fakawm khawp mai. Mizo Oldies zingah chuan ka hla duh ber te zinga mi a ni he hla hi.

    ReplyDelete