Wednesday, 3 July 2013

Lei leh van thil zawngte aiin

Satu: R. Lalbiaksanga
 
Lei leh van thil zawngte aiin,
Ka Lalpa Kros ka chhuang a;
Chutah chuan in ka Lalpa chu,
Ka ai a thih vangin.

Chhandamtu hnenah ka inpe,
A nunna min pek vangin;
Hmangaihna in ka chawimawi ang,
Chatuan ram ka thlen thleng in.


Keiin khawvel ka khengbet a,
Khawvel in min khengbet a;
Ka Lalpa Kros vuang chung zelin,
Leiram hi ka chhuahsan ang.

Ka mithmuh leh ka beng hriat ten,
Suallam ah min hip mahse;
Thlarau thianghlim in min hruai a,
Hnehna chu ka chang ngei ang.

Aw chhandamtu min hruai zella,
Damlai kawng chhukchho ah hian;
I tlansa te i lawr hunah,
Kei pawh min hruai ve ang che.

No comments:

Post a Comment