Sunday, 7 July 2013

Mittui a hul ang

Lettu: C. Vanlalvuana
Satu: Rebek Vanlalpeki, The Chronicles, Standing Choir BCM Chanmari

Lungngaih mittui luang zawng chhiar dawn ila,
Tuifinriat ianga tam a ni ang;
Ka thinlairil ngaihtuahna te lang thei sela,
Hliam tuar leh a ser i hmu ang.

Mahse, chu khawpui tual ah mittui a hul ang,
Chu in mawi ah thihna a awm lawng;
Mittui a hul ang ropuina ram mawiah chuan,
Lungngaihna a awm leh tawh ngai lo ang.

Hringnun khawvel lungngaihna hmunah hian,
Tumah reng hlimin an leng thei lo;
Mahse chu ram lungngaih awmlohna ah,
Hlimna hla mawi ropui an rem e.

Lusun mangan a lo thlen chang te hian,
Beidawng leh tap in kan rum thin;
Kan intawk leh ang kan tum vannuam ah khian,
Chatuan a hlun turin kan leng ang.



No comments:

Post a Comment