Wednesday, 10 July 2013

Tap chungin Kros kawng ka zawng zel ang

Phuahtu: P.C Lalhmachhuana
Satu: Davida te unau

Ka khualzin kawng ka vahvaihna,
Ka Pa lalram a ni silo;
Amah ngei vavaihna a nih vangin,
Tap chungin Kros kawng ka zawh zel ang.

Tahna ruam ka zawh hi ka Pa in panna lamlian a ni,
Mittui nen ka zin kawng zawh mah ila ka pelh hunin;
Ka chhandamtu hmel duhawm hliam hnu kha,
Hmu in hlim in hlamawi ka rem tawh ang;
Tap chungin Kros kawng ka zawh zel ang.

Tuarna pumpelh kawng zawh tuten,
Kros nunna hnar an hlat si thin;
Ka zinkawng a hrang ngei e, kham leh suar,
A hming pawh luruh hmun a ni si.

Ka tan kawng dang a awm lawm ni?
Ka tan Zion panna lamlian;
Mahse, ka Lal hnen min thlen dawn vangin,
Tap chungin Kros kawng ka zawh zel ang.

Ka Pa hnen ka thlen hunah chuan,
Ka khualzin kawng ka hrilh ang;
Ka mittui min hrukfai sak tawh ang a,
Ka Pa i hnen lo haw ka nghakhlel.

Tap chungin Kros kawng ka zawh zel ang,
Tahna ruam ka zawh hi, ka Pa in panna lamlian a ni;
Mittui nen ka zin kawng zawh mah ila ka pelh hunin,
Ka chhandamtu hmel duhawm hliam hnu kha;
Hmu in hlim in hlamawi ka rem tawh ang,
Ka Pa i hnen lo haw ka nghakhlel;
Tap chungin Kros kawng ka zawh zel ang.

Tap Chungin - Davida te Unau [Thenna Ram]

1 comment:

  1. A phuahtu chanchin hi a rawn phuah chhuah dan kha chhiar a chakawm hle mai

    ReplyDelete