24 Dec 2014

Leng dun zel ang

Leng dun zel ang

Phuahtu: Lalthansanga
Satu: Hlutea

Kumpuisul veiin hun leh ni an herliam,
Thingtin par zawng pawh chuaiin an vul leh thin;
Mahse chuai ve ngai lo hmangaihna par,
I tan chauh tiin ka hlan a che.

*Chauh changin ka kiangah nang awm in,
Min hnem thin hmangaih aw nemin;
Thil dang zawng aiin a hlu ber e.
Ka tan i rinawmna, 
Sakhmel hai ang tar thlengin;
Lungchim te a tangnem a in pawm in, 
Lengdun zel ang aw.

Hringnunah hi zawng tahni te lo thlengin,
Lungngaihna chhum zingin min hual vel fo thin a;
Mahse, hreawmah pawh tang dun zel ang,
Ka van malsawmna i lo ni e.

Chauh changin ka kiangah nang awm in
Min hnem thin hmangaih aw nemin;
Thil dang zawng aiin a hlu ber e.
Ka tan i rinawmna.

Repeat *

Chauh changin ka kiangah nang awm in,
Min hnem thin hmangaih aw nemin;
Thil dang zawng aiin a hlu ber e.
Ka tan i rinawmna,
Sakhmel hai ang tar thlengin;
Lungchim te a tangnem a in pawm in,
Hmangaihna par tlan chung zelin,
Lengdun zel ang aw.

16 Dec 2014

Van mi thianghlim ten an rawn puang ta

Van mi thianghlim ten an rawn puang ta

 Phuahtu: Vanmawia
Satu: Bethlehem Pastor Bial Zaipawl, Sialsuk KTP Hranghlui te

Van mi thianghlim te'n an rawn puang ta,
Chatuan nunna thu hlu, mitin chhandamna thu van atanga chhuak chu;
Bethlehem daia ri chu ngai r'u, lawmna hla an sak chu,
An thawm ri a va mawi em, Chhandamtu a piang ta.

Chhandamna dar, Lal jubilee aw chu,
Chhandamna dar, Lal jubilee aw chu;
Chhandamna dar, Lal jubilee tunah a lo thleng ta,
Hnamtin chitin reng, thim atang sual bawih a mi te u,
Nunna engah i awm tawh ang u.

Pathian rilru Kristaah a lang, a fapaah ngei chuan,
Thimna leh sualna zawng zawng hnehin a lo awm ta;
Muanna leh lawmna a lo thleng e, khawvel mi zawng zawng tan,
A hria apiang lawm rawh se, Chhandamtu a piang ta.

Khawchhak mifing te'n amah panin chibai an rawn buk a,
An robawm te chu hawngin Lal lo piang chu an hlan;
Keini pawh khawvel thil kalsanin a hnenah i kal ang,
Hlim takin i lawm ang u, Chhandamtu apiang ta.


Zan thiang reh lai takin

Zan thiang reh lai takin

Phuahtu: Joseph Mohr
Lettu: Lalmama
Satu: Lalrindiki Khiangte (Daduhi), Rebecca Saimawii, The Leprosy Mission Choir, Zoramchhani, T.Lalengzauva

Zan thiang reh lai takin,
Enna a lo thleng ta;
Hraite rawn chawi, chun nunnemin,
Nau thianghlim ngilnei leh zaidam,
Remna lal fa chu (2).

Zan thiang reh lai takin,
Hruaitu siar eng mawi;
Mi fing ten rawn zui zel in,
Thilpek thianghlim an hlan e,
Lalpa Krista chu (2).

Chu zan reh lai tak chuan,
Siar hmingthang engah;
Van angel te zai mawi chuan,
Haleluia! kan lal ber,
Lalpa Krista chu (2).

Noel hmasa

Noel hmasa

Satu: Lalrindiki Khiangte (Daduhi), RTC Lalduhawmi, C Lalhmingmawii

Noel hmasa angel te puan chu,
Berampu te hnenah chuan a lo thleng ta;
Phulah beram te an ven laiin,
Kha zan khawthiang hmun reh takah khan.

Noel, Noel, Noel, Noel,
Israel-te Lal a lo piang ta.


Chung siar eng vansangah an hmu,
A lo eng mawi takin chhaktiang kawl rawnah;
Eng ropuia piallei rawn dengin,
Chhun zan tawp lovin a eng zel a.

Chung siar eng ngei chu rawn zuiin,
Ram hla taka mifing pathum te kha;
An lo kala Lal chu hmuh tumin,
An hruaitu arsi chu zui zelin.

Chung siar chu hmarthlang lam panin,
Bethlehem khaw chung zawn takah chuan dingin;
Isua mutna hmun chungah tak chuan,
Chawlin a ding ta a, a Lal biain.

Mifingte chu an lo kal zel a,
Lawm leh zah takin chibai an rawn buk;
Beraw, mura, leh an rangkachak,
Nausen hmaah chuan an rawn hlan a.

Remthu leng rawh se

Remthu leng rawh se

Phuahtu: Pastor C Saikhuma
Satu: Lalrindiki Khiangte (Daduhi), Vohbik

Lalpa Pathian hmangaihna tawp nei lo chuan,
Khawvel sual tan a fa neih chhun a rawn pe;
Bethlehem bawng in tlawmah a lo piang a,
Sualbawih a tang keini min tlan turin.

Chungnung berah ropui rawh se,
Pathian leh mihring karah;
Remthu leng rawh se.


Van angel rual ho te'n fak hla an rawn sa,
Khawchhak mifing te'n chibai an rawn buk a;
Lei berampu te'n an thinlung an rawn hlan,
Keini pawhin kan thinlung i hlan ang.

Keini pawhin vanmi te lungrual puiin,
Khawchhak mifing leh berampu te ang khan;
Kan thinlung leh neih zawng i hnenah hlanin,
Ri thei zawng zawng nen kan fak fo ang che.

Immanuel, chawimawina dawng kumkhua rawh,
Min tlantura leiah i lo pian vang leh;
Kalvariah i thisen hlu avangin,
I ta kan ni, vanah min hruai ang che.
 

12 Dec 2014

Tleitir lungmawl

Tleitir lungmawl

Phuahtu: F Laltuaia
Satu: Thantluangi, H. Vanlalhlana

Tu'n min sel lo, sel lo u,
Tu'n kan sel lo che, sel lo che;
Tleitir lungmawl nun hi ka hril vel e.

Tleitir lukir fenchhingi,
Tleitir kekawr zuih lubuk;
Tleitir sam tan her lerhi,
Lenlam lungkham ho.


Awrdum, awrsen King-i iang,
Lunglem nei lo thle tawni;
I chan tur chu i sawi bawra lo teh ang.

Sam tan, tony, powder leng,
Lipstick, rock shoe, three-quarters;
Chun leh zuapa thlung lu reng a hai ngei.

Tleitir lubuk dawntawia,
Inti cowboy, gambling hian em ni;
I chhungte hi i chawm dawn le?

Rock la, Waltz la, Cha cha cha...
Jive la, Trot la, Quick step in;
I chan tur chu kumtluang ar ang vaih mai.

Thangthar sappui nun zir paw'n,
Tlan bo chhungte bum hianin;
Nang lo chu lengdang bum i nei lo ve.

Thangthar nun ning famchang Thasiama ngei kha,
Lo tho hian han hawi vel se;
Vawi sawmpathum thi nawn hian ka ring ngei e.


3 Dec 2014

Christmas chibai ka rawn hlan e

Christmas chibai ka rawn hlan e

Satu: Melody Lalsawithangi

Favang hunpui a lo herliam a,
Sikini eng mawi alo chhuak leh ta;
Lalpian champha kan lo thleng leh ta,
Zaleng nau rual zawng te lunglawm an.

Thlasik zingtian enno riai hnuai an.
Sirva hram thiam ten zai an lo sa;
Samtlang parmawi ten an lo vul leh ta,
Thlasik vur daifim in min ten bawm e.

Aw, ka di duhlai, i dam thin em?
Krismas hlimten i hmang dun ang;
Aw, ka di, phone call, message hmangin,
Krismas chibai ka rawn hlan e,
Sakhmel dar ang tawnni a her mahna.

Zantiang chhawrthlapui engno ruai hnuai an,
Thlasik kawng chung siar eng zam chiai e;
Khuanu leng hian a lo duang thiam ngei e,
Hlim ten zaitin vawra awih ka nuam e.

Kumpui sul ang a lo her liam a,
Chhingkhual kar hla di ngaih zawng a na e;
Khuanu zarah hlim te a hmang turin,
In chhuahtlang mual ka rawn hrut leh nang e.

Nunhlui liam hnu dawn kir chang in,
Ka thinlai ah an lo thar leh thin;
Suihlung rual a hlim zai vawr a,
Tlaikhua kan var dun lai te kha her chhuak leh se.

Bethlehem chhiarpui (Bethlehem mual tlai tla eng)

Bethlehem chhiarpui (Bethlehem mual tlai tla eng)

Phuahtu: Rokunga
Satu: Liandingpuii, Lalrindiki Khiangte (Daduhi)

Bethlehem mual tlai tla engah,
Khuavel sakhming an chhiarin;
Tahchuan remna Lal a piang ta,
Lei miah an chhiar ang maw?

A fakna ri chu ngai r'u,
Angel ho te zai mawi ri;
"Chungnungberah ropui rawh se,
Leiah rem leng se," an ti.

Sualbawih riangvai saltangte leh,
Thihna hlima thu te tan;
Pialral ni eng mawi a lo chhuak,
Piallei thim a rawn chhun eng.

Lo eng leh rawh varparh arsi,
Van eng zai mi zawm tir rawh;
Aw, eng chho la kan fak ri nen,
Van Reng thinlai han chhun rawh.

Duhaisam Christmas

Duhaisam Christmas

Phuahtu: Henry MS Dawnga
Thluk siamtu: Sangtea
Satu: Zualbawihi (R.Lalhmangaihzuali)

Hun leh ni te lo her liam zelin,
Sikni eng mawi a rawn her chhuak leh ta;
Chutin lenrual zaleng zawngte chuan,
Lal pian champha lawmin an hlim ngei e,

Mahse, kei zawng mahriak te'n,
Karhla a leng chhailai di;
Ngaiin hlim zai ka vawr thei lo,
Theih zawng nise, bawihte,
Krismas hmandun ve hi, ka duhsam ber a ni.

Chinlai lenrual zaleng zawngte chu,
Chhailai di tang belin an hlim ngei e;
Tudang lengdang an ngai bil lo,
Hlim te'n an leng vel laitual mawiin.

Laikhuam zalin ka dawn vawng vawng a,
Nang nen Krismas hman dun lai ni;
Tunah erawh i hlimthla thlirin,
Awmkhua a har, suihlung a leng ngei e.

29 Nov 2014

Rihtlang min liamsan le

Rihtlang min liamsan le

Phuahtu: Lalnuntluanga (Zohmun)
A thluk siamtu: Lallawmawma
Satu: Lallawmawma
 
Sarpui lian leh awmlai si lo, ka tuar nem thei lo ve,
Pheisen darfeng ramchhan, ka nau duatlai te kha;
Tinkim dawn zo, hlim te'n siang lam hawn relin maw.. aw,
Lirpui run sei khawl lian rum vung vung chhunga'n maw,
Laitha khuai ang chawlin rihtlang min liam san le.

Aw, ka neih chhun, ka nau duatlai sakruang ka chul ne'maw,
Thlafam dairial channa zan tam pawh liam mahse;
Thingpui rem khar hawng a buan ang pawm ka nuam che aw,
Thingpui ri ruai khar lai hawn zai an rel si lo,
Sakruang chul lovin maw piallei run i rem le.

Aw, a na e, min chhingzo awm ang maw, thlafam ngaih hi,
Lirpui kiu ruai chhunga silhpuan zial nghengin maw;
Sakhmel chul riai riai a chham ang a zal tur chu,
Ka dawnsei ngam lo ve aw...,

Lunglai min run ngei e, lunglai min run ngei e.

Ka nau duatlai, i tel lo chuan engtin nge ni ang le?
Tangka ro thangpui leh i vulmawi hawn te hi;
I duh aiang ram dawn lungruk min hrilh si lo,
I tel lo chuan hringnun kalsiam ka rel thiam lo,
Ka tawnmang mawlah tal i lungruk min hrilh rawh.

Ka bung dawntuai thlafam chan zawng tlangtin deng kim ngei maw,
Pheisen darfeng ngurpui lallian chawimawina nen;
Sakruangah parmawi leh rimawi tinrengte nen,
Sakruang hma an hruai e, pheisen darfeng rualte'n,
Vohbik chawimawinate, Khuanu'n malsawm rawh se.


16 Nov 2014

Ka hmangaih che min hmangaih si a

Ka hmangaih che min hmangaih si a

Phuahtu: C Lalzarmawia
Satu: Bethsy Lalrinsangi

I khawngaih kraws kawng zawhin, I rawngbawl lamtluang ka chhui,
Kawng nuam leh hahdam changte pawh awm thin;
Kawng hahthlak leh raltia min hruai ni pawh hianin,
I rinawm zia min hmuh tir leh thin.

Ka tan i rinawmna, aw, a ropui e,
Eng dang reng hi, aw, ka sawi thei lo;
I khawngaih, lainatna, ka dawn hi a ropui e,
Ka hmangaih che, min hmangaih si a (2).


I khawngaih leh malsawmna, lei rohlu ka chan zawng te,
Ka chhiar seng lo ve, aw, a ropui e;
I thatna ka tan lawmna, I khawngaih ka tan chawlhna,
Tu nen nge ka teh dawn che, Lalpa?

Hei hi hlan nawn ka duh thin - ka nun leh theihna te hi,
I tan rimtuiah lo chang fo rawh se;
Hmangaih che ka thiam ne'maw, I duhzawng tih mai loh chu,
Ka hmangaih che, min hmangaih si a.

15 Nov 2014

Ka tan lawmna

Ka tan lawmna

Phuahtu: Super Trio (Vanlalsailova, Joseph Zaihmingthanga & Robert Lalduhzuala)
Satu: Super Trio (Vanlalsailova, Joseph Zaihmingthanga & Robert Lalduhzuala), Stacy Punte

Kumpui sul veiin hun te an her liam a,
Sikni eng mawi te'n, aw, a her chhuak e;
Zan daifim te leh zan tiang siar eng nen,
Lal pian hun lawmawm mawi te'n a her chhuak e.

Zaleng nau tuai te, silhpuan mawi tin te nen,
Kaina run an bel, hlim te'n zai an vawr e;
Behtlehema nau thar lo piang chu lawmin,
Dawn lem nei lo vin, aw, an her siau ve.

Aw, a riang ngei e, riahrun chang lo Lal Isua,
Ka phal thei lo ve, a zal na'n ranthleng mai maw?
Chhingkhual kar hla zingah maw?
Lawmtu reng a nei lo ve.

Aw, a ropui ngei e, van mi te'n ui mahse,
Chhingmittui far chungin an thlah liam e;
Van mite zai ri chuan Bethlehem dai reh a,
Lal thar lo pianga chu an rawn puang e,
Chu zan hla mawi ri chu, aw...ka tan lawmna.

Dawn a tam, tahna maia'n ka phal thei lo,
Van Lal thinlaina ti zual tur renga'n maw?
He hun tawite hi, am te'n i chen tak le?
Dam hian i ring em, Hmangaihtu thinlai?

Aw, a riang ngei e, riahrun chang lo Lal Isua,
Ka phal thei lo ve, a zal na'n ranthleng mai maw?
Chhingkhual kar hla zingah maw?
Lawmtu reng a nei lo ve.

Aw, a ropui ngei e, van mi te'n ui mahse,
Chhingmittui far chungin an thlah liam e;
Enteh, a riang ngei e, khawvel sual kalpuitu saw!
A nghak che, a hmangaihna i chhan let hun tur,
Hetiang em a hmangaihna, aw...i hnar ang maw?

Aw, a ropui ngei e, van mi te'n ui mahse,
Chhingmittui far chungin an thlah liam e;
Van mite zai ri chuan Bethlehem dai reh a,
Lal thar lo pianga chu an rawn puang e,
Chu zan hla mawi ri chu, aw...ka tan lawmna.


Van angelte zai vawrna

Van angelte zai vawrna

Phuahtu: Dr. Ramdinthara Sailo
Satu: Super Trio (Vanlalsailova, Joseph Zaihmingthanga & Robert Lalduhzuala), Nghaktea Fanai

Rinnain khua va chuanin fan ka nuam mang e,
Bethlehem khawdai reha berampute tuanaah;
Chu zan khawhar takah van angelte zai vawrna chu.

"Chungnungberah Pathian chu ropui takin awm rawh se,
Lei chunga hringmi te tan remthu leng rawh se," tiin an zai.


In ropui reng a thlang lo, bawng in tlawm belin,
Chhingkhual karah lo piangin lawmtu reng a nei lo ve;
Chu zan khawhar takah van angel te'n an rawn lawm e.
 
Hmangaih famkim a lo lang, ran in tlawmah chuan,
Min hmangaihna vang a ni, hringmi iang a pianna chu;
Van Lal thinna thawi nan van angel te'n zai an rem e.
 


13 Nov 2014

Turnipui leh thal favang lo thleng tur hian

Turnipui leh thal favang lo thleng tur hian

Phuahtu: Laltanpuia/Damhauha
Satu: Lalthansanga Ralte, Zoherliani

Turnipui leh thal favang lo thleng tur hi,
Kei zawng senlai nau ang ka tahna;
Thapui, nang ngai reng renga khua romeiah,
Ka zam na'ng e, i tuanna tlang bawmah.

Aw, i zunngai hian fam mah ila,
Ka luah zo chuang lo'ng che annem te;
I zunleng zamah hian ka uai thlawn e,
Chhimtlangpui chun chawi val ka riang chuang mang e.


Hmanah chuan lungrun hmel a indi tawh hnu,
Karah thenloh biahthu sawi hmain;
A tha valdang duatlaia hrai i chawi chuan,
Kumtluangin Parte, ka tuar nem thei lo vang.

Chungtura ni, chhawrthlapui, siar zawng hian,
Thlangkhuan an dim lo thangvan zawlah;
I lungduh val tawnah zamual liam tur hian,
Engkar in nge puan anga min lo ban le?

Chhaktiangah rihtlang bawm hawilopar iangin,
Chhimtlang van hnuai hril kan vangkhuaah;
Hmartlang khua selin i lo par, ainawni,
A pawi ber chu mi tawnah i hlui tur hi.

Valriang ka tahna vangkhawpui a zau thlawn e,
Min tum lo em mai a na lua e;
Aitenawnpar min phun ka tanglai vuantu;
Tawn loh kar ni chhun a rei awl vawng vawng.

Nichhunah lunglen tinkim han dawn ila,
Ka hmachhuan thinlai chhum ang a zing;
Kei chu riang reng reng ainawn par, nang vangin,
Chan ka nuam, chulthum par zozamah.


7 Nov 2014

Zantin lo leng rawh

Zantin lo leng rawh

Satu: Melody Lalsawithangi
Phuahtu: F.Lallungawia

Duhlai valmawi, engan nge nizanah khan in,
Kan runsang i lo len loh le?
Kan run pawnler dawhsan atang hian in,
Duhten ka lo thlir reng che asin.

I sakhmel tawnloh kar tawite hi e,
Kei ka tan tawrh tham a tling zel thin;
Duhten hrai duh leng chawi dun chungin,
Runhmun len zai i rel thuai ang aw.


Ih maw, valmawi, chinlai valdang te pawh hian,
Kan run sang an rawn bel thin a;
Mahse, i tello chuanin ka hlim zo lo,
Zantin valmawi lo leng ang che aw.

Valmawi kan run i lo len zan hi chuan e,
Ka lairil min ti hlim thin mang e;
"Mangtha" ti a inthen ngai tawh lo hian,
Kumtluang i thai chan hun ka nghakhlel
Ka zinna ram

Ka zinna ram

Lettu: Alvin Lalruatfela & Paul Lalrochhuanga
Satu: One In Christ

*Ka zinna ram khawvel hi,
A ral thuai dawn ka phurrit zawng nen;
Tlang kawr ruam thuk ka pel ang a
Lalpan min hruai anga a van in ah

Buai mangan ram hi mak ka ti thin,
Boralna ramah hian i pangngai reng;
Kawng awlsam a ni lo e, he khawvel hi zawng,
Mahse ,Lalpan min hruai thleng dawn si.

repeat *

Muanna duhawm chu i lo ni e,
Min awmpuiin min chelh thin a;
Mala ka awm changin min lo hnaih reng si,
I rual a kal in damlai hringnun zawh zel ka nuam e.

repeat *
repeat *

Ka chan tawkah ka lungawi lo

Ka chan tawkah ka lungawi lo

Phuahtu : Fam Lalzova
Satu : Sailothangi Sailo


Ka chantawkah ka lungawi lo,
Ka damchhan ka luah zo si lo;
A riang kei mi iang an awm lo'ng e,
Ka nghâk sual thadång mi u.

Aw! raihrah ka riang êm mai,
Dãwn lêm hi ka nei si lo;
Lung ka måwl êm mai, tawng lo va khiangawia,
Zamual min liam san.


Ka tap thin nun hlui ngaiin,
Ka dam chhan ka luah zo si lo;
Kha chen kha hal lo te'n kan lo lêng,
Tunah zamual min liam san.

Khiang mah awi la'ng e, Parte,
Ka nghilh lo'ng Di-Odi-Di-Di;
Nun hlui i han thlir suihlunglênin,
A riang val mi dawn ve rawh.

Dawn kir teh, Parte, lungchhir lo la, 
Chûn leh zua tâwnah;
Kei chu heti reng tura lo piang,
Bângin ka mawi lo, nang ngaih.

Aw! kan nun khua hrui angin,
A la sei awm si a, Lungrun;
A riang val ka tahna tûr rêng a'n,
I piang Khuanu hualin.
Lei lungngaihna (Fahrah hla)

Lei lungngaihna (Fahrah hla)

Phuahtu: Vanneihtluanga
Satu: The Breeze (Vocalist: Sangtei Khuptong)

Lei lungngaihna ka chhiar kim ta,
Thinlai hnemtu reng ka tawng si lo;
Leilung mawina min hnemtu pawh,
Ka tan par ang an chuai zo ta.

Hrilh ka hai ngei ka han dawnin,
Lunglai a phang, ka riang chuang e;
Riangvai hnemtu Krista lo chu,
Ka tan belh tur an awm si lo.

Dawn lungrukah kim ten dawnin
Tawnmang chang mai se ka hringnun hi;
Hai ang thangin van Lal runah,
Ka lawi ngei ang.

Hraileng zawng ten hlim zai vawrin,
Lungchim ten chunnu tang an bel;
Ami lian chhung zawng ten,
Lei ropuina parvul an chen.

Mah se, rairah kei erawh chuan,
Lung min hnemtu Isua ka nei;
Tudang reng hi ka ngai chuang lo'ng,
Chatuan atan a ta ka ni.

Chhawrthlapui leh siar eng mawi,
Duhaisam zawng hi ka ta ni;
Fam mah ila van Lal run nuam,
Ka lawi ngei ang.

27 Aug 2014

Minung ram

Minung ram

Satu: RTC Lalduhawmi

Awmkhua a har e, lei khawhar ah,
Hringnun lamtluang khawhar ka chhui;
Pungkhawm zaleng zawng zingah hian,
Suihlunghnem ka tawng silo.

Innghahna leh chawlhna zawngin,
Ka thla riang lungngaiin a vai;
Lalpa ka nunram ngaihber chu,
Nangmah ah chuan a awm si.

*He minung ram hian Lalpa,
I thatna hmuh inring suh ila chuan;
Ka chau tawh tur a ni a,
Vengtuten khawvar an thlir aia nasa in,
Ka nunna hian nangmah leh i ram a thlir thin.

Repeat *

Sual hliam theih khawvel hmunah hian,
Ka thlarau nun sual in a hliam;
I ram mawiah chuan sual vang a,
Lungngaih, mangan a awm tawh lo'ng.

22 Aug 2014

Ka damlai nun kawng hi Lal Isu

Ka damlai nun kawng hi Lal Isu

Phuahtu: Upa C.Dengthanga
Satu: Baptist Choir Aizawl

Ka damlai nun kawng hi Lal Isu,
Chhiar dan ka thiam theih nan min kai la;
I ram ka thlen hma in sualna ten,
Min beiin, chau in ka buai leh thin.

Chau te hnena chakna pe thintu,
Kei pawhin ka rawn pan che Lalpa;
I Kraws hlim hnuaiah min chawlhtir la,
Ka thla hliam hnu hi, tidam leh rawh.

Beidawng leh lungngai a ka awmin,
I thlarauvin min tiharh leh la;
Chaklo leh khawhara ka awmin,
Min thlamuanin min tiharh ang che.

Khawvel mawinate lo vul mahse,
Ka tan zawng i hluber Lal Isu;
Damlai ropui leh nawmsaknate,
Ka phum ang rohlu ber ka nei si.

8 Aug 2014

Zaiin ka fak ang che

Zaiin ka fak ang che

Phuahtu: Dr. Ramdinthara Sailo
Satu: Aizawl EFCI Choir

Zaiin ka fak ang che, aw ka Lal duhawm ber,
I hmangaihna hi zaiin ka chawi zel nang e;
Tuifinriat leh khawmual zawng zawng zaiin khat mahse,
I ropuina an puang seng lo'ng e.

(I zai ang) Fakna hla sain, kan aw neih zawng nen,
He khawvel zawng hi (Lalpa Pathian) fakna hlain khat rawh se,
(Lal Isuan) Ropui na chang se, aw Halleluiah! Amen!

I zahngaihna thiltih te ka dawn chang ni hian,
Ka thinlung hi lawmnain a luangliam thin a;
Heti em a hmangaihna nasa leh ropui hi,
Hringmi finna hian a phak lo ve.

Hril zel mah ila zaiin ka hril seng si lo,
Van mi zawng pawhin thuin an hril seng lo'ng e;
Angelvar leh Seraf te'n chawl lo vin fak mahse,
Chatuan pawhin an fak tawp lo'ng e.

Vualzawlna ka tan vangin

Vualzawlna ka tan vangin

Composer: T Pumkhothang
Artiste: H Biakson, T Pumkhothang, EBCC Central Choir, Bethel BYF

Nunlui liamsa ka gel zel a,
Ka phawk kik zel tualniam ka hinkhua;
Ka phu lel in honpi le chin,
Ka tang zou diam ka tu dinmun.

Kipahna genseng louh kanei Toupa,
Na vualzawlna ka tan vang in aw;
A omlai ding ka kipahna,
Ka tan laiding vualzawlna omte ah.


Van daitui in na hon luan a,
Ka nna ah lei vualzawlna non pia;
Ka neih haichi tangkhat lel jong,
A leh zaa in na pungsak ta.

Na honpi dan alam dang ngei,
Ka hihna bangmah ahi lou zong;
Mi a simtaak hilou mahleng,
Na honpi luut mihing lai-ah.

Leivui pan-in na honpi khia,
Na paalzou in asang zaw sem ah;
Sim zolouh vualzawlna mu dia,
Nahon pi zaw alam dang lua.


#paite hla #paite la #zomi la #zomi hla #paite song #paite gospel song #zomi gospel song #paite lyric

7 Aug 2014

Call girl (Mizo)

Call girl (Mizo)

Phuahtu: JH Vanlalhruaia
Satu: Rebecca Lallawmsangi

Na...na...na...na...na...na...
Na...na...na...na...na ..na..
Ti'ang i lo ni maw?

Tuantul vang a min liam san ni khan,
Ka di lungrun, hmangaihna leh rinawmna min tiam a;
Sul ang i hawn ni tur chhiarin chhunni ka hmangral thin,
Ka ring phallo! "ti'ang i lo ni maw?"

Zantian ka tawnmang mawl mai nise, hmangaih lungrun,
Zingtiang bawhar khuangin a liam pui tur;
Rosum um a partin lawrin zankhua i hmangral thin,
Ana asin! "ti'ang i lo ni maw?"

* Lenrual ten an sawi thawm thangvel hi,
Amak ka ti! "Call girl" an ti che;
Hmangaihna biahthu rinawm min hlan chung siin e,
Engtin nge i theih zawk le? "ti'ang i lo ni maw?"

Nang vanga ka tahna tizual tur reng hian in maw,
Suihlung chhir a ka lam i lo hawi leh?
Ngaidam tur che hian ka hmangaih tawk lo che alo  a ni,
Min hrethiam rawh aw ka ngen a che.

repeat *

Zatlang relthang i phur tur leh nun beidawng a,
I chauh ni tur ka dawn chang niin;
Ka thinlung chuan a khawngaih che, mahse i phu hlawl lo,
A pawi ngei e! "ti'ang i lo ni maw?"

repeat *

6 Aug 2014

Sulhnu leh lunglen

Sulhnu leh lunglen

Phuahtu: Zirsangzela Hnamte
Satu: Zirsangzela Hnamte, Lalhungchhungi Pachuau, Ramhluna Hnamte

A leng zual thin tinkim ka dawnin,
Lentu chawi vel tlang khan thuam luaiah;
Sirva lungrual zaithiam, lelthang ni chhun awihna,
Luite dam diai sakruang kan bualna.

Suihlunglen zual changni te hian maw,
Tuan ila, zolentu hring hnuaiah;
Perhkhuang awih loh zaikung rimawi va ngai ila,
Biahthu chang mah na e, lunglen hi.

Aitenawn par thadang tleitiri,
Zotu lawhlei thlenghial kau vuana;
Kiva leng fangrawl ngen nui hiauva kan chhaina,
Chul thum zozam a vul chi chiai e.

Kan lenna hmingtha chuang zolurah,
Lung ti leng thal romei zam chiai e;
Fan chang ni’n, thuva leng rih fang mual chul awitu,
Sulhnu chhui hi mi dawn ve che maw?

Ka hril seng ne'maw suihlunglen hi,
Hmana hlimtea lung kan rual lai;
Rihsang mual dana leng khan rawn ngai ve che maw?
Engtin tuar ve maw suihlunglen hi?


Thingpui leh thingria

Thingpui leh thingria

Satu: Sangkimi
[Zoram Nationalist Party (ZNP) campaign hla]

Kutdawh hnam min ti e Zofate hi,
Zofaten kut kan dawh ngai love;
Turnipui leh khuangruah sur te do da in,
Mahni a ke ding thin hnam kan ni.

Mahse, ka pu'n thurawn mi pe a,
Thingria leh thingpui ka ching ve a;
Zofa ngei hi sapthei min chin tir a,
Mahse, market tual a thleng pha silo;
Sum chang thlai in sum a chang pha silo,
Thingria leh thingpui hi chhunrawl ah  ka ring thei lo.

Kawltu chawiin turnipui do dai in,
Kawl a ni chhuak chhiar in kan thawk a;
Kan kut kawih hi piallei ah a luangral si,
Kuthnathawk te riangvai kan ni e.

Sappa in sapthei chu ching mai rawh se,
Vaipa in vaithei chu ching sela;
Zofaleng ten zothei ngei hi ching ve ang,
Kan hnam damna a tling zawk mahna.

Rorelna khawl thar i siam thuai ang u,
Zoram hi ba hmun a chang zo ta;
Thamna leh eirukna te a hluar si a,
Zoram thar i siam ang Zofa ten.

Duhaisam tikim tu

Duhaisam tikim tu

Satu: Rintea
Album : 2x Tribal Power

Nang ngei hi duhaisam tikim tu,
Hmangaihna par tin kan tlan dun kha;
Tunah lunglai herin min liam san,
Runrem pui tur i tawngta em ni?

Hetiang reng hi ka phal dawn silo,
Mangtha tih zawng ka dawn ngam lo;
Hmangaihna in chin lem a nei silo,
Rairah riang tur reng ka lo ni e.

Tawnthar di tang belin her mahla,
Hmangaihna enchim loh ka hlan zawng kha;
Hawilopar thliah ni pawh thleng mahse,
Nghilhni reng i awm thei dawn si lo.

Kawpte'n kan len rem mai se aw,
Hmun khawhar nghakin rairah riang tan;
Chung khuanu rel, lo kir leh mai rawh.

Min hlan lai khan

Min hlan lai khan

Satu: Rintea 
Album: 2x Tribal Power

Lenghermawi, engtin min ngai ang maw?
Thinlai hnemtu lunglen tizual mai maw?
Chung chhawrthlapui iangin par ang lo vul mah la,
I tan puan ang ka chul mai maw?

Thinlai na in mi dem lo la,
Hmangaih biahthu mi hlan lai kha;
Mahse, duhlai a rem tawh lo,
Dam takin mangtha mai le.

Biahthu nem te'n mi hlan lai khan,
Hringnun par tlanin zaivawr ka nuam ngei e;
Biahzai ka rel thiam lo, ngaihlai a zual leh thin,
Thinlai dam te'n tawn leh ni awm ang maw?

Chung chhawrthlapui iangin par ang lo vul mah la,
I tan puan ang ka chul mai maw?

Di pui

Di pui

Phuahtu: Madinmawia (Laldinmawia Ralte)
Satu: Puibawihi

Chhingmit lena ka hawi velin zaleng dang zawng te chu,
Kawpte'n tangah bei dunin hmangaih biahthu hlanin;
An hlim ngei, ka chhailai di ka tawn ve hunah chuan,
Suihlung muang te'n ka pawm vawng vawng ang a.

Na..na..naa.na..na..na..naa,
Tangah... ka tang nemah;
Tang nemah hlim te'n bei hle hlein.

Lungkham nei lo reng rengin i tangah bei ka nuam,
Sakhmelmawi, i seih hianin ka thinlai a hlim thin;
Chorual loh Di pui, i kianga awm hi ka ning lo,
Chhun leh zan hun leh ni ka tan hlimna an ni.

Sakhmelmawi, i kimtlang reng ka thlir ning thei dawn lo,
Iang zo lo zaleng zawng te'n i sakhmel leh kimtlang;
Chawnbanah ka vuan nang che, rimawi rem pui turin,
Sir sawnin vanglaini kan chen dun zel ang a.

4 Aug 2014

Vanram

Vanram

Phuahtu: Marina & Joseph
Satu: Maggie Malsawmzuali

Aw ava nuam em! kan run in chhung,
Lalpa a tel chuan vanram a chang zel thin;
Lalpa chenna chhungkuaah chuan,
Hmangaihna a luang khawm thin.

Aw ka nghakhlel em e, vanram thlen hun,
Leiah zawng lungngaih mangan tahna mittui;
Kan run chhungah a cham si thin,
A bo tawh ang vanram kan thlen hunah.

Tunah kan chhungkua dam kim ta lo,
Kan tlu leh si thin sualna khur thukah hian;
Sualna reng a awm tawh lohna hmun,
Aw ka ngai zual thin Lalpa buatsaih Vanram.

Vanram, vanram, Aw... Vanram...
Chhungkim tea kal loh ka hlau mang e,
Yea..yea..Vanram ..Vanram...aw...Vanram

3 Aug 2014

Hosana

Hosana

Satu: Bethsy Lalrinsangi

Chakna thu chaklo te tan,
Retheite tan hausakna
Mit varna mitdel te tan,
Ka Lalpan a rawn thlen ta.

Chakna thu chaklo te tan,
Retheite tan hausak na;
Mit varna mitdel te tan,
Ka Lalpan a rawn thlen ta.

*Hosana, Hosana,
Beram no talhtawh a chu;
Hosana, Hosana,
Thihna hneh in a tho ta.

repeat *

Sual tlenfaina luipui chu,
Sualfai ka dai kai ang;
Chhandamtu hmangaihna chu,
Ka tan a luangchhuak a ni.

Sual phuarna luithuk ata,
A hmangaihna angchhung ah;
Zalenna chu ka nei ta,
Chawimawina hla ka sa ang.

repeat *

Chakna thu chaklo te tan,
Retheite tan hausakna;
Mit varna mitdel te tan,
Ka Lalpan a rawn thlen ta.

Ka nghing lovang

Ka nghing lovang

Phuahtu: Amtea 
Satu: Amtea 

I thlarau vin min hliahkhuah la,
I kut chakin min vengin min muan la.

*Thlipui lo hrangin tuifawn mahse,
Muang te'n ka leng ang buaina karah;
Tuifawnte chungah roreltu i ni,
Ka nghing lo vang, ka Lal i ni.

**Ka thla chawl la, Kristaah chauh,
Amah ring la, ringhlel leh hlau lo vin.

repeat *

oo.oo..ka nghing lo vang...
Ka nghing lo vang ooo..ooo

repeat **
repeat * (3)

23 Jul 2014

Nitinin hmangaih che ka duh

Nitinin hmangaih che ka duh

Phuahtu: C. Lalzarmawia
Satu: Pensy B Lalthangliani

Ka hun leh ni i rawngbawl nan hmangin,
Ka thiamna te leh theihna ka hman lai hian;
Sawichhiatna te leh elrelna ten min umzui chang awm leh thin,
Mahse, banzai reng ka rel thei lo.

Nitinin i aw hriat fo ka duh thin,
Nitinin i hmel hmuh ka duh fo thin;
Ka bo san loh nan che, nang ka hloh loh nan,
Nitinin hmangaih che ka duh.

Nang faknan hian ka hun leh ni hmangin,
Ka theihnate hi hlan leh chuan ka thiam lo;
Mahse, i ropui hmangaih vanga fak tur che ka nihna hian,
Min delh thin ka va duh khawp lo em.

Miten engtin min chhiar maw ka hre lo,
Keimah ka inchhiar ka tling thei mawlh silo;
Ka bansan theilo i hnungzui hi, i rawngbawl ka thulh thei lo,
Ka duhber Lalpa nang chauh i ni.

11 Jun 2014

I hming ka fak ning lo'ng

I hming ka fak ning lo'ng

Phuahtu: Samuel Ralte
Satu: Maggie Malsawmzuali & Zoramchhani (Duet)

Ka thiam ka theihna leh, ka aw neihchhun zawng te'n;
Theihtawp chhuahin i hming ka fak fo thin;
Mahse, chu mai zawng chu ka duh tawk mawlh lo,
Ka thinlung zawng hian ka fak duh che.

Theihchang se thilsiam dangte iangin,
Fakna hla mawi chu rem ve ka nuam;
Aw, ka theihna te tlem thin mahse,
I hming ka fak ning lo'ng.

Kawtthler hmun ruak te chu ka va fan chang ni chuan,
Lungmuanna leh chawlhna reng ka hmu lo;
Krista hnenah chauh lo chuan ka nun a kim lo,
Hriat phakloh hmangaihna min chan tir.

Tu dang hriat ngai lohin ka nun a chau leh thin,
Zanthim ka tan lungngai an chang zo thin;
Rilru khawhar takin ka hun ka hmang thin,
Chhantu hmel duhawm a lo lang ta.

I chatuan hmun ropui ka thlen hunin,
Lawma zai vawr ka bang tawh lo'ng;
Aw Isu, i hnen thlen ka nghakhlel.

4 Jun 2014

Jakoba Pathian

Jakoba Pathian

Phuahtu: Sanglianthanga
Satu: Sanglianthanga

Isaka Pathianah chuan,
Khawngaihnain Lalpan kan tih ve tel lo vin;
Krista Isuaah chuan min lo tlin tir ta a,
Amakin a ropui e, hlimin ka zai zel ang.

Abrahama Pathian, aw, Isaka Pathian,
Jakoba Pathian nih pawh Lalpa'n a hnial si lo;
Kei bumhmang leh mi sual, hel hmang thin tan pawh hian,
Jakoba Pathian ngei kha ka Pathian a ni si.

Abraham Pathianah chuan,
Lalpa hnena ka dawn malsawmna zawng zawng te;
Ka Isaka ngei kha halral a ngai leh si,
Pathian intumchawpna 'Jehova Jire' ka chan nan.

Jakoba Pathianah chuan,
Ka chakna zawng zawng te tihchhiat saka awmin;
Lalpa chakna chauh chu ka lo hman thiam ve nan,
Ka ke min tibai ta, nun tam ka neih theih nan.

Kei bumhmang leh misual, hel hmang thin tan pawh hian,
Jakoba Pathian ngei kha ka Pathian a ni si.

28 May 2014

Bang tawh r'u

Bang tawh r'u

Satu: Triau Trackx

Nipui, thlasik, fur leh favang ten,
Hunbi an nei ang hian;
Hlimni, lawmni, tah leh lungngaih ni ten,
Mihring nunah hunbi an nei.

*Bang tawh r'u, tap tawh s'u,
Kumtluan in chhum a zing ngai lo;
Bang tawh r'u, tap tawh s'u,
Kumkhua in ruah a sur dawn lo.

Ni leh thla leh arsi te pawh khian,
En hun bi an nei ang khian;
Hlimni, lawmni, tah leh lungngaih ni te,
Mihring nunah an in en chhawk thin.

Bang tawh r'u,
Bang tawh r'u;
Tap tawh s'u.

repeat * (2)

Chhandamtu min hruaina lamtluang

Chhandamtu min hruaina lamtluang

Phuahtu: J Zaihmingthanga
Satu: Jimmy Lalthanpuia
Satu: K Vanlallawmi (Malawmi)

Chhandamtu min hruaina lamtluang ka thlir let a,
Khawngaihnain min chhandam a;
Khawngaihnain min nun sak thin,
Hmangaihnain min enkawl thin.

Van lawmna kim ka neih theih nan,
Lei lawmna hi min thiah sak a;
Van nun hlut zia ka hriat theih nan,
Hringnun nep zia min hriattir thin.

Khawngaihnain min thukruin min awmtlei thin,
Damlai hreawm kawng chhuk chho pawh;
Chung muvanlai iang min chawiin,
Thlalerah pawh bikna min siam.

Ka hmaah hian fiahna tinreng a rawn tir a,
Amah vekin min hneh sak a;
Ka theihna zawng ka sawm khawm pawh,
Engmah lo mai a chan tir thin.

Lei lungngaihna pelh kan nghalhlel ringtu ten,
Mahse, Lalpan tih tur min pe;
Khawngaihnaa rawngbawl tur leh,
Khawvel thim hi tieng turin.

27 May 2014

Di hlui

Di hlui

Phuahtu: Laldana
Satu: Lalnunsanga (T-Melody)

A dai hlen ta emaw ka lo ti, hmana ka hmangaihna che,
An thamral ta emaw ka ti thin, nunhlui ngaihawm zawng pawh;
Mahse, i sakhmel ka tawn changin kim te'n an lo thar leh thin,
I khiangawi hnu pawh hi e, 'Di hlui,' nghilh i lo har ka ti.

Thlangkhuandimin kar danah kan leng ta si a,
Tawn chang ni pawhin biathu hril a rem tawh lo;
"I lo dam thin maw? 'Aw, di hlui', 'Aw, di hlui',"
Tih chauh hi ka zawt ngam a che,
Lungkim lo em em chung si hian e, 
Hei chauh hi ka zawt thin ang che.

Lenlai par tlana kan hlim lai khan, inthen leh hian kan mawi lo,
Mahse, chantawk khuarel ang zawkin kan lo inthen ta maw;
Nunhlui leh nang ngaih a ruk hlira ka lo tuar dai tawh tur hi,
Ka dawn khawl changin lei hringnun hi kei zawng a sei ka ti.

Lunglai hal vanga inthen mah hian suihlunglen thar ni an nei,
Duh tea tang laia pawm tawh hnu nghilh hi a har an ti;
Thinlai thar chang ni te tam mahse, dam tea tuar tum zawkin,
Kumtluangin e, pawmlai Di tawnah rinawm i tum zawk ang.
 
Thlangkhuandimin kar danah kan leng ta si a,
Tawn chang ni pawhin biathu hril a rem tawh lo;
"I lo dam thin maw? 'Aw, di hlui', 'Aw, di hlui',"
Tih chauh hi ka zawt ngam a che,
Duhtawk lo em em chung si hian e, 
Hei chauh hi ka zawt thin ang che.


19 May 2014

Zokhaw tleitir /Siar sing sang sawmsarih

Zokhaw tleitir /Siar sing sang sawmsarih

Phuahtu:  C Lalthanliana (Matlana - CTR)
Satu: Chhaktiang Rimawi (CTR), Mission Veng YMA North Branch (MYMAN  Zaipawl)

Valtin lungtiawitu a mawi ngei e,
I nunzia leh sakhmelmawi anka leh pianzia reng hi;
Nang ang reng awm ang maw?
Chuailo ten vul reng la, kan vangkhua ti mawi an Zokhaw tleitir.

Ka nuam ngei e, nang ang sakhmel tawn meuh zawng,
Puan angin min hnawl mai lo la;
Siar-sing-sang-sawmsarih lak ngai mahse,
Ka zuam ngei ang nang tawn nan zawng.

Zokhaw tleitir tuaite, Khuanu'n a duang bik che em ni?
Nang iang reng a kimtlang mawi piang hian ka ring lo;
An sawi khuavel chhingtu raltiang lanu pawh hian,
Chhingzo hian ka ring lo Zokhaw tleitir.

9 May 2014

Kristiante u, kal zel ang u

Kristiante u, kal zel ang u

Phuahtu: Lallianmawia Pachuau
Satu: Lallianmawia Pachuau

He khawvêla kan awm chhûng hian,
Chawl hman kan ni lo ve;
Ring lote hnênah chhandamna thu hi,
Puang zêl tûrin Lalpa'n min au.

Kristiante u, kal zêl ang u, kal zêl ang,
Ram thim, ram ro hrut zêlin;
Hruaitu Vân Arsi thlîrin,
Ram Chanchin tha puang zêl ang u.

Lungngaih buaina kan tawh chângin,
Zâm tûr rêng kan ni lo;
En r'u, chatuana ropuia ngamtu,
Kan Lal Isua thiltihtheihna.

Aw, nang muhil, tho la, kal rawh,
I hun tawi teah hian;
Krista chu pan rawh, sual chhandamtu chu,
Khawngaihna kawng an khar hma hian.

Hun khirh takte a la thleng ang,
He khawvel hrehawmah;
Chu tih hunah chuan ringtu zawng zawngte,
Vân lam hawiin kan lêng tawh ang.
 
(He hla kan rawn dah hi a phuahtu phuah dan ang taka tarlan a ni e)
Zanlai Thlifim

Zanlai Thlifim

Phuahtu: Lallianmawia Pachuau
Satu: Lallianmawia Pachuau, Joseph Zaihmingthanga

Chhawrthlapui zan kal vangkhua entu,
A lo herchhuak lenkawlah;
Zaleng tin tualchai an nui za e,
Mahte'n run khawhar ka nghah laiin.

Zanlai thlifim, aw, ka di te khan,
Palai iangin a lo tir che maw?
Kip te'n min hlan la biahthu di zawng,
Duh te'n ka lo ngaithla e.


Suihlunglen tuar har ka tih nan e,
Lem ang min der lul lo la;
Nakin sirah min hnawl dawn ai chuan,
Tunah min hrilh rawh, i dawn lungruk.

Thal romei leh rengchal ngirte hian,
Kei zawng suihlung min len e;
Ni chhun awmhar leh zan tlaiah pawh,
Di ngaih puan ang ka bang ve si lo.

Di ngaih laia'n khawtlang lunglen hi,
A nem bil lo kan tawnah;
Khua hmun len loh zawng a pawi thin e,
Mahse, "Tawn ni her na ngai," an ti.    
       
Thinlaia'n a thar leh thin (I rau thla tal rawn tir rawh)

Thinlaia'n a thar leh thin (I rau thla tal rawn tir rawh)

Phuahtu: C. Durthanga
Satu: C. Durthanga, C. Lalrinmawia, Opa (Tribal Power), Zorini Khiangte

"Huiva lenthiam, ka tir ang che,
Va kal ta la, ka di lenna famkhawpui runah;
A ngai a ka tah khua sei tur hi,
Hrilhin va hlan ang che."

Thinlaiah a thar leh thin,
Khaw'nge maw ka di ve kha?
An sawi pialral fam khawpui tualah,
Riahrun a rem an ti.

Kumpuisul a lo vei hian,
Thingtin partin an vul;
Lungrual tea kan thliah hnu par zawng te,
Min ngaih tir e famchang hnu.

I kutchhuak, i sulhnu te,
Ka thlir bang dawn ne'maw?
Tunah vannun par tlanin leng mah la,
A cham reng i zun thinlaiah.

Vanduai tah khuasei tur hi,
Han dawn ve la, ngaih lungrun;
I sakruang hring ang kha tawng lo mah ila,
I rauthla tal rawn tir rawh.
-------------
(Hla tobul: He hla phuahtu C.Durthanga, Tuikhuahtlang tlangval hi Mizoram buai laiin MNF sipai ah in pe in, vai sipai in an man a, Silchar Jail ah an tan tir a ni. A tan hlan hian a ngaihzawng Khawrihnim nula Lalsawmi'n a lo boral san a, a jail tan chhuah hlim Mizoram a rawn haw leh hnu in a rilru beidawng lutuk in he hla hi a phuah a ni. Lalsawmi boral hnu hian C.Durthanga hian Khawrihnim khua hi a tlawh leh duh tawh ngai lo an ti.)

Ka va ngai em

Ka va ngai em

Phuahtu: Hmingthansanga (Matea)
Satu: Besy Melody, Desy Lalnunsangi, Zoramchhani

Ka dawn thin a, ka chenna hmun tur khi,
Lalpa buatsaih Kanan thar mawi chu;
Lungduh then tak te nen,
Fakna hla thar mawi, aw, kan sak hun tur.

Ka va ngai em, chu hmun nuam chu,
Tunah hmu lo mah ilangin;
Ka la thleng ngei dawn a ni,
Krista ka aia a thih vangin.

Chu hmun nuam taka lengte zawng chu,
Intihnat reng a awm tawh lo vang;
Hmangaih kan Lal fakin,
Kan zai ang hlim takin, aw, Angel te nen.

Ka Chhandamtu hnen ka thlen hunah chuan,
A ngai a ka rumna te hrilhin;
A ni'n min kuangkuahin,
Chatuanin a kiangah, aw, ka chawl tawh ang.

8 May 2014

Krawsah chuan thisen hlu a awm

Krawsah chuan thisen hlu a awm

Phuahtu: Mrs. Stockton
Lettu: Suakkunga
Satu: K. Lalparmawii, Lalduhsaki,

Kraws-ah chuan thisen hlu a awm,
Kraws thianghlim chu ka hmu;
Thisen chu Isuan min hriattir,
Ka tan hmana luang kha.

Aw, thisen ropui ber chu,
Isuan a tuarna chu;
Kraws chungah thisen hlu a luang,
Rinnain ka lo hmu.

Kraws chu, aw, kraws rit tak mai chu,
Isuan ka tan a pu;
Lungngai taka a tuarna kha,
Kalvari-an a nghat.

A zang em kraws hlu tak mai chu?
Kraws chu ka han thlir a;
Ka phur kang ve thei dawn emaw,
Ka bei ang kraun awm chu.

Lallukhum ropui ber mai chu,
Hnehtu lallukhum chu;
Vanah Isua ka hmuh hunin,
Kei pawh ka khum ve ang.

Ka mittui a tla tawh lo vang,
Hmangaih reh lohnaah;
Khawvel ata min hruai chhuak la,
Lawmna hmun min thlen la.

Lyrics Courtesy: Kristian Hla Bu (KHB) No 202


 
- Mizo Good Friday Song - Mizo Good Friday hla - Isua tuarna hla -

6 May 2014

Harhna kan ngai

Harhna kan ngai

Phuahtu: Lalsangzuali Sailo
Satu: K. Vanlallawmi 

Zoram dung leh vang hi thlir vel teh u,
Kristian Isua ringtu inti te hi;
Sualna tuifawn karah kan pil mek e,
Harhna kan ngai, harhna kan ngai a ni.

Aw Isu, lo leng la mitin thinlung ah hian,
I thlarau thianghlim kan ngen min hruai turin;
Mimal tin, chhungkua leh i kohhran te,
Min tiharh turin Lalpa kan ngai em che.

Malsawm tinreng kan dawng zofaleng ten,
Mahse duham chin lem neilo kan ni;
I duhzawng haider in kan vakbo a,
Min ngaidam rawh, Lalpa kan sual a ni.

Midang pakhat tana malsawm thlentu,
Nithei ila a ropui dawn mang e;
Krista chanchin ziahna inti siin,
Kan nunah reng i hmel a lang silo.

A mak ka ti

A mak ka ti

Phuahtu: Lalramhluna
Satu: Lalropuii Pachuau

A mak ka ti duhlai i zun a uai lunglen,
Nghilhni reng i awm thei silo;
Aiang i cham reng thin ka thinlai ruk ah hian,
Engdang reng ka dawn thei lo.

Han bei ve la lungdam nan,
Ka tang ah lungdam ten;
Chhun ni zankhua rei dawn lo hian,
Duhlai ka hmangaih che asin.

Tlaikhua  alo ngui a thlang lenkawl ah,
Turni liamzai rel a lo eng riai a;
Nang ngaih a zual mang e lunglen a zual chuang e,
Thinlai ah ka ngai em che.

Riakmaw iang ka vai e chhingkhual ah mahriak te'n,
Min han dawn ve thin ang che maw?
Suihlung ka vai mang e tawn tur i awm silo!
Mahten aw ka lo vai e.


Ka vei em che vang hian

Ka vei em che vang hian

Phuahtu: Kima Chhangte
Satu: Lalropuii Pachuau

Khawiah tuan che maw?
Nang ngaih banzai reng ka rel silo;
Theihse lunglai siin,
Run khat ah lendun ka rel ngei ang.

Ka thinlai ruk te hian, 
Nang a vei em che vang hian;
Kar ah selna anka tawng lua e,
Mahse, ka hmangaihna che hi,
Kumtluang atan vawng reng la;
Khuannu zarah ka thlangber che asin! Bawihte.

Engahnge bawihte,
Ka lunglai hliam in i liam leh si;
Ka chan tur dawnlo hian,
Lengdang tang bel in i liam ta maw?

Ngaihlunglen

Ngaihlunglen

Phuahtu: Vanlalchhanhima Khiangte
Satu: Lalropuii Pachuau

Zantiang chhawrthlapui a lo en hian,
Thinlai ah i thar leh thin;
Engdang dawn zai ka rel thei lo,
Nang lo chu duhlai mi u,
Nang ngaih lunglen a zual e.

Suihlung zawng a leng ngei e,
Aw Di, i tello chuan maw;
Mahriak awmhar chang ni hian,
A zual thin lunglai ruk ah.

Chhawrthlapui leh siar zawng te khian,
Thangvansang an mawi ngei e;
Kei ka di tawn tur pawh vul zel se,
Thinlai na a dam ngei ang,
Tiin duhthu ka sam thin.

A then lunglen tizualtu maw lo ni,
Annem val ka tawn ah hian;
Kan sul i hnu zawng te chhuikir in,
Nghilhni reng i awm mawlh lo,
Kir zai reng i rel silo.

Matehawngi

Matehawngi

Phuahtu: Lalzova
Satu: Lalropuii Pachuau

Hmm.hmm..hmm..hmm.. 
Kan inthen thei silo nangnen,
Suihlung rual a rem bawk si lo;
Mangtha, i chun leh zua lawma'n,
Hmm..hmm..rairah vangin,
Min hnawl sirah nem puan angin;
Hmm..hmm..
Tapin siang lam rawnah kir leh na'nge.

Matehawngi

Hmm.hmm..hmm..hmm..
A ngur naufa a pian loh chu,
Sakhmel par ang lawm a kim lo;
Thai an chan leh lunglai an her,
Hmm..hmm.. rairah vangin,
Ka hellai ka di ka bang lo'ng e;
Hmm..hmm..
An sang bil lo hmanlai pi leh pu dan.

Matehawngi

*Hmm..hmm..hmm..hmm..
Chun leh zua hal vangin Parte,
I bang lo'ng aw nuih zai relin;
Rawnkawl leh kil i fang dun ang,
Hmm..hmm...nang nen bawihte,
Min then lo se chhawihfa lo chuan;
Hmm..hmm..
Min hualhim se khuanu'n kan doral nen.

Matehawngi

repeat *

Matehawngi (Vawi 5)

Di lenmawi

Di lenmawi

Phuahtu: PB Liantluanga
Satu: Lalropuii Pachuau

Awmkhua a har dawn changin,
Thinlai a dam thei si lo;
Chung khuanu zarah kan chan reng chu,
I thinlai hal tu mai ni maw?
Tawnmang mawl mai thleng pawhin,
Lunglai a dam thei si lo;
Min ti riang tlawn mai tur renga'n ,
Ka tawn che phu loh lenmawi.

Awle, mangtha, ka thinlai khamtu ber,
Mual chu liam rawh; 
I zun ngai hnuchhawnin,
Ka nghilh lo'ng che, aw parte,
Famdairial chan thleng pawhin;
Hei hi maw an sawi di zun ngaih,
Tuar ka thiam lo, di lenmawi.

repeat *


Di Zawni

Di Zawni

Phuahtu: Lalzova
Satu: Lalropuii Pachuau

Awmkhua a har suihlunglen in ka thlir vela lenkawl,
Chhaka'n ainawn a vul tunge ka suihlunglen min hnem ang?
Awi! tawn ka nuam chhingkhuala Di Zawni ka suihlung min hnemtu,
I ngai hian ni ka leng zanmu ka chhing thei lo a ni.

Aw, au ila min chhang ve tak ang maw?
Suihlung a leng em mai, Parte,
Kan kar a hla mahte'n ka tuar bik ang maw lunglen hi?
Sakhmel tawn leh ni her thuai la Di Zawni.

Chungtura ni thlang lenkawl an a lo herliam leh ta,
Ka tawn loh zun ai di ngeiin min lo zem e tangah;
Awi! tuar a har tawn mang chauh ah em ni i sakhmel kan tawn ang?
Tlangtin bawm romeiah hianin ka la zam ral awm e.

3 May 2014

Camouflage (Boomarang)

Camouflage (Boomarang)

Lyrics & Band: Boomarang (Mizoram)
 Album: Home

Like a creature that hides their real skin 
Your true face is deep within 
Like predator searching for a pray 
Innocent lives you take away

Like a darkness haunts the young boy 
Your face has a demon-shaped silhouette 
You shadow the streets with sorrow 
One day the sun will erase the shade

Chorus 
Show yourself 
Your camouflage
 I can’t see your face now 
Won’t you show yourself?
 Your camouflage 
There’s nothing you can hide now 
Won’t you show yourself? 
Show yourself x3

So you camouflaged yourself now 
Your poisoned words sound so sweet 
You wear the face of an angel 
Your devil skin begins to burn

Chorus 
Show yourself 
Your camouflage 
I can’t see your face and
 Won’t you show yourself?
 Your camouflage 
There’s nothing you can hide now 
Won’t you show yourself? 
Show yourself x3

Chorus 
Show yourself 
Your camouflage 
I can’t see your face now 
Won’t you show yourself? 
Your camouflage 
There’s nothing you can hide now 
Won’t you show yourself? 
Show yourself x3


Lyrics© Boomarang Band, Aizawl, Mizoram, India.
----------------------------------------
The lyrics posted here is based on hearing from their music video and not to be considered as their original lyrics as some words may be misspelled or mistaken.
----------------------------------------
Fans may search # boomarang lyrics #boomarang_camouflage #boomarang_latest #boomarang mizo #boomarangmizoram #booomaranglyric #boomeranglyric
I cham reng mai

I cham reng mai

Phuahtu: C. Lalzirliana
Satu: Zolawmsangi, Lalropuii Pachuau

Hmangaih di enchim loh,
Chhun khawhar leh zantiangah pawh;
Engtin hun hmang thin maw?
Ka ngai em che, ka ngai vawng vawng thin che.

"Chung Khuanu'n min veng se,
Sakhmelmawi tawn ni te pawh a her mahna," tiin;
Zan mu chhin rel lo hian ka dawn thin che,
Thinlaiah i cham reng mai.

Lenna tlang a dang si maw?
Tawnloh kar khua a rei lua ngei;
Chhingkhualah ar ang vai in,
Mahte'n laikhum thlehnem ka bel,

I hlimthla han thlir leh,
Suihlunglen a zual leh thin;
Tuantul vang mai hian maw,
Sakruang buan ang ka pawm thei lo.


2 May 2014

Isua zara ka ta

Isua zara ka ta

Phuahtu: H.T Zama
Satu: K. Lalremruata, Pastor P.L Biakchhawna te nupa, Lawmkima Colney P.C Thankunga

Ka khualzin na ramah thlirin ka hawi vel a,
Malsawmna kan dawn te ti chung zel in;
An neih rosum chenin hlimlai par an tlan a,
En nge ka chan, ka neih ve le?

Mahse, Lalpa aw mawi ka hriat chinah,
Hlimin ka khat lawmna mittui nen;
Harsat mangan lungngaih, ka tawn, ka chan te hi,
Isua zarah ka ta an lo ni si.

Lenrual duh te thlirin chun leh zua tang an bel,
An duh tin an hlan thin an kiangah chuan;
Theih chang ve se ti a, ka dawn chang nite hian,
Ka nun tapin a rum leh thin.

Mahse, Lalpa aw mawi ka hriat chinah,
Hlimin ka khat lawmna mittui nen;
Riangvai, chanhai, natna, ka tawn, ka chan te hi,
Isua zarah ka ta an lo ni si.

Hmuhsit, sawichhiatna te ka tawn chang nite hian,
Ka chhungril nun a cham a tam thin e;
Hringchanna ram khawvelah hian ngui leh chau in,
Ka nun hliam in a awm leh thin.

Ka lo vuipui zawng ten ka nun hruaiin,
A hnen ka thlenna tur a malsawmna;
Harsatna leh sawichhiat, chanhai, natna te hi,
Isua zarah ka ta an lo ni si.



Ka damna kraws

Ka damna kraws

Phuahtu: H.P Runremthang
Satu: ICI Central Choir, ECT Trio, Bawngkawn Pastor Bial Zaipawl, Lalruotmawi, Aizawl EFCI Zaipawl,

Kraws thu chu boral mek tan chuan atna a ni,
Chhandam mek te tan chaun thiltihtheihna a ni;
Aw Kraws miten hmusit in lo hnawl thin mahse,
Kei chu ka damna kraw ka thiamchanna a ni

Lawmin ka puang zel dawn, 
Lawmin ka puang zel dawn,
Ka damna Krista kraws chanchin hi;
Chhuan tur reng ka nei lo,
Sawi tur pawh ka nei lo,
Ka damna Lal Krista thu chauh lo hi chu.

Ka hriatna te hmangin damna ka lo zawng a,
Ka theihna te hmangin a rawng ka lo bawl a;
Mahse ka hmu zo lo thlamuanna famkim chu,
Ka damna chu Lalpa kraws thu chauh hi a ni.

A ropuina silhfen hlipa mi zawng tu chuan,
Thildang zawng zawng chanin kei hi mi rawn thlang ta;
Kei pawh ka hlawkna tur thilte chu kalsanin,
Ka Lal ka chhandamtu hi ka thlang tawh zawk ang.

Lirpui te lo nghingin lungpui a lo khi a,
Puanzar lo thler chhuak in khawvel pawh a thim zo;
Tiang em a thiltithei kraws thihna ropui hian,
Sual bawih a tang te tan zalenna a thlen ta.

1 May 2014

Olive thing hnuaiah

Olive thing hnuaiah

Phuahtu:  Pastor C.Saikhuma
Satu: C.Luri

Ka chhandamtun min tawngtai sak a,
Lungngai a rum in thinlung keh in;
A thlan thisen in a luang zawi zawih,
Min dilsakna chu ava hlu em.

Olive thing hnuaiah a tawngtai a,
Ka sualna chu a chungah nghat in;
Ka pa he no hi min laksawn rawh,
Mahse, i thu ni zawk se tiin.

A zirtirten an muthilh san a,
A chhang eitu doral ah chang in;
Hmelma hual vel in an man ta maw?
Hlinglukhum rapthlak an khum tir a.

Chhandamtu chung a thilthleng zawng kha,
Thinlung keh a a lungngaih na te,
A kut, ke, nak, lu, hliam tir tu chu,
Keimah ka ni! aw! ka va sual em!

Lalpa, inchhir in ka rawn pan che,
Aw, ka sualna min ngaidam ang che;
Ka thinlung sual hi min silfai la,
Nang hmangaihtuah min siam ang che



#mizo good friday song #Mizo Good Friday hla
Cigarettes (Boomarang)

Cigarettes (Boomarang)

Lyrics & Band: Boomarang (Mizoram)

We started out with fire and everything that's wrong
I made you my desire when everything seemed wrong
Kissed your lips of poison, inhaled your sweet flu
But you only left me ashes and a memory of you

I'm addicted to your nicotine, time's a wastin'
I'm allergic to your toxins when i breath you in
I can't quit 'cos
You're just like Cigarettes
You made me feel good
You left me with Cancer
By the poison in you
You taste so different
From the things that taste good
But you let me dyin faster
Than i normally would
You're just like Cigarettes

With every glass of Whiskey, I need you in my fingers
Whatever I do, you're necessary
I need you more than I need water
I gotta stop this addiction, this sweet smoke of self-destruction
You got me prayin for redemption
Lord! I need instructions

I'm addicted to your nicotine, time's a wastin'
I'm allergic to your toxins when i breath you in
I can't quit 'cos

You're just like Cigarettes
You made me feel good
You left me with Cancer
By the poison in you
You taste so different
From the things that taste good
But you let me dyin faster
Than i normally would
You're just like Cigarettes

I cough when i smoke
I thought then I choke
The fake tears from your eyes
Suffocating on your lies
Then you made me realize
That without your disguise
You're just a cigarette
You're no different
Just one last drag
Cos' i need you to
Burn, baby burn..



Lyrics© Boomarang Band, Aizawl, Mizoram, India.
----------------------------------------
The lyrics posted here is based on hearing from their music video and not to be considered as their original lyrics as some words may be misspelled or mistaken.
----------------------------------------
Fans may search # boomarang lyrics #boomarang_cigarattes #boomarang_sikret #boomarang mizo

29 Apr 2014

Lungrukah duhthu ai ang sam ila

Lungrukah duhthu ai ang sam ila

Phuahtu: Lalzuithanga
Satu: Lalropuii Pachuau

Lungrukah duhthu ai ang sam ila,
Zantiang chhawrthlapui eng ri riai hnuaiah;
A ruk te'n senlai nau ang nui dunin,
Lungrual te'n tlai khua pawh var dunin.

Aitenawn par sakruang buan ang pawm chu,
Tuarhar suihlunglen puan ang ka bang thin;
Ka chawi ang che duhte'n ka tang laiah,
Enchimloh saron par vul lenmawi.


Ka ngai lo'ng khuarei zamual liam hnu hi,
Ainawn par sirah ka belh lai hianin;
Ka bang thin nau ang ka tah lai zawng te,
Ainawn par tangah ka pawm laiin.

Thinlai chhum ang zing a kiang zo thin a,
Tlai nemah biahthu tinkim hril dunin;
Nang ang renga thinlai min hnem thiam hi,
An awm lo'ng vaihnuai he lei chinah.

Kumsul vei khuarei chang thei tak ang maw,
Hmangaihpar tlan suihlung kan rual lai hian;
Thennan lenkawl ni chhuak in a mawi lo,
Kumsul vei khuarei a chang hnehin.

Hmanah Zawlpal Tualvung rauthla iang in,
Lengdun ila vanzawl phengphe leng an;
Suihlungrual nileng a partin lawrin,
Lendun ila indi bang lovin.

Mitthla a lang hlimthla

Mitthla a lang hlimthla

Phuahtu: CFL Hmingthanga
Satu: CFL Hmingthanga, Lalropuii Pachuau

Sikni ianga  khel lo te'n maw,
Hun leh ni kan tiam vawng zelin;
Chun leh zua te'n min tuahrem a,
Run hmuna nang nen kan len dun ve hun chuan maw;
Silhpuan nem zawnin ka tangah i bahsam chul leng siau siauin,
Tawnmang ram nuama chen thlengin ka pawm nang che.

Mitthlaa lang hlimthla mai zawk em lo ni le?
Ka thai chang lo tur chuan ka phal thei mawlh lo che;
Han dawn ve thin che maw, nang nena kan tiam thu di?
Suihlung rualtea kan lendun lai zawng te.

Tin, ka tiam ang khan kei chuan e,
Mualzapui kar dan atangin;
Ka rawn pan che in vangkhuaah,
Ka hriat loh zuapa run in chhung belin maw;
Biahthu leng tinkim sep duna, kawplai di nei zawng hrilh chuanin,
I hmangaih ber paw'n nuthai a chang min lo ti.

Thlafam chang sulhnu iangin e,
Mahriak tea lam ang letin biangah luaithli a lo luang a;
Aw, a thui ngei e, lam ang letna lamtluang,
Kan run lawi leh pawh ka zuam lo;
Chun leh zua engtin hrilh ang i maw?
A na lua ka ti, ka tuar chhuak zo lo'ng e.

Dawn tisei tura'n

Dawn tisei tura'n

Phuahtu: RD-a Ralte (Dreamhunter)
Satu: Dreamhunter 

*Aw, ka thinlaiah i hlui dawn si lo,
Zamual min liamsan tawh mah la;
Nang nen kan lenlai ni nghilh thei hian ka mawi si lo,
Biahthu min hlan zawng te nen.

Dawn ti sei tura'n maw, nang ka lo tawn che? 
Nghilh ni reng i awm dawn nem'aw;
Nang nen runhmun lendun a rem tawh si lo,
Lungrukah tah zai ka rel leh thin.

Rinawmin tia biahthu min hlan zawng te,
Tawnmang mai an chang zo ta si;
Lengdang tang belin khiangawih zai pawh rel mah la,
Thinlaiah i hlui dawn si lo.

Hun inher liamin kumpuisul ang lo vei mahse
Nghilhni reng i awm dawn lo
oh...ohhhhh
oh...ohhhhh

repeat *


28 Apr 2014

Tum tawk leng

Tum tawk leng

Phuahtu: C Lalramliana
Satu: C Lalrinmawia, Mama Chhangte

Mahriak awm khawhar lunglen zual changin,
Ka ngai mang e nunhlui zamual liam hnu;
Ngai chung zela then hnu ngaihlai mi u,
Khawia'n tuan che maw?

Duh te'n lengdang tangnem belin maw run i rem?
A riang thinlaina tur reng hi dawn lovin;
Kei chu vanduai khuanu leng ruat reng ka lo ni,
Tum tawk leng an piang si lo.

Thinlaina hi dam ni reng a awm dawn lo,
Khua lo ngui, aw, lunglen a zual em mai;
Tuahrem loh di chun leh zua hal vangin maw,
Lung min hersan le?

Theichang ve se mualzapui kar danah,
I siang lawina run mah te'n fan ka nuam;
Ka hlimna leh lawmna ber ngaihlai mi u,
Khawia'n tuan che maw?


Thlan nung

Thlan nung

Phuahtu: Lalsangzuali Sailo
Satu: Lalsangzuali Sailo, Lalhmingliana (Hmingtea)

Rauthla chhingmit lenin ka thlir a,
Dai lung rawn Saikhaw chhuahtlangah;
Rolung tlarah fal tein, fam rolung khawhar riang a ding a,
Chu ngei min chawi liantu chunnu a zalna.

Thlan nung, thlan nung,
Ka chun fam hnu zalna;
Thinlaia'n a hlui love (eee),
Chun hmangaihna a sei tawp ni awm lo;
Nun dik lamtluang chhui rawh mi lo ti,
Chun rauthla lengin biahthu ro min ban.


Kum hei leh chen mahte a zalin,
Khuangruah pui sur hawktui luangte;
Tur nisa virthli leng pawn a len zo lo, a tleng zo lo ve,
Chun hmangaihna a ril, a fiah, a mak ka ti.
 
Hram thiam sirva lelte a kiu ve,
Siamtu Khuanu leng an awi bang lo;
Ka chunnu Van Lal nghahna,
Pial lei hmun riang kan tan a hlu e;
Hrai leng te lairila'n chul thei dawn lo.



27 Apr 2014

He khawvel thihna Jordan

He khawvel thihna Jordan

Phuahtu: Laltanpuia (Sialsuk)
Satu: Thangbuaia, Zoherliani, Chhiahtlang Sailam veng Kohhran zaipawl

He khawvel thihna Jordan tuipui fawn vel hi,
Chhuahsanin ka chhandamtu'n a hnenah min hruai ang;
Kalvaria hnehna ropui chu,
Chatuan hla mawiah kan rem kumkhua tawh ang.

Aw, ka nghakhlel ka Chhandamtu, i huntiam ni ropui chu,
Tah chuan lungngaih, nat leh inthenna reng a awm tawh lo'ng;
Min lo hmuak ang angel var nen, 
Chatuan rammawiah khian kan intawk khawm ang.

Thihna leh lungngaihna te'n min hual vel mahse,
Chhandamtu'n a hneh zo ta, aw, Kalvari tlangah;
Lungngaih buaina a awm tawh lo'ng,
Ka Chhandamtu hmangaihnaa ka chawlhin.

Aw, hmangaihna hun lawmawma ka lenlai hian,
Thlaler thihna thim hnuaiah hian rum rih mah ila;
Khawvel nawmsakna zawng lovin,
Chatuan van lawmna khian mi rawn vur ang che.


-----------
#mizo khawhar hla #mizo hla thu # khawhar hla #lusun hla #hlathu #mizo lyric

25 Apr 2014

Hrilh nawn fo che ka duh

Hrilh nawn fo che ka duh

Phuahtu: C. Ropianga
Satu: PBK Liankhuma, Rosy K.Remsangpuii &Joy Zairemmawia (Trio), Lalremthangi Pautu

Leiah hian zawng manganna ten min nang fo thin a,
Mahse, thli leh tuifawn te a lo rehin;
Khawdur a kianga hlimni a lo chhuak thin,
Ka chawl ang, Lalpa i kiang ka lo thlenin.

Hrilh nawn fo che ka duh, ka damna i ni,
I ta ka nih hi hre lo i la chuan;
Thimin min tuam anga, mangannain min zui dawn si,
Mahse, hlimna thuruk Isua ka nei.

Achangin ka lak ata hla taka awm angin,
Ka hmuh theih piah lamah i thamral dawn thin;
Khawhar taka lei hringnun ka hman lai hian,
Lo hnai la, i aw min hriattir leh rawh.

Malsawma ka dawn te hi chhiar seng lo mah ila,
Rethei, tlachham nia inhriat chang ka nei fo;
Sual laka min veng thintu ka Lalpa chu,
Ka thlang zawk damchhung nawmsakna aiin.

Awmkhawhar changin i kutchhuak van boruak zau khi,
Suangtuahna thlazarin hlimin ka fang vel;
Chhiar sen loh arsi ram khi nangma kutchhuak,
Siamtu, aw, ka tan hringmi i chan le!


Isua thianah ka chhar ta

Isua thianah ka chhar ta

Phuahtu: Charles W. Fry
Satu: Zemabawk Pastor Bial Zaipawl

Isua thianah ka chhar ta, ka tan engkim a ni,
Ka thlarau tan sangsawm zingah a tha ber;
Phaizawl lily par mawina amahah chauh ka hmu,
Min silfaina leh min siamthat famkimna.
Lungngaiha min thlamuantu, buainaa ka rin chhan,
Buaina zawng amah bel turin min ti.

Phaizawl lily parmawi a ni, varparh arsi eng nen ,
Ka thlarau tan sangsawm zingah a tha ber.

Ka mangan, lungngaih zawng zawng la bovin a phur ta,
Thlemnaah ka kulhpui nghet a ni;
Atan engkim kalsanin thinlung milem biak te,
Ka tikehin tunah ama'n min vawng ta.
Khawvelin min phat mahse Setana'n min thlemin,
Isua zarah ka tum ka la thleng ang.

Ama'n hetah min phatin, min kalsan hek lo ang,
Amah chu ringa aduhzawng ka tih chuan;
Meibang hual vel a awmin, hlauh tur a awm tawh lo,
Amaah chuan ka thlarau riltam a chawl.
Ropuina khumtir hun chuan a hmelmawi ka hmu ang,
Lawmna lui chatuan a luannaah chuan.

{He hla hi sap hla "The Lily of the Valley" tih atanga lehlin a ni}
[Translated into Mizo lyric from English hymn "The Lily of the Valley" (I have found a friend in Jesus)]

22 Apr 2014

Ruihhlo zunzam

Ruihhlo zunzam

Phuahtu: Lalsangzuali Sailo
Satu: Lalsangzuali Sailo

A rim a ra leh sakhming hriatloh khan,
Kan ram tlangdung tluan a fan zo ta;
Sualna tuifawnin rawlthar dawntuaite,
A chimpil mek e, a rapthlak e.

Vanglai parmawi a thliak,
Rawlthar vullai a chuai;
Ruihlo zunzamin a phuar hlawm ta,
Sakruang ah laitha reng a zam silo;
Chhantu an ngai ta an riang lua e.

Daifem an hrut ta lampui tluang zauva,
Thihhlo ngai reng in an kur hniai e;
A zun a sei ngei thau ang a vuan e,
Zoram parmawi te a thliak mek e.

Lungphuchawl an ti, a O.D an ti
Famrolungmual ah an liam zel e;
Thlunglu a hai ngei, thinlai a na lua,
Chun leh zua kan tap, a pawi ngei mai.

A hri a sel nun tihmelhem zo tu,
Rauthla leh hringnun a fam tir a;
Dawidawi sual hlo pai a sumtin dawng tu,
Puan ang i hnawl ang Zofaleng hian.

Aw, chhantu an ngai ta,
An va riang em!
An riang lua e!