29 Apr 2014

Lungrukah duhthu ai ang sam ila

Lungrukah duhthu ai ang sam ila

Phuahtu: Lalzuithanga
Satu: Lalropuii Pachuau

Lungrukah duhthu ai ang sam ila,
Zantiang chhawrthlapui eng ri riai hnuaiah;
A ruk te'n senlai nau ang nui dunin,
Lungrual te'n tlai khua pawh var dunin.

Aitenawn par sakruang buan ang pawm chu,
Tuarhar suihlunglen puan ang ka bang thin;
Ka chawi ang che duhte'n ka tang laiah,
Enchimloh saron par vul lenmawi.


Ka ngai lo'ng khuarei zamual liam hnu hi,
Ainawn par sirah ka belh lai hianin;
Ka bang thin nau ang ka tah lai zawng te,
Ainawn par tangah ka pawm laiin.

Thinlai chhum ang zing a kiang zo thin a,
Tlai nemah biahthu tinkim hril dunin;
Nang ang renga thinlai min hnem thiam hi,
An awm lo'ng vaihnuai he lei chinah.

Kumsul vei khuarei chang thei tak ang maw,
Hmangaihpar tlan suihlung kan rual lai hian;
Thennan lenkawl ni chhuak in a mawi lo,
Kumsul vei khuarei a chang hnehin.

Hmanah Zawlpal Tualvung rauthla iang in,
Lengdun ila vanzawl phengphe leng an;
Suihlungrual nileng a partin lawrin,
Lendun ila indi bang lovin.

Mitthla a lang hlimthla

Mitthla a lang hlimthla

Phuahtu: CFL Hmingthanga
Satu: CFL Hmingthanga, Lalropuii Pachuau

Sikni ianga  khel lo te'n maw,
Hun leh ni kan tiam vawng zelin;
Chun leh zua te'n min tuahrem a,
Run hmuna nang nen kan len dun ve hun chuan maw;
Silhpuan nem zawnin ka tangah i bahsam chul leng siau siauin,
Tawnmang ram nuama chen thlengin ka pawm nang che.

Mitthlaa lang hlimthla mai zawk em lo ni le?
Ka thai chang lo tur chuan ka phal thei mawlh lo che;
Han dawn ve thin che maw, nang nena kan tiam thu di?
Suihlung rualtea kan lendun lai zawng te.

Tin, ka tiam ang khan kei chuan e,
Mualzapui kar dan atangin;
Ka rawn pan che in vangkhuaah,
Ka hriat loh zuapa run in chhung belin maw;
Biahthu leng tinkim sep duna, kawplai di nei zawng hrilh chuanin,
I hmangaih ber paw'n nuthai a chang min lo ti.

Thlafam chang sulhnu iangin e,
Mahriak tea lam ang letin biangah luaithli a lo luang a;
Aw, a thui ngei e, lam ang letna lamtluang,
Kan run lawi leh pawh ka zuam lo;
Chun leh zua engtin hrilh ang i maw?
A na lua ka ti, ka tuar chhuak zo lo'ng e.

Dawn tisei tura'n

Dawn tisei tura'n

Phuahtu: RD-a Ralte (Dreamhunter)
Satu: Dreamhunter 

*Aw, ka thinlaiah i hlui dawn si lo,
Zamual min liamsan tawh mah la;
Nang nen kan lenlai ni nghilh thei hian ka mawi si lo,
Biahthu min hlan zawng te nen.

Dawn ti sei tura'n maw, nang ka lo tawn che? 
Nghilh ni reng i awm dawn nem'aw;
Nang nen runhmun lendun a rem tawh si lo,
Lungrukah tah zai ka rel leh thin.

Rinawmin tia biahthu min hlan zawng te,
Tawnmang mai an chang zo ta si;
Lengdang tang belin khiangawih zai pawh rel mah la,
Thinlaiah i hlui dawn si lo.

Hun inher liamin kumpuisul ang lo vei mahse
Nghilhni reng i awm dawn lo
oh...ohhhhh
oh...ohhhhh

repeat *


28 Apr 2014

Tum tawk leng

Tum tawk leng

Phuahtu: C Lalramliana
Satu: C Lalrinmawia, Mama Chhangte

Mahriak awm khawhar lunglen zual changin,
Ka ngai mang e nunhlui zamual liam hnu;
Ngai chung zela then hnu ngaihlai mi u,
Khawia'n tuan che maw?

Duh te'n lengdang tangnem belin maw run i rem?
A riang thinlaina tur reng hi dawn lovin;
Kei chu vanduai khuanu leng ruat reng ka lo ni,
Tum tawk leng an piang si lo.

Thinlaina hi dam ni reng a awm dawn lo,
Khua lo ngui, aw, lunglen a zual em mai;
Tuahrem loh di chun leh zua hal vangin maw,
Lung min hersan le?

Theichang ve se mualzapui kar danah,
I siang lawina run mah te'n fan ka nuam;
Ka hlimna leh lawmna ber ngaihlai mi u,
Khawia'n tuan che maw?


Thlan nung

Thlan nung

Phuahtu: Lalsangzuali Sailo
Satu: Lalsangzuali Sailo, Lalhmingliana (Hmingtea)

Rauthla chhingmit lenin ka thlir a,
Dai lung rawn Saikhaw chhuahtlangah;
Rolung tlarah fal tein, fam rolung khawhar riang a ding a,
Chu ngei min chawi liantu chunnu a zalna.

Thlan nung, thlan nung,
Ka chun fam hnu zalna;
Thinlaia'n a hlui love (eee),
Chun hmangaihna a sei tawp ni awm lo;
Nun dik lamtluang chhui rawh mi lo ti,
Chun rauthla lengin biahthu ro min ban.


Kum hei leh chen mahte a zalin,
Khuangruah pui sur hawktui luangte;
Tur nisa virthli leng pawn a len zo lo, a tleng zo lo ve,
Chun hmangaihna a ril, a fiah, a mak ka ti.
 
Hram thiam sirva lelte a kiu ve,
Siamtu Khuanu leng an awi bang lo;
Ka chunnu Van Lal nghahna,
Pial lei hmun riang kan tan a hlu e;
Hrai leng te lairila'n chul thei dawn lo.



27 Apr 2014

He khawvel thihna Jordan

He khawvel thihna Jordan

Phuahtu: Laltanpuia (Sialsuk)
Satu: Thangbuaia, Zoherliani, Chhiahtlang Sailam veng Kohhran zaipawl

He khawvel thihna Jordan tuipui fawn vel hi,
Chhuahsanin ka chhandamtu'n a hnenah min hruai ang;
Kalvaria hnehna ropui chu,
Chatuan hla mawiah kan rem kumkhua tawh ang.

Aw, ka nghakhlel ka Chhandamtu, i huntiam ni ropui chu,
Tah chuan lungngaih, nat leh inthenna reng a awm tawh lo'ng;
Min lo hmuak ang angel var nen, 
Chatuan rammawiah khian kan intawk khawm ang.

Thihna leh lungngaihna te'n min hual vel mahse,
Chhandamtu'n a hneh zo ta, aw, Kalvari tlangah;
Lungngaih buaina a awm tawh lo'ng,
Ka Chhandamtu hmangaihnaa ka chawlhin.

Aw, hmangaihna hun lawmawma ka lenlai hian,
Thlaler thihna thim hnuaiah hian rum rih mah ila;
Khawvel nawmsakna zawng lovin,
Chatuan van lawmna khian mi rawn vur ang che.


-----------
#mizo khawhar hla #mizo hla thu # khawhar hla #lusun hla #hlathu #mizo lyric

25 Apr 2014

Hrilh nawn fo che ka duh

Hrilh nawn fo che ka duh

Phuahtu: C. Ropianga
Satu: PBK Liankhuma, Rosy K.Remsangpuii &Joy Zairemmawia (Trio), Lalremthangi Pautu

Leiah hian zawng manganna ten min nang fo thin a,
Mahse, thli leh tuifawn te a lo rehin;
Khawdur a kianga hlimni a lo chhuak thin,
Ka chawl ang, Lalpa i kiang ka lo thlenin.

Hrilh nawn fo che ka duh, ka damna i ni,
I ta ka nih hi hre lo i la chuan;
Thimin min tuam anga, mangannain min zui dawn si,
Mahse, hlimna thuruk Isua ka nei.

Achangin ka lak ata hla taka awm angin,
Ka hmuh theih piah lamah i thamral dawn thin;
Khawhar taka lei hringnun ka hman lai hian,
Lo hnai la, i aw min hriattir leh rawh.

Malsawma ka dawn te hi chhiar seng lo mah ila,
Rethei, tlachham nia inhriat chang ka nei fo;
Sual laka min veng thintu ka Lalpa chu,
Ka thlang zawk damchhung nawmsakna aiin.

Awmkhawhar changin i kutchhuak van boruak zau khi,
Suangtuahna thlazarin hlimin ka fang vel;
Chhiar sen loh arsi ram khi nangma kutchhuak,
Siamtu, aw, ka tan hringmi i chan le!


Isua thianah ka chhar ta

Isua thianah ka chhar ta

Phuahtu: Charles W. Fry
Satu: Zemabawk Pastor Bial Zaipawl

Isua thianah ka chhar ta, ka tan engkim a ni,
Ka thlarau tan sangsawm zingah a tha ber;
Phaizawl lily par mawina amahah chauh ka hmu,
Min silfaina leh min siamthat famkimna.
Lungngaiha min thlamuantu, buainaa ka rin chhan,
Buaina zawng amah bel turin min ti.

Phaizawl lily parmawi a ni, varparh arsi eng nen ,
Ka thlarau tan sangsawm zingah a tha ber.

Ka mangan, lungngaih zawng zawng la bovin a phur ta,
Thlemnaah ka kulhpui nghet a ni;
Atan engkim kalsanin thinlung milem biak te,
Ka tikehin tunah ama'n min vawng ta.
Khawvelin min phat mahse Setana'n min thlemin,
Isua zarah ka tum ka la thleng ang.

Ama'n hetah min phatin, min kalsan hek lo ang,
Amah chu ringa aduhzawng ka tih chuan;
Meibang hual vel a awmin, hlauh tur a awm tawh lo,
Amaah chuan ka thlarau riltam a chawl.
Ropuina khumtir hun chuan a hmelmawi ka hmu ang,
Lawmna lui chatuan a luannaah chuan.

{He hla hi sap hla "The Lily of the Valley" tih atanga lehlin a ni}
[Translated into Mizo lyric from English hymn "The Lily of the Valley" (I have found a friend in Jesus)]

22 Apr 2014

Ruihhlo zunzam

Ruihhlo zunzam

Phuahtu: Lalsangzuali Sailo
Satu: Lalsangzuali Sailo

A rim a ra leh sakhming hriatloh khan,
Kan ram tlangdung tluan a fan zo ta;
Sualna tuifawnin rawlthar dawntuaite,
A chimpil mek e, a rapthlak e.

Vanglai parmawi a thliak,
Rawlthar vullai a chuai;
Ruihlo zunzamin a phuar hlawm ta,
Sakruang ah laitha reng a zam silo;
Chhantu an ngai ta an riang lua e.

Daifem an hrut ta lampui tluang zauva,
Thihhlo ngai reng in an kur hniai e;
A zun a sei ngei thau ang a vuan e,
Zoram parmawi te a thliak mek e.

Lungphuchawl an ti, a O.D an ti
Famrolungmual ah an liam zel e;
Thlunglu a hai ngei, thinlai a na lua,
Chun leh zua kan tap, a pawi ngei mai.

A hri a sel nun tihmelhem zo tu,
Rauthla leh hringnun a fam tir a;
Dawidawi sual hlo pai a sumtin dawng tu,
Puan ang i hnawl ang Zofaleng hian.

Aw, chhantu an ngai ta,
An va riang em!
An riang lua e!

21 Apr 2014

Lairam par dawh

Lairam par dawh

Phuahtu: Lo Riak
Satu: Van Dawt Cin (Moe Moe)

Maw iang khun, Lairam par dawh,
Khuaitizu tlan un fingtlang tamhmuaihtu lengval hna;
Lai tuanbia, dawh an tial cang,
Nang le kei kan chan ah dawh khun in tial ding kan si;
Pupa keneh zulh in Lai tuanbia pehtu ah,
Zingnu nih nang le kei lai ram ah a kan semter.

Kan ram iang ngeih tertu chokhlei, dingdi, vaurawng, senhri,
Tlang sang par nan sinak nun hi;
Nan phahnak hmun  kip le ram kip Ah philh hin lo tein,
Lairam dawh tertu par nan si,
(Kan zahpi lai lo kan semnak kan dawt kan Lairam caah, 
Par ve dingah Lairam nih robia an cah)

Kan Lairam, kilhkamhtu le, hmaihngal tertu,
Kaamlo chuncha "Vakok" nun dawh bang;
Kan tlanh mi Lairam pardawh,
Kilhkamhtu ah, lai lungput le zumhtlak kan sinak;
Kan Lairam lilen tihphengtu pasal tha ah,
Bawipa nih Lairam Caah, rian khinh mi kan si.

Lairam dirhtu tungtlang pupa hna caan liam cang,
Thangthar seino tuan caan a cu cang;
Maw lai ram iangngeih tertu pardawh,
Miphun rimhmui tertu dingah,
(Kan zahpi lai lo kan semnak kan dawt kan Lairam caah,
Par ve dingah Lairam nih robia an cah)

Lairam pardawh tlantu lai hrin,
Semnak kan laihri tannak;
Pater dingah Lairam nih Robia an cah,
Zaihla dawh in Lairam nih Robia an cah. (Repeat)



 - lai hla/lai song/lai lyrics/lai hlathu/ van dawt cin lyrics-

17 Apr 2014

Kan khawvel ni a kin hunah

Kan khawvel ni a kin hunah

Phuahtu: Rokunga
Satu: Zemabawk Pastor Bial Zaipawl, Mafaki

Kan khawvel ni a kin hunah,
Lei hlimna a kiang ang;
A mawina leh ropui na te,
An lo ral vek tawh ang,
Tawtawrawt a lo rik hunin,
Lal hmel a lo lang ang;
Vanin khawvel a au ang a,
Lal hma a ding turin.

Sumdawngtuin a sum zawng zawng,
Kalsan a tul tawh ang;
Loneituin a thawhrimna,
Chawlhsan a tul tawh ang,
Thuhriltu leh zaipawl zawng zawng,
An lo reh thuap tawh ang;
Vanin khawvel a au ang a,
Lalhmaa ding turin.

Aw, hun ropui, aw, hun mak tak,
Rorelna ni tur chu;
Krista Lalin ro a rel ang,
Lalber te Lalber chuan, 
A rorel thu a puang ang a,
Ringlote an khur ang;
"Ringtute lawmin lut rawh u,
In chatuan hmun vanah."

Rorelna chu an zawh hunin,
Inthen a tul a tawh ang;
Hmangaihtu leh hmangaihte pawh,
Inthen a tul tawh ang,
Mipui sang tam tak tahna nen,
Hremhmun an her liam ang;
Mifel te chu an Pa ramah,
Ni angin an eng ang.

Silfaina

Silfaina

Phuahu: Rev. Remlalfaka
Satu: Mizoram Synod Choir

Thisen hlu, Kraws thisen,
Chu thisen chu sang tam tak tan damna a ni;
Aw ava han lawmawm em,
Mitin tana chhandamna,
Min silfaitu Beramno thisen.

Silfaina tuinung thisen hlu ah chuan,
Thiltihtheihna hlu tak chu a awm;
Chu chanchin lawmawm chu kan puang zel dawn ram tin ah,
Thiltihtheihna a awm thisen ah.

Thisen hlu (Silfaina), Kraws thisen (Thiltihthei),
Chu thisen chu sang tam tak tan damna a ni;
Aw ava han lawmawm em,
Mitin tana chhandamna,
Min silfaitu Beramno thisen.

Misual bawlhhlawh ber te min silfaitu chu,
Aw Beramno thisen hlu a ni;
Hringfa sual a bo hnu min tlanchhuak leh ta,
Thiltihtheihna a awm thisen ah.

14 Apr 2014

Aw hmangaihna a sang lua e

Aw hmangaihna a sang lua e

Phuahtu: Lalruatfela Pachhuau
Satu: Lalruatfela Pachuau & Liandingpuii, Grace Lalchhanhimi

Rinnain thlir teh, Kalvari tlang saw,
Zawlnei thih dan a ni lo ve;
Vanlal ropuina sinin an sawi luruh hmunah,
Thing anchhedawng Kraws a pu a;
Anchhedawng Kraws lera khai kanin,
Khawvel sual zawng a phur ta.

Aw hmangaihna, chutiag em a hmangaihna,
Eden bawhchhiat ka hringnun hian;
A phak lo, a phu mawlh lo,
Sualbo tawh hnu thisen chhuakin; 
Min rawn tlan ta,
Aw hmangaihna, kan tana sang lua e.

Van ropuina pawh thlahlel thei lo,
Suala bo hnu min tlan a;
Ranthleng leh thing achhedawnga tuarin,
Min rawn tlan ta a;
Van ropuina hlip thlain kan bawhchhiatna sual kai dum,
Min tlenfai sak ta si a.

A hnuk a chah dawn lai khan e,
Khengbettu tan a tawngtai a;
Tiang ema hmangaihna hi engmah hian a man zo lo,
Kei misual tan a sang lua e;
Hring ka chan chhung hi rei mahse,
Ka sual man ka rul seng lo.

Ka dil loh zawk malsawmna

Ka dil loh zawk malsawmna

Phuahtu: H.D Lalthanpari
Satu: H.D Lalthanpari, Ramhlun North Pastor Bial Zaipawl, Isua Krista Kohhran Aizawl East Bial Zaipawl, Melody V.L Hmangaihzuali, Evelyn Lalremsangi

Ka Lal remruat dan hi a va mak em!
Ka hrethiam phak ngai lo hmangaihna awmzia hi;
Hausakna ka dilin retheihna in min bawm a,
Hlimna ka dilin lungngaih chhum ka tan a zing;
Hriselna ka dilin bawrhsawmna in min bawm.

Ka Lal remruat dan hi a va mak em!
Hringnun atanga hriatthiam chi a ni lo ve;
Ka retheihna hian ka Lal hmel min hmuh tir zawk a,
Ka lungngaihna hian ka lawmna tur min entir;
Ka bawrhsawmna hian ka Lal min ngaih zual tir thin.

Ka dil loh zawk malsawmna ka chungah Lalpan min vur a,
Ka tana tha tur zawk in ro min rel sak;
Chatuan nun kawng zawhna ngei chu,
Malsawmna hlu, chatuan malsawmna.

Ka Lal remruat dan hi a va mak em!
Ka mihring rilru ngaihtuahna hian a phak lo;
Remhriatna ka dilin ka ngaihtuahna a buai thin,
Dawhtheihna ka dilin thinurna a lo thleng,
Chawimawi ka nih laiin hmuhsitna ka tawng thin.

Ka Lal remruat dan hi a va mak em!
Hmangaihna vanga ka tan ro a rel dan hi;
Ka buaina hian chatuan kawl eng min hmuh tir zawka,
Thinura ka awmin dawhtheih dan min zirtir;
Hmuhsita ka awmin a tlawm lai hmel ka hmu.


Malsawmna bul

Malsawmna bul

Phuahtu: C.Luri
Satu: C.Luri, Evelyn Lalremsangi, Lalhminghlui

Malsawmna leh duhsakna vannneihna kan chan te hi,
Khawi lam atangin nge maw a lo kal?
Engkim siam a enkawltu kan tlantu leh chhandamtu,
Malsawmna zawng zawng bul i lo ni e.

Aw Lalpa, theihtawp chhuahin thinlung in kan fak a che,
Malsawmna zawng zawng bul i nih vangin;
Hmangaihna leh lainatna, khawngaihna, chhandamna te,
Malsawmna zawng zawng bul i lo ni e.

Vanduaina a lo thlenin, hrehawmna kan tuar pawhin,
Manganna, lungngaih kan tuar lai hian;
Hmangaihtu leh lainattu, duhsaktu min pe zel a,
Malsawmna zawng zawng bul i lo ni e.

Lungngaihna leh harsatna, hreawmna kan tuar lai hian,
I hmangaihna rinhlelh tur a awm lo;
Hriatthiamna te min pe a, aw tlantu, kan fak a che,
Malsawmna zawng zawng bul i lo ni e.

Aw Lalpa, kan fak a che, chawimawina ropuina te,
Kumkhuain i ta ngei tur a lo ni;
Vanramah min hruai hunah chatuanin kan fak ang che,
Malsawmna zawng zawng bul i lo ni e.

Khualzin tan

Khualzin tan

Phuahtu: Dr. Ramdinthara Sailo
Satu: Lalhmuaka

Khawvel tah leh buaina karah hian,
Ka nunna chu Lal Isua ta a ni;
Kawng hlauhawmah leh hmun raltiah pawh,
Ka khualzin kawngah min hruaitu a ni.

Aw hruaitu, ka kawng min en tu,
I enna ka tan nunna a lo ni;
I kut ata engman min ti buai lo'ng,
Aw hruaitu ropui, lawmthu kan hrilh che.

Khawvel fangin hriatloh karah pawh,
Khawpui lian kawtthler bo hlauhawm karah;
Khawvel pum a thuneitu Lal Isua,
Ka thian rinawm leh min hruaitu a ni.

Khawlthil leh lirthei chhiatna hlauhawm,
Khualzin kawng zawhin chhum chungah thlawk in;
Kar kawng lamtluang khawhar kal mah ila,
Ka Lal Isuan min kalsan dawn silo.

Ka nun hian hreawm te tuar thin in,
Ka zin kawng hi ralmuang lo mahse;
Ka zinna ram khawvel ka pelh hun chuan,
Ka vaninah ka chawl kumkhua dawn si.

13 Apr 2014

Lal i ni

Lal i ni

Phuahtu: R. Vanlalzauva
Satu: Lianthangpuii, Lalruatdiki

Van leh khawvel zawng leh,
Khawvel thil zawng te nen;
Lal a ni a siamtu chu,
A lalna hre lote an tam ngei khawvelah,
Thuneina zawng pawh a ta a ni.

Lal i ni khawvelah,
Mahse, i lalna a lang tlem e;
Mi tam tak thinlungah khawvel a lal maw?
Lalna hmun i chang i lo em ni?

Chawimawina, fakna zawng, ropuina, mawina nen,
Lal i ni, i ta a ni;
Kei fak reng ka ngai lo,
Chawimawi tlak ka ni lo,
Nangin changin nei zel rawh Lalpa.

Ka thinlung chhungah pawh,
Khawvel thil tam tak ten;
Lalna min rawn chuh mek e,
Mahse, aw hmangaihtu, i lalna thinlungah,
Awmin, chengin, lal ber fo ang che.


12 Apr 2014

Lengdang chhai tawh mah la

Lengdang chhai tawh mah la

Phuahtu: Rohmingthanga (Raw-a)
Satu: Lalropuii Pachuau

Awmhar run nghah changin a thar leh thin,
Ka dawn vela nang nen lungrual lai ni;
Kumtluanga samang then tur reng hian maw,
Lengdang tang i belh tak le.

Chulhnu nunhlui han chhui kir chang ni hian,
Nang ngaih a zual tahna titam mai thlawn;
Anem thei dawn lo nang ngaih lunglen hi,
Lengdang chhai tawh mah la.

Nghilh bik lo la lenlai mualliam hnu zawng kha,
Ka tan par ang i vullai ni zawng kha;
Nghilh thei reng hian ka mawi ve tawh si lo,
Suihlunglen ka hril seng lo.

Nang ngaih hian chim lem a nei thei dawn lo,
Senlai nau ang tah chang tam tawh mahse;
A har ngei e zanmu chhing ka dawn hian,
Hlimlai ni zawng te kha.

Chulhnu nunhlui han chhui kir chang ni hian,
Nang ngaih a zual tahna titam mai thlawn;
Anem thei dawn lo nang ngaih lunglen hi,
Lengdang tang bel mah la,
Lengdang chhai tawh mah la.


11 Apr 2014

Sem sem chan chan

Sem sem chan chan

Satu: Lalsangluaia Renthlei

Thibeh loh tan chuan vuivaina ram,
Tlangchhuak bai al liak pha ho chu lian tual tual;
A ruh no no chhuak ah,
A ruh no no chhuak ah.
Thenawm khawveng zuankhum a ramthim vei,
Mite rahbeh hniallo kei kei;
Politics kan khel a nih chuan thiangten,
Zoram siam that nan kan hmang em le?
Hmasawnna chang thlan a Lal tiang belhin tumteh u.

Zoram ah hian:

Khawnge Zonunmawi kha?
Lal ngailo lal ana, an lal a kha em ni le?
Sem sem chan chan, ei bil puar puar,
Kan ti zawk ta em ni?
Kan zonunmawi khawnge i awm tak le?

Zuntei nu min siam leh dawn nge?
Beramno khuhmawi chinghne koham;
Thudik chanve hmanga sermon ropui te u,
Sermon a ropui te u,
Hnam a chiang Mizo nun hnuaichhiah tu,
Mahni mawnghlim tu western duplicate;
Mahni inla nghet uitang hawlh ang mai,
Kan hlimthla dik tarchhuak tu mausam ching,
Mahni mawngkhak hmulo inti vei mai kan ni.

Dikna rapbet in milian mite kan bang lo,
Rinawman in belh tur a vai an ti Zoram ah.

Thangthar te u, ramchhan tu te u,
Mizoram hian chhantu a ngai em e;
Hnamchhantu te pawh an lo harh ve ta,
An lo harh ve ta,
Zonun zemawi chawisang tur hian,
Kan puanven i sawi chhing ang aw;
Therhlo in nitin zahawmna kan hralh em ni,
Thu them tak pawh bansan duhin,
Zonunmawi ngei kha i kai tho leh ang u.

------
A hla chang tawpber tlar tawpber dawttu tlar hi a dik tak kan hre thei mai lo a, kan hriat danin kan tarlang tawp a, a dik zawk hria chuan comment lamah min lo hrilh dawnnia.
Di enchim loh

Di enchim loh

Phuahtu: Lalsangzuali Sailo
Satu: Mamawii Colney, Debashree, Lalropuii Pachuau

Par ang ka lawm lai,
Di ka enchim loh;
Kan tuanna tlang dang,
A leng vawng vawng i tawnah.

Hmangaihber Valmawi,
Min han dawn ve maw?
A na, i zun a uai,
Nghilh har di lungrun;
A zual i zun ngaih,
I nghak zel ang, 
Run hmun len dun hi.

Hmelma anka maw,
Biahthu hlan vel che?
Engdang vang nilo,
Riang min chantir mai tura'n.

Lungrual tea aw,
Sawi remsa biahthu;
Zaiin chawi nang e,
I tan chauh, aw, kumtluangin.

7 Apr 2014

I tan hmangaihna

I tan hmangaihna

Phuahtu:  Lallianmawia Pachuau
Satu: Lallianmawia Pachuau, Lalropuii Pachuau, Vanlalhmangaiha ft. Jenny Jathang

Par ang vulin mawi zel la e,
Uai lo te'n, aw, ka enchim loh;
I tawnah ka hmangaih biahthu,
I tan chauhva ka lo hlan tawh 'hmangaihna chu',
Khiangawiin liampui lul suh aw.

An sawi hmangaihna rinawm chu,
Her dun zelin inhlan ang aw;
Mate, i tan ka hmangaihna,
A chuai ngai lo ti zel ang aw.

Ngaihlai a zual i zunleng zam,
A na asin, ka dawnthar te;
I tang nema ka bei lai hian,
Hmangaihna rinawm chu hlanin min pawm ve la,
Buan ang pawmin min hnem rawh aw.

Engtikah herchhuak ve ang maw,
Run hmun zauva kan len hun tur;
Run hmun zauva kan len hun chuan,
Chhum ang zing thin lungngaihna leh manganna te,
Enchim loh Di, i hnawl tawh ang.

3 Apr 2014

Hunpui inthlak chu

Hunpui inthlak chu

Phuahtu: Dr. L.B Sailo
Satu: Kohhran Thianghlim Zaipawl

Hunpui inthlak chu alo thleng khaw thianghlim ah,
Mitin an chiai zo autu rawl an hriat in;
Inthawina parchhuang in a hnem zo lo Puithiam rual te,
Zawhna kengin "Krista i ni em?" tiin an zawt.

A chhiahhlawh aw mawi tak chuan mahni inphat in,
"A pheikhawk hrui phelh tlak pawh ka ni lo" a ti;
An buai zo ta, an nghah Messia chu a ni thei em tiin,
Khawvel sual kalpuitu tur chuan lei hi a rap ta

A lo sialtu iangin kei pawn ka lo hmu ta,
Thlarau mitdel min tidam ta tunah hian;
Amah hi a ni zawlnei ten an hrilhlawk,
Krista lungawina kim chatuan atan ka lo nei ta.

1 Apr 2014

Aw Isu, min kai ang che

Aw Isu, min kai ang che

Phuahtu: Rokunga
Satu: Mizoram Synod Choir (2012-2014)

Aw ka damlai tuipui fawn.
Sualthlipui hrang karah hian;
Boral in ka pil thei dawn,
Aw Isu, min kai ang che.

Khawdur leh thlipui hlauhawm,
Tuipui fawn inchhawk ri nen;
I hnen lam ka rawn pan e,
Aw Isu, min kai ang che.

Damlai ropui nawmsak na,
Thlemna ten min chim mahse;
Hrui ang ka vuan ngam love,
Aw Isu, i tello chuan.

Suanglungpui hriamin mi hliam,
Tidamtu ka ngai mang e;
Min tidam min silfai la,
Aw Lalpa, i ta ka ni.

Damlai tuipui Galili,
Tuifawnin min khuh mahse;
Ka chhungah Vanlal a mu,
A tawk e, Lalpa nang nen.


----------------------
#Mizoram synod choir new album#mizoram synod choir latest video#mizoram synod choir hla thar
Little Angel (Lullaby by Michael M. Sailo)

Little Angel (Lullaby by Michael M. Sailo)

Lyrics: Michael M.Sailo
Song: Michael M.Sailo

Hook:
Little Angel don't you cry I'm gonna sing you a lullaby
Were gonna make it through the night so close your weary eyes
Little Angel don't you cry I'm gonna give you a rock a bye
I'm gonna wake you with the light so close your weary eyes

Verse 1:
Little angel, I know there's a lot botherin you
My conscience tells me this ain't gonna do
I don't even know how I'm a get this through
But in time you'll understand how we act a fool
There were nights when I knelt beside your bed
Wishin all the tears you cry were mine instead
Held the pillow restin your weary head
As I put aside the bed time stories we read
At times, I think I failed you as a dad
With these memories of the good times we had
Picnics as a family of three, shop for candies and Ice Age on DVDs
The evenin the doctor pulled out your first cavity
Beneath the pillow was a 20 for the tooth fairy
But life is such, the ones you love gotta go
How come how long I guess we never know
I'm a do whatever it takes, through the bends and shakes
Bruise and aches and I'm a watch you grow
Its scarymaybebaby, you gotta be strong
Close your eyes as I play you this song

Verse 2:
There were nights you couldnt understand
When I made you do things after you said you cant
Made you stay up late way past your bedtime
You kept missin lines from your nursery rhymes
And you know though you hated, it left you educated
Full marks as stated, you earned it dedicated
Never would I leave birthday kisses belated
Rest assured together were gonna make it
Cherish the moments you wake me every morn
Never seem to stop smilin since the day you wuz born
I'm sorry you called me at the office the other day
The lady had to tell you daddy wuz away
The truth is Id rather hear your voice
After all you're my little girl, my one and only choice
Id rather give you piggy back rides
My arms on your side like ain't nothin else left to hide
My hands on your tummy make you laugh when you're grumpy
Chase you cross the halls like Tom & Jerry
And I promise I'm always beside you girl
Even long after death, till the end of the world


Verse 3:
Last night, after the bedtime prayer
At the open diary I started to stare
Could'nt help but notice, could'nt help but care
Little angel, sometimes its hard to bear
And I know I'm the reason those tears fall down
I see it in your heart when you don't make a sound
It didn't work out between me and your mom
I could'nt let the separation do you no harm
I know it ain't fair of how were both livin
Deprive you of love you should be receivin
Age don't seem to make nobody wiser
Plus with the trauma, we started the drama
As grown ups we still do silly things
Pride makes us fight over small little things
This world that we live in is kinda complicated
Few years from now you'd probably understand it
Till then I hope you find a reason to smile
Though its messed up what parents do to a child
And hope you forgive what you're mommy do
Deep down in your heart you'd forgive me too

Zika

Zika

Music & Song: Scavenger Project feat Various Mizo artistes

You have lived with us
Breathe the air with us
Soaring high above us,
You watch our every move
Through the rainy days
Through the summer days
And when the winter falls
We fight the cold together
But now you're gone,
While there's still so many things
I wish I'd say to you
Now you're gone, you'r gone

* Put on your mourning dress
With black let us confess
He cannot be replaced
Zika, kan ngai a che!

repeat *

You were the victim of
Some fool's immature mind
Their dirty deeds had drained
The life out of you
you were the city's bliss
It's you that everyone miss
we'll leave uur windows open
For you to come home
But now you're gone,
(while there's) still so many things
I wish I'd Say to you
Now you're gone, you'r gone

repeat *
repeat *
repeat *

-------------------
Translation:
Mizo: Zika, kan ngai a che.
English: Zika, we miss you.

Pawnfenfuali

Pawnfenfuali

Phuahtu: H. Lalringa
Satu: Lalropuii Pachuau

Suihlunglen mahten ka tuar thiam lo,
Ka dawnin nang nena kan len lai;
Ti maia sam ang ka then tur hi,
Tuar i har, lenmawi, tha pawnfenfual.

Ka dawnin thinlai a thar leh thin,
Partin tlana sirva te iang a;
Nunhlui mual liam tur i dawn lo'm ni?
Tuar i har, lenmawi, tha pawnfenfual.


Chung siar thangvan a lo kai hian,
Min ngaihtir kan sul i hnu zawng te;
Thamral an kei zawng ka phal love,
Tuar i har, lenmawi, tha pawnfenfual.

I rauthla ai ang a cham reng e,
Kianni awmthei hian ka ring si lo;
Hmangaihna parmawi min hlan sa kha,
Tuar i har, lenmawi, tha pawnfenfual.

Hrilh ka hai dawn mang e, valriangan,
Suihlungrual sam ang ka then tur hi;
I hai lo zaia ka chawi vala,
Tuar i har, lenmawi, tha pawnfenfual.


  ------------------
#mizolyrics #miz hlathu #mizo #lengzem #mizolovesong #mizohla #mizooldie #mizohlahlui