Friday, 2 May 2014

Isua zara ka ta

Phuahtu: Zama
Satu: K. Lalremruata, Pastor P.L Biakchhawna te nupa

Ka khualzin na ramah thlirin ka hawi vel a,
Malsawmna kan dawn te ti chung zel in;
An neih rosum chen in hlimlai par an tlan a,
Enge ka chan ka neih ve le?

Mahse, Lalpa aw mawi ka hriat chinah,
Hlimin ka khat lawmna mittui nen;
Harsat mangan lungngaih, ka tawn, ka chan te hi,
Isua zarah ka ta an lo ni si.

Lenrual duh te thlir in chun leh zua tang an bel,
An duh tin an hlan thin an kiangah chuan;
Theih chang ve se ti a, ka dawn chang nite hian,
Ka nun tapin a rum leh thin.

Mahse, Lalpa aw mawi ka hriat chinah,
Hlimin ka khat lawmna mittui nen;
Riangvai, chanhai, natna, ka tawn, ka chan te hi,
Isua zarah ka ta an lo ni si.

Hmuhsit, sawichhiatna te ka tawn chang nite hian,
Ka chhungril nun a chau a adang thin e;
Hringchan na ram khawvel ah hian ngui leh chau in,
Ka nun hliam in a awm leh thin.

Ka lo vuipui zawng ten ka nun hruaiin,
A hnen ka thlenna tur a malsawmna;
Harsatna leh sawichhiat chanhai natna te hi,
Isua zarah ka ta an lo ni si.


No comments:

Post a Comment