Wednesday, 6 August 2014

Dipui

Satu: Puibawihi

Chhingmit len a ka hawi vel in zaleng dang zawngte chu,
Kawpten tangah bei dun in hmangaih biahthu hlan in;
An hlim ngei ka chhailai di ka tawn ve hunah chuan,
Suihlung muang ten ka pawm vawng vawng ang a.

Na..na..naa.na..na..na..naa,
Tangah... ka tang nemah;
Tang nemah hlim ten bei hle hle in.

Lungkham neilo reng rengin i tangah bei ka nuam,
Sakhmelmawi i seih hian ka thinlai a hlim thin;
Chorual loh Dipui i kiang awm hi ka ning lo,
Chhun leh zan hun leh ni ka tan hlimna a ni.

Sakhmelmawi i kimtlang reng ka thlir ning thei dawn lo,
Iang zo lo zaleng zawng ten i sakhmel leh kimtlang;
Chawnbanah ka vuan nang che, rimawi rem pui turin,
Sirsawnin vanglaini kan chen dun zel ang a.

1 comment:

  1. Chang 2naa, Sakhmelmawi i seih "hian" tih khi, I seih "hianin" tih tur.

    ReplyDelete