30 Jan 2015

Kawngkhar mawiah

Kawngkhar mawiah

Phuahtu: Manase H. Saphmingthanga
Satu: The Leprosy Mission Choir

Kawngkhar mawiah, kawngkhar mawiah,
Lei hreawm na kan pel tawh ang;
Kawngkhar mawiah, kawngkhar mawiah,
Then tak te nen kan leng za tawh ang.

Khawvel sualna tuipui lianin,
Chhandamfate nitin min len a;
Mahse, chatuan khua a var hunah chuan,
Min chim tawh lo'ng kawngkhar mawiah.

Kawngkhar mawiah, kawngkhar mawiah,
Lei hreawmna kan pel tawh ang;
Kawngkhar mawiah, kawngkhar mawiah,
Then tak te nen kan leng za tawh ang.

Krista tana rawngbawltute,
Tap leh rumin awm mah ila;
Kan lungngaih mittui zawngte,
A hul tawh ang, kawngkhar mawiah.

Kawngkhar mawiah, kawngkhar mawiah,
Kan rumna zawng chu a bo tawh ang;
Kawngkhar mawiah, kawngkhar mawiah,
Lungngaih mangan a kiang tawh ang a.

Chatuan khua a var hunin,
Kan lut ang kawngkhar mawiah,
Tlantu Beramno chu kan fak tawh ang.
uuuu....uuuuu.....

Ran thlengah hmun tlawmah

Ran thlengah hmun tlawmah

Satu: Vohbik, Kimkimi, RTC Lalduhawmi , Stacy Punte

Ran thlêngah hmun tlâwmah, mut hmun awm lovah,
Nausên Lal Isua’n a lu a nghat a;
Vân arsi eng tak chuan a mutna a ên,
Nausên Lal Isua pianna hmun tlâwm ber.


Ran thlêngah hmun tlâwmah, mut hmun awm lovah,
Nausên Lal Isua’n a lu a nghat a;
Vân arsi eng tak chuan a mutna a ên,
Nausên Lal Isua pianna hmun tlâwm ber.

A kiangah ran rualte an lo awm laiin,
Nausên Lal Isua a harh tap lovin;
Ka ngai che Lal Isu, vana’n min thlir teh,
Khawvâr lo thlen hma hian ka kiangah cheng teh.

Min hnaih la Lal Isu, tunah ka ngen che,
Aw, min awmpui fo la, min hmangaih ang che;
Naupangte malsawmin min awmpui fo la,
Vânah nangma hnênah ka chen ve theih nân.
 

6 Jan 2015

Duhlai zun ngaiin / Pipute thurochhiah

Duhlai zun ngaiin / Pipute thurochhiah

Phuahtu: T Lalnunzama
Satu: C. Vansanga, Gospel Lalramhmangaihi

Panlai hringnun ka han dawn a,
Min chawi tlei tu chun leh zua te'n;
Ka duh tinreng min tih sak a,
An hraileng ka hlim turin.

Tunah hai ang lo thang lianin,
Rawlthar hringnun ka lo zawh a;
Ka hmangaih ka enchim loh chu,
Sirah an hnawl chun leh zua te'n.

In hraileng thinlai a tap e,
A duhlai thamam zun ngaiin;
Ka tan chuan maw, a hlu chuang ngei,
Min duhsakna zawng ai pawhin;
Famdairial ka chan pui hma hian,
Dawn kir ve r'u, chun leh zua te u, 'in hellai nun'.

Pipu te thurochhiah pawhin,
"Duh loh leng nen runrem ai chuan;
Hmangaih nen bahra khur chawh pawh,
A thlanawm," an lo ti a sin.