Saturday, 18 April 2015

Hmangaihna mittui

Satu: Joseph Zaihmingthanga

Tinkim ka han dawn thin a,
Thinlaiah a thar leh thin;
Nang nen a suihlung rual a lenlai,
Nghilh thei hian ka mawi nemaw.

Aw, khawi ah nge min hnemtu kha,
Ka zawng thin che a lenrual zingah;
Hmangaihna mittui leh pangpar,
I tan rimtui ah ka hlan che kha;
Tunah athlawn mai an chang leh si,
Tuar thiam a har, aw, a na,
Hrilh ka hai ngei e, lunglam ka vai.


Lenrual te chu chhailai di nen,
Hlim ten an leng an nui hiau e;
Min dawnpui lo ka chan khua ruai,
Sulhnu chhuin ka vai leh si.

Khartung sawnin in,
Lawi leh ka nuam i kiangah ngei;
Kan zalna laikhum thlehnem hi,
Mahten ka chul zantlai nemah.

No comments:

Post a Comment