26 May 2015

I hnen ka lo kir e

Phuahtu: R.Lalremruata (Parema)
Satu: Pensy B.Lalthangliani


Isu chhandamtu i kebulah ka lo kun e,
Ka thinlung hian aw Lalpa nang chauh a duh fo thin a,
Mahse, he thinlung hian sualna ral a do zo silo,
Ka sualna zawng min hneh sak turin I hnen ka lo kir e.

Isu, hmangaihtu, ka tawngtaina lo ngaithla la,
Ka mangan aw hian Lalpa, thlamuantu a au fo thin a;
Muanna nei thei tur hian, engdang reng an awm mawlh si lo,
Khawngaihtu Lal Isu ka ngai che, I hnen ka lo kir e.


Thlamuanna famkim ka chang ta, Isu i hnen a muanna,
Lawmna famkim tak mai chu ka lo hrechiang ve ta;
Ka thlahthlam phal tawh lo'ng che Lal Isu,
I hnenah chauh hlimna ka chhar ta, I hnen ka lo kir e.

Isu, ka thla hruaitu, I kiang a awm reng thei turin,
Thlarau in min hruai zel la, ka bo ka pil min phal suh;
I hniak hnung zui tur hian Lalpa ka theihna te tlem hle mahse,
Lalpa I chakna ring chung zelin I hnen ka lo kir e.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

2 comments:

  1. Chang 2-na, tlar 2-na khi
    Ka mangan âw hian Lalpa, thlamuantu a au fo thin a;
    Tih tur zawk a ni lo maw... Lalpa tih lai khi a in ziah hmaih tlat mai.
    A bakah chuan post tha lutuk a ni e

    ReplyDelete
    Replies
    1. kan lo siam tha e, kan tih hmaih i rawn sawi a, kan lawm hle mai

      Delete