Saturday, 27 June 2015

Mual hla kar dan

Satu: Lalbiaktluanga (Tetea)

Mual hla kar danah i liam ta a,
Aw, ka van ngai thin che em;
Nang nena kan lenlai ni kha,
Thinlai an a lo thar leh thin;
Mahten i awmkhawhar chang hian,
I dawn ve hian ka ring thin e.

Ngui ten tuan zai i rel ni kha,
Aw, ka thinlai a van zing ngei;
Awmdan pawh ka thiam dawn nemaw,
Lenrual zaleng zawng zingah hian;
Tlaini engmawi tuan zai i rel khan,
Aw, ka thinlai an a cham reng.

Chawlhtui ningzu ka han dawn thin a,
Kara ngaih tih reh nan tiin;
Mahse, reh lo a lo zual zel si,
Chhun nilen mahten hman chang hian;
Lenna tlangdang atang hian maw,
Tawn leh ni awm leh tak ang maw?

3 comments:

  1. Pu admin, changkhatna tlar thumnaah hian, "Nang nena" tih tur a nia, (tunah hi chuan "Nang nen" tih chauh a nia) chuan, changthumnaah tlartawpnaah hian "Tawn leh ni awm leh tak ang maw" tih zawk tur, ("leh" is missing).

    Thiam leh thiam lovin tukchawp tingtang nen he hla hi chu kan sa zing ve ngawt mai

    ReplyDelete
  2. Pu admin, changkhatna tlar thumnaah hian, "Nang nena" tih tur a nia, (tunah hi chuan "Nang nen" tih chauh a nia) chuan, changthumnaah tlartawpnaah hian "Tawn leh ni awm leh tak ang maw" tih zawk tur, ("leh" is missing).

    Thiam leh thiam lovin tukchawp tingtang nen he hla hi chu kan sa zing ve ngawt mai

    ReplyDelete
  3. @Lawma Khiangte, duhsak takin kan tihdik loh lai te i rawn sawi thin a, kan lawm em em e, i rawn sawi a diklo lai pawh hi kan siamtha tawh e.

    ReplyDelete