14 Jan 2016

An pan zel e

Satu: ATC Male Voice

Khawvel ropuina leh mawina te,
Kalsan in kan unau duhtak ten;
Lalpa kohna chu chhangin  ramthin ram reh ah,
An kal chhuak ta aw, Haleluiah.

Mittui nen buhchi an feh chhuah pui,
Mahse kirzai reng an rel silo;
Hreawmna leh manganna lo thleng mahsela,
Chhel leh huai takin an kal zel e

Rinna in hmalam an pan zel e,
Rethei leh manganna karah pawh;
An Lalpa thupek zawmin nunna thu la hre lo te hnenah,
Hmangaihna chanchintha chu huai takin an hril zel,
Chawllo in hmalam an pan zel e.

Khawvel miten hmusit thin mahse,
Tihduhdah hreawmna karah pawh;
An Lalpa thupek zawmin rinna chu vawngin,
Midangte tan an nun an hlan ta.

Leiah hian rethei in awm mahse,
Chawlhna ramnuam chu an thlen hun chuan;
Felna lallukhum khum in an eng reng ang a,
Hlim takin chhandamtu kiangah chuan.

Aw, chatuan khua a lo var hunah,
Hmangaih vanga rawng an bawl sak thin;
Chhandamtu Lalpa nen chuan hlim takin an intawk leh ang a,
Thlaraubo Lalpa hnena an hruai te zawng zawng nen,
Chatuan in hlimin an leng za ang.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

1 comment:

  1. A va tangkai thin tak em..Lalpa'n malsawm che u rawh se.

    ReplyDelete