Monday, 15 May 2017

Ka di tawn hun tur

Phuahtu: CFL Hmingthanga
Satu: CFL Hmingthanga

Suihlunglen changin in vangkhua thlir a,
Ka chhingmit len in ka hawi ruai ruai a;
Sakhmel hlim te a bahsam leng siau in,
Phai khawpui mawi a i tualchai tur chu.

Chhun ni herliam la kumpuisul vei rawh,
Hun leh ni chhiar a ka di tawn hun tur;
Her chhuak thuai thuai se,
Ka suihlungdum tu ka tawng leh mahna.

Hmangaihber dite in vangkhua pel in,
Kan run in chhungah riahrun rem ve la;
Sakruang in pawm a suihlungrual te in,
Sakhmel vullai ni i hmang chul dun ang.

Sikul run bel a pheilai vawr siau in,
Chhun ni hlim te in i hmang bik em ni;
Kei sirah hnawl a thaval dang tawnah,
Min liam san chuan maw ka tuar zo lo'ng e.

Chhuahtlang lamtluangah biahthu hril turin,
Suihlungrual te a pheilai vawr dunin;
Ka nghilh tawh ngai lo'ng ka hring dam chhung in,
Nang ngaih suihlunglen ban ni awm ang maw.



Min kalsan suh

Phuahtu: CFL Hmingthanga
Satu: CFL Hmingthanga, Thangromawia Thomte

Ka hlim ni leh lawmlai ni pawh a
Ka theinghilh ngai loh Mampui;
Sakhmel tawnloh ni a rei mang e,
Hlimten khua hmuna kan len hun chuan,
Tawnloh kar lunglen i hril dun ang aw.

Hmangaihna ka sawi thiam lo e aw,
I tello chuan hlimzai reng hi maw; 
Ka rel thei mawlh lo e,
Ka thuva nunnem min kalsan suh,
Khawngaih in e ka kiangah awm reng rawh.

Nang vang hian e zaleng dangte pawh,
I ta ka nih thu hi hrilh in;
Sirah hnawl in nang ka thlang thin che,
Kei aia hmangaih zawk dang i neih chuan,
Khawvelah damchhan tur dang ka nei lo.

Tlin lohna zawng zawng te in ngaidam tawn a,
Felna a inluah dun zawk in;
Hmangaihna chauh hi kan karah ding reng se,
Lei dam chhungni chhiar dun zel turin,
Hmangaihna chauh hi i vawng  zel ang aw.

Aw di bawihte

Satu: Thangromawia Thomte

*Aw Di bawihte aw nang nen,
Kumtluang in runhmunah lengdun ila;
An sawi runlum nuthai chang mai teh la, 
Bawihte, i tiam lo'ng aw nang nen thennan thu reng reng.

Kumsul lam ang lo veiin suihlung min lentu nang nen,
Biahthu thamral mai lo turin kan tiam a,
Ka dawn kir leh nang nen a suihlungrual lai khawi an nge,
Ka tuar zo dawn ne maw mahten awmhar lunglen.

repeat *

**Lunglen thu tin hrilh tur chuan tuanna dang rih thin mahse,
Lungphang lo na nge awmhar lunglen ni pawn;
Nangnen a hlimten laitual mawi a kan lenni te kha,
A herchhuak leh dawn lawm ni khuanu leng zaran.

repeat *

repeat **

repeat *

Nuthlawi zun

Phuahtu: Zamvela Ralte
Satu: Mangheta Chinzah

Ti hian duhthuleng kan han sam vel thin a,
Nuthai atan nula thami virgin ngei mai nise;
Sappui powder ngailo pianzei hmeltha nise,
Ka tih laiin nuthlawi zawk maw lo ni.

Nuthlawi mah ni la ka iai lo che,
Lei mawina tinreng pawn an iang zo lo che;
Rangka dartui leh lei rosum zawng zawng ai pawh hian e,
Ka thlang zawk che asin nuthlawi hmeltha.

Ka lenrual lungduh te chuan an sel thin a,
Mahse, kei lungmawl dawntawi val selloh biahthu hlan in;
Annem te a hraichawi ianga dam di diain tang an,
Min pawm meuh chuan tuar a har a ni.

Damlai hringnun hi ka han dawn vel thin a,
Hriatthiam a har a mak sawithiam a har lungmawl tan zawng;
Ami leng ten lanu leng ngei an tih laiin,
Kei zawng nuthlawi zun phur zo lo ka pai tiang tiang.

Edward lal hmeltha vanhnuai meuh thang chhuak khan,
Nuthlawi vangin lei lal crown hlu a chan e an tih chu;
Keipawh lengdang chhaiin tuan zai ka rel thei lo,
Nuthlawi zun phur val hi ka buai a ni.


Dairial chang hnu Zuapa

Phuahtu: Lalsangzuali Sailo
Satu: R Lalhmangaiha

Kumsul liamhnu ka han thlir chang ni hian,
Zua leh hraileng te nan lung kan rual a;
Tudang ngailo ten maw lenlai in
Awmlai a hrang vanpui a lo chim e.

Dairial chang hnu Zuapa ngaihlai a zual mang e,
Famngaih a na run in a ngui ruai e;
Rawn thlir ve la i hraichawi sial ang lo lian,
I thairiang suihlungmawl hi min hnem rawh.

Hun leh kum leh nite an her liam a,
Sim loh kawplai chan a na ka ti;
Mipa te zawng run siang an lawi e,
Aw sul ang haw ve hian i mawi silo.

Rauthla vangkhua an mawi hnutiang hawi lo in,
Ka thlir zel dawn a ni Salemthar khi;
Min ngailo ten maw an leng tawh si,
Nunna tui thianghlim an dawn za e.

Awmni kan kham e zaleng rual te nen,
Sakhming nghilhloh nan maw rolung phun in;
Fakzai chunglam ngaiin kan rem e,
Sakhming thamral mai an kan phallo e.


Kiang mai ta nge

Phuahtu: Ch Malsawma
Satu: C Vansanga, Vincy Chhangte

Lungrukah tinkim ka han dawn a,
Nangnen lendun a rem lo;
Phuloh di chhai reng ai chuan in e,
Suihlung damlo mah ila,
Ka kiang mai ta nge.

Suihlung zawng a leng ngei ang,
Di ngaihlai engtin bang i maw;
Mahse, lunglen tuar zir mai nang e,
Min dem lo la Thamampui, 
Ka kiang mai ta nge.

Zankhua tlai a in run kai in e,
Cho loh val i maw ka chhai;
Suihlung mawl in aw ka tuar thiam lo,
Kiang mai nang e Thamampui,
Ka tling lo a ni.

Nghilh theih a har dawn thin ngei e maw,
Duten tangnem pawm lai ni;
Mahse, tunah tleidang i pawm tur,
Tuar zawng a har dawn ngei e,
Ka kiang mai ta nge.

Monday, 8 May 2017

Kumtluang par

Phuahtu:Zirsangzela Hnamte
Satu: Zirngsangzela Hnamte, Lalhungchhungi Pachuau

Chhaktiang kawl engin zing daifim,
Partin tan malsawmna chan tira;
Hmangaih Di tawna ka lunglen hi,
Malsawm siktui thiang chang ve se.

     Uaia chul mai lovin vul reng se,
     Ngaihngam te a hringnun hman ve nan;
     I hmangaihna hi e, ka tan hian,
     Kumtluang Par chang mai teh se aw.

A va lo mak em i zun ngaih hi,
Hun leh ni chhiar pawh thiam a har e;
Min han ngai ve maw ti a dawnin,
A leng hian kei zawng a leng vawng vawng.

Ngaihlai Di thinlai tihlimtu ber,
Anka tawn loh chhung rei thin mahse;
I hlimthla hmangaihna sulsu hi,
Hun leh ni chhiar loten ka thlir vawng vawng.

Chun siar lungruala leng thlirin,
En chimloh nang ngaih a zual leh thin;
Zan mu chhin zai reng rel a har ngei,
Sen nau iang kei zawng tlei har ka ti.

En i har

Phuahtu: J Lalhmangaihthanga
Thluk Siamtu: Dokamlova (Dka)
Satu: Thangromawia Thomte

Sakhmel hmuh loh leh hriat ngai loh hlimthla thlir a thinlai khamtu,
Kumsul tam zawtin ka zawng ruai ruai thin che;
Mahse, tawnni reng aw i awm thei silo
Engan tunah chauh kan intawn phengphe khua a tlai zo ta.

En i har, hrilh ka hai ngei, tahnan mai maw ka tawn tak che?
I anka nem tawng lo mah ila ka hmangaih che a sin;
Duhaisam mai maw ka chan tawk?
Ka riang sei dawn e aw nang vang hian in.

Zawtin zawng vella khuavelah kei mi ianga nang hmangaihtu,
An piang tawh lo'nge vanhnuai he lei chinah;
A ngur sappui nun aw iang lo mah ila,
Kumtluang thai an ka thlang ber che biak zai i rem mai lom ni?

Duhaisam kim chu nang nen a kumtluang runhmun len dun ve hi,
Biak zai rem ve la palai rawn tir nang e;
Hlimten runhmunah aw i leng dun ve ang,
Nang nen runhmun kan lendun chuan ka lei lawm a kim ngei ang.


Di Duhlai

Satu: K.Lalchamliana, Thangromawia Thomte

Ka di duhlai enchim loh,
Engvangnge maw ka lo tawn che?
Ka thinlai lungrukah hian,
An leng ve lo zaleng dang zawng.

Lungphang lo la ka di duhlai,
Ka pawm nang che kumtluang in;
Runhmun lendun hmazawng 
Hmangaih di enchim loh.

Chutin di lo ngai ve la,
I tan rinawm kumtluang in;
Awmzai lo rel ta ila,
Tawng ve nang che hlimni zawng.

Chutin hmangaih biahthu zawng,
Lungchim ten inhlan zel ila;
Herchhuak thuai se kan tawnah,
Aw run hmun len ni tur.

Saturday, 18 March 2017

I belh pawn

Phuahtu: Opa (Tribal Power)
Satu: Tribal Power, Josephine (Jojo)

Zawlkhaw tleitir mengmawiin thinlai a luah leh thin,
Kumsul tam pawh vei mahse;
I sakhmel a'n dartui ang a luang bik em ni le?
Nge i zunzam ka phur sual?

Chhailai di in runsang kai ve maw,
Biahthudi hrilh rem silo;
Ka demlo che bahsam mawi mengmawii,
Chhailai di tang i belh pawn.

Mahse khiang han awi an zawng ka phal thei bik silo,
Zawlkhaw zau ti mawi an;
Chutin lo vul zual zelin kan run ti mawi an,
Lengzawng te lawm ve nan.

Lalpa ropui ber

Lettu: Alvin
Satu: One in Christ

Buaina chhumpui lo zing in hlauhna lo thleng mahse,
Lalpa chu ka tan englai pawh a innghahna tlak a ni e;
Rinhlelh thlipui lo hrangin eng thildang pawh thleng se,
Lalpa chu ka tan englai pawh a innghahna tlak a ni e.

Nitin nunah harsatna a lo thlen chang pawh in,
Lalpa chu ka tan englai pawh a innghahna tlak a ni e;
Lungngaihna lo thlen chang leh eng thildang pawh nise,
Lalpa chu ka tan englai pawh a innghahna tlak a ni e.

Rinlohna leh hlauhna in min bei fo thin mahse,
Lalpa chu ka tan englai pawh a innghahna tlak a ni e;
Manganna lo thlen chang leh eng thildang pawh nise,
Lalpa chu ka tan englai pawh a innghahna tlak a ni e.

Rual hlui

Satu: Joseph Zaihmingthanga

Hmanlai an chang ta panlai nun ten,
Nunhlui an chang leh thin vullai ni ten;
Aw, an liam zel si auh din zawh ruallohvin,
Lenrual zawng te kha tawng leh ang i maw.

Hun leh ni herin thinlaina dam ve nan,
Rualhlui zawng te kha tawn leh ka nuam e.

Suihlung dam ve nan kan chhuahtlang hmun hlui,
Ka rawn fang leh e thinlai a thar leh si;
Aw khawiah tuan che u maw, suihlungrual pui zawng te kha?
Kan sul i hnu zawng te khuarei an chang ta.

Rihsang mualliam in min ngai lo rengin maw,
Famrolungmualah min lo liam san ta;
Rualhlui zawng te kha tawn leh ka nuam e.

Tuesday, 21 February 2017

Ka chawi nang che

Phuahtu: Mapuii Fanai & John Mawitea
Satu: Feli Fanai

Ka thlir vel a kan vang khua,
Chhingzo awm hian ka ring lo;
Ka tawn thar di tun lo sello u,
Ka duhlai ka ngaih lungrun, ka ngai em che.

Duatten ka chawi nang che,
Chawnban vuanin i leng ang aw;
Vangkhaw mawiin tudang ngailo ten i leng dun ang,
Hallo ten in ninglo ten kumtluangin, 
Amten aw...ka chawi nang che.

Kumtluangin aw ka tiam che,
Rinawm hmangaihna ka hlan nang che lungher suh aw (duhlai);
Lengdang par ang vul mahse,
Lungphang suh aw duhlai enchim loh.

Nunhlui zawng kha puan ang chul rawh se,
Tawn thar di tawnah chhawl ang ka uai si.


Saturday, 11 February 2017

Lalte

Phuahtu: Lallianmawia Pachuau
Satu: Lallianmawia Pachuau, Rachel Lalnunkimi

Dawn ve teh Lalte hmangaihna hi,
Khuavel hringmi leng anka zawng pawh hian;
Keizawng hril thiam hianin ka ring lo ve,
I tan hei ang ka hmangaihna mak hi.

Dawn ve teh Lalte, aw dawn ve thin la,
Awmkhawhar suihlunglen reng ai chuan;
Hmangaihna khartung min lo hawn ve la,
Sianglawi ve nang e, lengdang ngai lo ten.

A fal ten nang tawn chang ni che hian,
Thinlai lungruk sawi thiam a har ka ti;
Kawlkei sahrang hlau ngai lo val pawn e,
Annem an chham ve ngei ang i kiangah.

Lalte, engtin lo ngai ve che maw?
Ka tawnah chhimthlipui hran tir lo la,
Khisate siktui thiang dawn ang hian in,
Hmangaihna tuipui min dawn tir zawk rawh.

Lawi ka hmu

Phuahtu: Siama (Vulmawi)
Satu: Vulmawi, Rachel Lalnunkimi, Hmingliana & Zaivulliana

Vawiin chung turni thangvan zawl a her laiin,
Hman a ka di siang a lawi ka hmu;
Vawiin chung turni thangvan zawl a her laiin,
Hman a ka di siang a lawi ka hmu.

Hman a ka di siang a lawi e, 
Tleidang run bel in mothar tiin an lawm; 
Tinkim dawnin lunglam ka vai,
Tuar thiam a har ngei; 
Di hlui,.. di hlui...
Tleidang siang i lawi ta maw...di hlui,
Di hlui, tleidang siang i lawi ta maw... di hlui.

Vawiin chung tur ni thangvan zawl a her laiin,
Hman a ka di siang a lawi ka hmu;
Vawiin chung tur ni thangvan zawl a her laiin
Hman a ka di siang a lawi ka hmu,

Tuesday, 17 January 2017

Saiip puan sin

Phuahtu: Lalnunpuia Hrahsel
Satu: Ruth CVL Muanpuii, Zoremi & Tetea

Kan ramah sual thlipui ang lo thawk e,
Ralmuang ram thlaphan hun a chang zo ta;
Puhmawh tur tudang mah an awm love,
I mite kan inthlahdah vang a ni.

Saiip puan sinin i hmaah kan lo kun a,
Kan ram sual lakah thupha kan rawn chawi e;
Keimaha thiah ngai te min thiat zella,
Hriakthih thu nung manna dawn kan duh e.

Solomona ang lal nih kan duh e,
I finna chauh hmanga roreltu;
Kan lei lallukhum hi nangin nei la,
Kan ramah rorella lalber ang che.

Tlan ila kan lehkhalh hman angem,
Kan beram keipuiin a seh mek e;
Seol ramri an kan hma ngei hian,
Um ila Lalpa kan umpha angem.

Kan sualte senduk in lar tawh mahse,
Vur angin nangin min ti var leh la;
Tihnuam leh thuawih a awm kan duh e,
Kan nunah rorella lalber ang che.

Kraws kawng

Phuahtu: Mamawia Khawlhring
Satu: Ruth CVL Muanpuii


Kei misual chaklo tak hian famkimin
I kraws kawng hi zawh ka tum harsa tiin ka kir leh thin;
Tluk leh thawh fawm ka nun sel leh sawi a tam Lalpa,
Ka kal thiam lo ka kawng min hruai zel rawh.

I hnenah lo khawnge ka kal chuan ang,
Min chelh la, ka banah min kai la;
I hmangaihna leh khawngaihna a tawk, ka tan damna, 
Lawm chungin kraws kawng ka zawh zel ang.

I hmangaih leh khawngaihna a thukin a ropui e,
Ka tlin leh phu reng vangin ka dawng silo;
Kei misual tana thi ka thiam channa kraws a ni,
Tahchuan Lalpan kei hi min lo pawm ve.

Ka nunkawng min hruai turin ka thlangber che aw Isu,
Ka kawng harsa in sual in min bei mahse;
Ka tan i tuarna kraws sual hneh nan a tawk reng si,
Ka thlah lovang Isu min hruai zel rawh.