Keimah vangin

Phuahtu: Lallianmawia Pachuau
Satu: Lallianmawia Pachuau, Lalruatfela Pachuau

Keimah vang a ni e, sam ang kan lo inthen,
Aw, ka hmangaihna hi a tlawm vawng vawng;
Nang then tura chunnu'n biahthu min hlan lai khan,
Engah pal ang ka dan loh, lungchhir ka bang thei lo.

Min dawn ve hian kei zawng ka ring si lo,
Ka chunnu leh chinlai rualduh zawng te'n;
Kei zawng ka tuar thiam lo, Hmangaih L.M,
Dawn changin, aw, ka ngai em che.

Ka chunnu leh zua te'n hmatiang hun dawn lo hian,
Nang ka then nan hun tin an chhiar e;
An iangin keipaw'n e, nang then zai ka lo rel a,
Ka dawng chiang lo, a pawi em, lungchhir ka bang thei lo.

Hun leh ni an liam a, vanduai tah khua sei nan,
Awmlai lian kan runah lo hrang e;
Tlemte tal chuan min dawn pui ve rawh, Hmangaih L.M,
Min hnem thintu nang chauh chuan min lainat lo'm ni.

I lunglai hnem tura'n ka rem ne'maw kei zawng,
I let sawma sang hian ka tuar tawh a;
Hmana Zawlkhawpuia chhingkhual ka chan chhung khan,
Dawt leng mai mai i hai lo, aw, min then chhan kha.