Tuesday, 5 June 2012

Ka buaina ram thlaler

Phuahtu: Rev. Kawlthawma
Satu: Bawngkawn Pastor Bial Zaipawl

Ka buainaram thlaler ah hian,
Ka lal ka tlantu hmel duhawm;
Luiral a buatsaih ram te nen,
Ngaiin ka lung a leng mang e.

Churam mawi ah ka chawl ve ang,
Lalpa chenna ram mawi ah chuan;
Ka chawl ve ang buaina piah ah,
Ka tan chatuan ralmuan na ah.


Hmun ka siam dawn Lalpan a ti,
Ringtu te lawma an chawlhna;
Ka ngai lovang ka khawvel nun,
A buatsaih ram ka thleng thlen hun chuan.

Lei ah riang in hmun nei lovin,
Thlaler hreawm hrut vel ila;
Lalpan ka tan a buatsaih a,
Ka chawl ve ang luipui kam ah.

Aw, i zai ang Lalpa fakin,
Beram no thah tho leh a chuan;
Ka lo kal leh ngei ang a ti,
Lawm ru lungngai te lawm rawh u.
--

*He Mizo khawhar hla hi audio a ngaihthla duh tan->Ka buaina ram thlaler

4 comments:

  1. Ka buainaram thlaler ah hian tih hla hian ka nun a thlak danglam nasa hle ani lalpa chu fakin awm roh se lalpa fakin i zai ang u

    ReplyDelete
  2. MIZO HLA A THU GOOGLE THEIH A AWM HI A THA E

    ReplyDelete