Sunday, 23 June 2013

Thiamthu sawi thei ka nilo

Phuahtu: Buonglienkung
Satu: Lalruotmawi

Lalpa i mi hruai dan hi ka ngaihtuah hian,
Dikna laltiang chu i ta a ni lawm ni;
Rinhlelhna chhumpui hnuai a ka len lai hian,
I thlarau tanpuina chu ka va ngai em.

Mihring ramah thiamthu sawi thei ka ni lo,
Ka tana i tuarna hi ka ngaihtuah hian;
Dawt a sual tin reng a an hek lai che khan,
Ka damna turin thih thleng i lo tuar si.

Mite ngaihdan chuan suamhmang mai ka lo ni,
Mahse ka nunah hmuhchhuah tur awm silo;
Nun chau leh beidawng takin ka rawn pan che,
Ringhlel tute chu nangin mi hneh sak rawh.

Ka lei beiseina te chu lo thlawn mahse,
Nang chu ka phaw leh ka kulhpui i nisi;
Lei lalthuthleng leh lallukhum tlawm hun chuan,
Kan thil tihsual te puanlan ala ni ang.

He hla music video hetah hian en theih e: Lalroutmawi

No comments:

Post a Comment