2 May 2015

Kar hla di

Satu: Mimi Renthlei

Chhingkhualah ar ang ka vai,
Ka tawnglo thinlai hnemtu;
Ami zaleng rual zawng te kawp ten an leng e,
Kei ka chhailai di ve khan,
Min han dawn ve ni awm maw?

Kar hla di zun a uai chu,
Tuar thiam a har ngei ka tan;
Dar ang tawn leh ni nghakin,

Zanmu reng ka chhing thei lo.

Tlangtin chuanin ka hawi vel a,
Saw raltiang ka di lenna;
Theihchang se chungmu iangin lenthiam ila,
Fan ka nuam kan tuanna tlang,
Suihlunglen a nem mahna.

Aw, hrilh in sawithiam ila,
I tawnah ka suihlung len;
Hrilh ka nuam khuavel zawng hi,
Tuar a nem mahna,
Mahse, bawihte i tello chuan
Dam chuang in ka ring silo.

Dar ang tawn leh hma chuan e,
Hmangaih thu kan tiam zawng kha;
I thinlai rukah bawihte, nghilh bik lo la;
Khuarei kumsul pawh vei se,
Rinawm in awm tlat ang aw.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: